ဟန်သစ်ကတော့ ငွေနှင်းအား ငေးကြည့်ရင်း ပြုံးလိုက်လေသည်။
ဧကန်တွင် ငွေနှင်း အိမ်ပြန်မည်မှန်း သိသဖြင့် တမင် အတူသွားဖြစ်ရန် တီချယ်ယုအား အတင်းအကျပ် ပူဆာထားခဲ့ကြောင်းကိုတော့ ဟန်သစ်နှင့် တီချယ်ယုသာလျှင် သိပေသည်။
...................
လဆုတ်ရက်ဖြစ်လေသဖြင့် ပြည့်ဝန်းလှပနေသော လပြည့်ဝန်းကြီးအစား ခပ်ကွေးကွေးဖြင့် တင့်တယ်နေသော လခြမ်းပဲ့ကလေးကိုသာ တွေ့မြင်ရပေသည်။
သင်္ဘော၏ ဦးခန်းသို့ ထွက်ကာ ဟန်သစ်နှင့် ငွေနှင်းတို့ အတူမတ်တပ်ရပ်ကာ လေပြည်လေညင်းတို့၏ တိုက်ခတ်မှုကို ခံစားနေကြလေသည်။
"တီချယ် ... The Carpenters ရဲ့ Top of The World ကို နားထောင်ဖူးလား..."
ဟန်သစ်၏ မေးခွန်းကြောင့် ငွေနှင်းက ဟန်သစ်အား လှည့်ကြည့်၍ ခေါင်းညိတ်ကာ ပြုံးလိုက်လေသည်။
"Something in the wind has learned my name, and it's telling me that things are not the same."
ရုတ်တရက် သီဆိုလိုက်လေသော ငွေနှင်း၏ အသံချိုချိုလေးကြောင့် ဟန်သစ် အံ့ဩသွားလေသည်။
"တီချယ်က သီချင်းဆို ကောင်းတာပဲ..."
"ဒါပေမယ့် မြန်မာသီချင်းတွေ မဆိုတတ်ဘူး..."
"သစ်သစ်ရောပဲ... key မဝင်သလို ခံစားရတယ်။"
"သဘင် ကျောင်းသူက ပြောရမယ့် စကားလား။"
"ဇာတ်ကြီးတွေရဲ့ ဆို၊ငို၊ပြောတွေရယ်၊ သီချင်းကြီးတွေရယ်ကို ဆိုနိုင်ပေမယ့် တခြားသီချင်းတွေ တကယ်မရဘူး။ ကာလပေါ်တွေကိုတောင် မနည်းလိုက်ရတယ်။ ဒါပေမယ့် specialization ကို ရုပ်သေး မယူဘဲ၊ ဇာတ်ကြီးယူထားတာ..."
"ရုပ်သေးက ဝင်ငွေ ပိုကောင်းတယ်လေ..."
"ဝင်ငွေက အရေးမကြီးပါဘူး။ ဒီအလုပ် ဆက်လုပ်ဖို့လည်း သေချာတာမှ မဟုတ်တာ..."
"Why? အာ... sorry, စပ်စုသလို ဖြစ်သွားတယ်။"
"မဟုတ်တာ၊ ရပါတယ်။ အိမ်က သိပ်သဘောမကျဘူးလေ။ တစ်ဦးတည်းသောသမီးဆိုတော့ မိဘလက်ငုပ်လက်ရင်းအလုပ်ပဲ လုပ်စေချင်တာပေါ့။"
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part - 6 (Unicode)
Start from the beginning
