قصائد الحب (الجزء الثالث من احببت عنادك)

البارت 20

  سيليا بدهشه مماثله: ليه ي بنتي ..دا انتي شعرك كان طويل جداً وكنتي بتحبيه ..
ليان وهي مبتسمه:وكدا بردوا بحبه ..وشكله احلي
تالا بقله حيله لما شافت فرحتها :المهم انك مبسوطه
دا شعرك وانتي حره فيه
لكن هو كان بيبصلها بصدمه ..شايف فرحتها واهتمامها بنفسها وهو كان متوقع لما يعمل كدا هيأثر فيها ويخليها تتراجع لكن هي واضح انها مبسوطه وعايشه حياتها ..اضايق لكن مينفعش يجذب انتباه الموجودين لكن هو كان خد باله منه ومن ردود افعاله ..حتي هي كانت بتراقب تصرفاته بطرف عينيها
فهد بجديه:بعيداً عن كل دا ..تأخير عن معاد العشاء تاني مش هسمح ..انتي عارفه المواعيد ..وعارفه قوانين البيت
ليان بأسف:انا اسفه ي جدو ..مش هتتكرر تاني
قعدت ليان تاكل وهي متجاهله تماماً ايهم الي كان بيحاول يتمالك اعصابه
حتي مونيكا جنبه متعصبه ..لكن مش عاوزين يلفتوا الانتباه
وكان واخد باله شريف الي كان بياكل باستمتاع وهو شايف خطته بتنجح قدام عينيه ..وادت مهتمها بشكل مثالي جدااً
خلصوا عشاء وطلع كل واحد ع اوضته ..
وفي اوضه ايهم رايح جاي وهو متعصب لان خطته فشلت بص ل مونيكا بغضب :معقوله خطتي تبوظ بالشكل دا ..انا عملت كل حاجه صح ووقعت بنات كتير جداً بيها ..تيجي هي وكأنها محبتنيش اصلاً
مونيكا بضييق:انا اخبرتك لا تبتعد هكذا ..يجب ان تأخذ ما تريده وتجبرها
لكن هكذا سوف تخبر الجميع بكل شئ
ايهم مكنش متعصب عشان ممكن تقول لحد ع الي شافته ..بصلها بغضب : انا لا يهمني كل هذا ..الاهم هنا ان يجب ع خطتي ان تنجح ..لا يمكن ان تنتصر علي هكذا
خرج ايهم برا الاوضه بغضب وقربت مونيكا من الفون وبتتكلم بعصبيه وهي تتحدث الانجليزيه
مونيكا بغضب لكن صوتها واطي عشان محدش يسمع  : لقد فشلت الخطه ..
الان يجب ان نتجه لشخص اخر
الطرف الاخر :هذه مهمتك مونيكا ..يجب ان نفكك هذه العائله لنصل لما نريد ..قوه هذه العائله تكمن في فهد وشريف ايضاً
وانتي الان تسيطري ع حفيده ..يجب السيطره ايضاً ع حفيده فهد
مونيكا بضييق:كيف يمكنني السيطره ع حفيدته ..
الطرف الاخر :هذه ليست مشكلتي ..يجب ان تسرعي في مهمتك لان لا يوجد وقت ..ممكن اكتشافك في اي وقت
مونيكا بتتنفس بقوه : حسنااً ..سوف ابلغكم بكل شئ
اغلقت مونيكا الخط وقعدت ع السرير وهي بتفكر هتعمل اي

ع الجانب التاني ايهم واقف في الجنينه وهو بيدخن السيجاره بشراهه
وبيبص للفراغ وبيفكر: هو انا ليه مضايق كدا ..يعني انت عايزاها تعمل اي لما تسيبها وانت مبينلها ان الحاجه دي هي اساس علاقتنا مع بعض
اكيد شافتك واحد زباله ...لالالا ليان لايمكن تفكر كدا .دي بتحبني
بسخريه بتحبك ..مش باين يعني ..لا هي انهارت من العياط ولا قطعت شراينها عليك ..بالعكس دي كانت مبسوطه وكأنها طايره من الفرحه
بينفخ دخان السيجاره بغضب ...يوووه انت واجع دماغك ليه ..هي حره تقص شعرها ولا تولع فيه حتي ..يعني دا الي هيبينلك انها بتحبك او لا بطل عبط بقاا

