ကိုကိုရဲ့ ငယ်
အပိုင်း ၃၀
ပိုးစံနဲ့အတူတူ လဲ့လဲ့မော်ရဲ့ ဆိုင်သို့ ရောက်ရှိလို့လာခဲ့သည်။ ပိုးစံက
လဲ့လဲ့မော်ကို မေးပေမယ့် အပြင်ကို အလုပ်ကိစ္စရှိလို့ထွက်သွားတဲ့အကြောင်းပြောနေရင်း ကျွန်တော်လည်း ဆိုင်ထဲက ပြင်ဆင်ထားတဲ့
အပြင်အဆင်လေးတွေကို လိုက်ကြည့်နေလိုက်သည်။ နောက်တော့
ပိုးစံက ကောင်တာက ကောင်မလေးဆီမှာ တစ်ခါတည်း အစားအစာတွေကို မှာနေခိုက် တစ်စုံတစ်ယောက်စိုက်ကြည့်နေသလို ခံစားရတာကြောင့် ဘေးပတ်ဝန်းကျင်ကို လိုက်ကြည့်လိုက်တဲ့အခါ တစ်နေရာ အရောက် ကျွန်တော့် မျက်လုံးတွေက ရပ်တန့်သွားတော့သည်။
"ငယ် "
ဟုတ်တယ်..ငယ်..ကျွန်တော်သိပ်ချစ်ရတဲ့ငယ်..အရမ်းတွေ့ချင်နေခဲ့တဲ့ ကောင်မလေး..အခုတော့ ကျွန်တော့်မျက်စိရှေ့ရောက်နေပြီ..
ငယ့်ဆီသွားမလို့ပြင်ရင်း ရုတ်တရက် စားပွဲခုံကနေ ထပြိး ဆိုင်အပြင်ဘက်ထွက်သွားတဲ့ ငယ့်ကြောင့် ကျွန်တော်လည်း အနောက်မှပြေးလိုက်ရတော့သည်။
အပြင်ရောက်တော့ ကားမောင်းပြီးထွက်သွားတဲ့ငယ့်နောက်ို ဆက်ပဲ လိုက်ရမလို ရပ်ပဲရပ်နေရမလိုလို နဲ့ ကြောင်ပြီးကျန်ခဲ့တဲ့ ကျွန်တော့်ကို နောက်က ပိုးစံလှမ်းခေါ်မှပဲ သတိက ဝင်လာတော့သည်။
"အေးချမ်းရယ် ဘာဖြစ်တာလည်း ငါ့မှာ ရုတ်တရက်ကြီး နင်က အပြင်ကို ပြေးထွက်သွားတော့ ဘာဖြစ်တာလည်းလို့ လန့်သွားတာပဲ "
အမောတကောနဲ့ပြောနေတဲ့ ပိုးစံကိုလည်း သတိမထားနိုင်သေး
အရေးကြီးတာက ငယ်...ငယ့်ကို ပြန်တွေ့ခွင့်ရဖို့ ဘယ်လောက်တောင် မျှော်လင့်ခဲ့ရလည်း..အခုလို ပြန်တွေ့တော့လည်း စကားပြောခွင့်တောင် မပေး... ချက်ချင်း ပြေးထွက်သွားတဲ့
ငယ့်ကို ကြည့်ပြီး ေန့လည်က ပျော်နေတဲ့အပျော်လေးတွေတောင်
ေပျာက်ရှလို့သွားခဲ့ပြီ။
"ဟဲ့ အေးချမ်း အေးချမ်း အေးချမ်းကိုကို! !!!"
နားနားကပ်ပြီး အော်လိုက်တဲ့ ပိုးစံကြောင့် လူတောင် တွေးနေတဲ့အတွေးတွေ ဘယ်ဆီရောက်လို့ ရောက်သွားမှန်းမသိတော့....
YOU ARE READING
ကိုကို့ ရဲ့ ငယ် ♥ Uni+Zaw
Romancegudie ဆရာမ tomboy လေးနဲ့ ကျောင်းသူလေး တို့ရဲ့ အချစ်ဇာတ်လမ်း
