يگلولة:
انه اشهد لك على حلها وخط معانيها
هم جمال وهم تعب وعليك الله يگويها..ويجاوبهم:
انه ادري خَلگ ربي هواي لچن!
بس هي الطاحت بعلة گليبي وصرت هاويها.#بقلمي_بصره_الربيعية
#رغيف_بنكهة_عشگ
#البارت_18..البصرة..
كلاف_من فزيت من النوم چانت ضلمه ومبينة الكهرباء مطفية ... گوه امشي واشبخ حتى لا اسحگ النايمين
فتحت الباب ورديته ضوه الگمره من شباچ الهول يلالي
يعني أميز المطبخ منين توني اريد امشيله وشفت خطفة!..ماخفت كملت طريقي للمطبخ ويه دخلتي شفته واحد واكف طويل..
صحت..منو..
اجاني صوتهاا..
تماضر_هاا كلافَ هاي انه!
كلافَ_تماضر ..شبيچ ؟!
تماضر_مابيه شي اجيت ادور على حِب الماي عطشانه
كلافَ_مو انتِ خليتي بيدج بالهول .
تماضر_هاا اي نسيته.
كلافَ_علبتچ هاي الچانت بيدج!
تماضر_اي اي علبتي ..مدري شجالي يمكن لان جنت نايمة.. وفزيت
كلافَ_اجيت اكلها والعلبة شعليها بالنص بس سكتت
وطبقت قانوني بالسكوت"انه شعليه"خذيت الشمعة بيدي وفتحت الكومدي وأخذت النستله
هو انه فزيت من النوم جوعانةوانه مدنگة وحسيت دَبي رجلين ويه ما اجيت اكوم ....
_هه ووووووو.._يـــماااا......نعلة عليچ..
_هههههههه
كلافَ_سمسم... هاي سالفة تسوينها بيه.. تخرعيني
سمية_شدعوة...
كلافَ_شني شدعوة وانتِ كطعتي خلفتي والمصيبة صوتي كعد النايمين هسة
سميه_محد گعد نايمين نومة اهل الكهف الشخير واصل البيت الشيخ..
كلافَ_بأخر حچيها وغمزت..
اخوي مطلع عينچ الظاهر.سميه_اوو من زمان طلعها توج تدرين...شو خل اكل شتاكلين بالله.
كلافَ_ماتصير للسانچ چاره هيج اخذيها حتى شبعت من خرعتي.
YOU ARE READING
رغيفْ بنكهة عشگّ {مكتملة}
Romance#العراق #البصرة #بغداد #الناصرية . . تدور القصة عند دائرة تتماسك بالقرابة والجيرة بين حياة الشيخية في الجنوب وحياة بغداد فمنهم الذي يُحب ومنهم العاشق ومنهم إلحاقد منهم من يسعى لرضا الله في الحلال ومنهم من يبغضه بالحلال ومنهم من يتعمد الحلال ومنه...