أتمنى أن العنوان ده قدر يلخص كل أحاسيسي ... ففتره قريبه جدا وقعت وقعات متتابعه كانت بتستهلكني وكنت ديما جنبي بتتحمله كل حاجه ومبتبخلوش تبيوا حبكم ومساندتكم ليا رغم عدم إلتزامي معاكم بس ربنا يعلم ظروفي ... يمكن ده خسرني متابعين كثير بس عرفني أن في ناس بتحبني مشبته بيا هتفضل مهما حصل تساندني وتدعمني ... وهي اللي قوتني بسببها رجعت النهارده بعد الضربه القويه اللي خدتها واللي كانت حادثه أبويا حبيبي الله يطول في عمره ... أول راجل فحياتي اللي مدلعني واللي شايل هبلي وجناني ومتحملني بكل تقلباتي سندي وظهري ... طول عمري كنت صاحبة القلب القاسي اللي ملهاش غالي ومش بيأثر فيها فراق حد أو موته ... بس اللي حصل لأبويا حرك فيا حاجه من جوا وأختبرت لأول مره أحساس الخوف من أني أفقد حد غالي وعزيز بجد ... كانت وقعه قاسيه جدا جدا كسرتني وأخدت مني أكثر من شهرين عشان أقوم وأرجع ثاني حسيت أني تايهه ومش عارفه حاجه بس رغم كل ده ولما أفتكر وحاشة الحدثه اللي حصلة لأبويا وأنه أنقلب من فوق قنطره بموتسيكل كبير وكان ممكن يموت لولا لفط ربنا كانت النتيجه كسر فبعض المناطق بتتعافى مع المده وأنه رجع يتحرك من ثاني بقول " الحمد لله " ربنا كريم أوي علينا ومدينا كثير أحنا بس نحس ونقدر قيمة اللي عندنا .
بعد الفتره دي شوفت أني وقعتي طولت ولازم أرجع وأجازي الناس اللي سألت عني وأفتكرتني وهمها أمري لازم أكون قد ثقتهم فيا وأن شاء الله هكون .... أنا رجعت بطاقه جديده وروح جديده وعزيمه جديده عشان أرسم البسمه على وشوشكم .
إبتداءا من الأسبوع الجاي رجوع قوي ليا بأحداث نار وفصول لا عدد لها أنتظروني بعوده شديده هبهركم بأذن الله عاوزه منكم مراجعه للروايه عشان تفتكروا الأحداث ونكون تمام .... وعايزه المنشور ده ينفجر تعليقات عاوزه هجوم على التعليق وتقلولي وحشتوني قد إيه .
وأنا بقلكم أنكم وحشتوني أوي أوي جدا وشكرا لكل اللي سأل عليا وبحبكم جدا جدا.
تحياتي ماريا❤️❤️❤️❤️
VOCÊ ESTÁ LENDO
عادت من قلب الجحيم ( امرأه كالمغناطيس 2 )
Diversosكانت ترتدي قناع الفتاة العاديه الهادئه المسالمه المجنونه والمرحه تخفي اسرار صادمه وأوجاع كثيره وفجأه جاء القدر ليلاقيها بيهم لتسقط الاقنعه في خضم المغامره ...كشفت الأسرار وظهرت الوقائع المستوره . ظنت انها سترى السعاده وستنال الإهتمام ستعيش الراحه وا...