في اوضتها  قاعده ع اللاب وهي بتتصفح ع النت وبتكلم هاشم شات ..كانت بتحاول تشغل وقتها جداً عشان متفكرش فيه
وفي وسط ما هي قاعده وبتكلمه رن هاتفها اترددت ترد في الاول لكن في الاخر ردت :الو
ابتسم وهو بيسند ضهره ع السرير و بيحط ايديه ورا رقبته :اي رايك في المفاجاه دي ..انا قولت نتكلم فون احسن بدل شات وكتابه ووجع ايد
بس طبعاً كل دا فداكي ..انا بصراحه بتلكك عايز اسمع صوتك
ليان ابتسمت بتوتر وخجل :عامل اي
هاشم ضحك : هههههه لا واضح انك مختلفه جداً في الفون شخصيه جديده ..ماانتي سالتيني واحنا بنتكلم شات عامل اي وقولتلك الحمدلله
ليان وهي مبتسمه حمحمت بحرج : معلش هو بس من المفاجاه ..حاسه اني متوتره كدا
هاشم ابتسم بثقه :عارف ..بصراحه واحده في رقتك وجمالك مستغربش انها تكون مكسوفه ومتوتره ..
ليان بخجل : معلش ي هاشم ممكن تبطل كلامك دا ..
هاشم :حاضر ي ستي هبطل كلامي دا ..رغم ان كله نابع من جوايا مبعرفش امنعه بس هحاول عشان خاطرك
ليان :شكراً
هاشم :المهم اي رايك نخرج بكرا
ليان استغربت ووقفت وبتتمشي ناحيه التراس : نخرج! ليه
هاشم :عادي ي ليان ..حابب اخرج انا وانتي
ليان بأسف وهي بتسند ع السور :احنا عندنا شغل بكرا مش هينفع
هاشم :بكرا احنا اجازه ي ليان انتي ناسيه ولا اي ..ولا تكوني بتتهربي مني
ليان خبطت ع جبينها بنسيان:انا نسيت فعلاً ان بكرا اجازه ..لا مش بتهرب والله ..بس هو الخروجه ملهاش داعي وكمان انا رايحه الچيم اي رايك تيجي معايا
شافها ايهم وهي واقفه في التراس وبتتكلم في الفون ..اتعصب وهو بيردف : عشان كدا مهمكيش كلامي وكل دا كان تمثيل ..لقيتي البديل بسرعه
ماشي ي ليان والله ما هسيبك
هاشم باستنكار :چيم ! هنخرج نروح الچيم ..لا هو بصي احنا هنخرج بكرا سوا ومش عايز اي اعتراض دا اجباري
ليان ضحكت :هههههه لا والله يعني غصب عني
هاشم بثقه : لا هو برضاكي ..وانتي موافقه
ليان ابتسمت بمكر:بس انا مش موافقه
ايهم كان وراها واقف بغضب :ومش موافقه ليه ي ست هانم ..
ولا خايفه يعرف انك مدوراها
اتخضت ليان ولفت بسرعه ليه واردفت بغضب : اي دا ..انت ازاي تدخل اوضتي في وقت زي دا وتتهجم عليا كدا
ايهم بعصبيه : ليه هو الاستاذ ميعرفش اني بدخل اوضتك كل يوم وفي الاوقات دي ..ولا ميعرفش وساختك
ليان محستش بنفسها غير وهي بتضربه بالقلم وكل دا كان هاشم ع الفون وسامع كل حاجه حتي صوت القلم وصله
ايهم حط ايديه ع خده بذهول وسرعان مااتحولت ل غضب وعيونه اسودت من شده الغضب ومسكها من دراعها بقوه وهو بيضغط لدرجه ان ضوافره غرزت في ايديها :اقسم بالله ما هرحمك ي ليان ..والقلم دا هتاخديه اضعاف مضاعفه ..ولازم كل الي في البيت يعرف وساختك
ايهم كان بيعلي صوته وصحي الكل فعلاً ع صوت زعيقهم وصراخها وهي بتطلب منه يسيب ايديها
اتلم كل الي في القصر عند اوضتها وايهم واخدها وبيخرج برا التراس وكان الفون وقع من ايد ليان
يامن اتعصب وبعده عن بنته وزق ايديه وهو واخدها في حضنه وبص ل ايهم بغضب : انت مين سمحلك تمسكها بالشكل دا او حتي تدخل اوضتها
ايهم بغضب : مش تعرف الاول اي الي غلطت فيه يخليني اعمل كدا
شريف بقوه : مهما كان السبب ميدكش الحق انك تدخل اوضتها في الوقت دا
ايهم بعصبيه : لا ليا ..الهانم بتكلم واحد وشايفها عماله تضحك وتهزر معاه
فهد بقوه اكبر : معاك اثبات ع كدا
ايهم بصله : ايوا معايا تقدروا تمسكوا فونها وتشوفوا بنفسكوا
بتبص سيليا وخدت بالها من الفون ع الارض قربت منه ومسكته وبصتلهم :الفون مكسور ومش بيفتح
فهد بص لايهم بقوه : يعني مفيش اي حاجه تديك الحق انك تعمل كل دا
وتمسكها كدا ..ويمكن كانت بتكلم صاحبتها ..انت مسمعتش اي كلمه تخليك تفتكر انها بتكلم واحد ..وحتي لو دا حصل ابوها الي يحاسبها واحنا نحاسبها مش انت
ايهم بغضب : لا ليا دي بنت عمي ..من حقي لما اشوفها بتغلط اربيها
شريف بقوه : دا لما احنا نموت ابقاا اعمل كدا ..غير كدا ملكش اي حق
وبعدين الي محتاج تربيه بجد هو انت ..عشان سمحنالك انك تتعدي حدودك وتدخل عليها الاوضه وتتهجم عليها بالشكل دا ..وكفايه اننا موافقين بالامريكيه الي جايبها معاك
فهد بصلهم بجديه:كل واحد يروح اوضته يلاااا
مشيوا كلهم من الاوضه وفضل شريف ويامن واخد ليان في حضنه وبيطبطب عليها ..وهي منهاره من العياط
وايهم قبل ماا يخرج بصلها بوعيد وغضب وخرج برا الاوضه
شريف قرب من يامن وبصله : روح نام انت ي يامن وانا هقعد معاها شويه
يامن اتنهد:حاضر ي بابا
خرج يامن برا الاوضه ..وقرب شريف منها وقعد قصادها ع الكرسي وبصلها بهدوء: خلاص اهدي ..انا خرستهولك خالص ولسه هعرف اربيه كويس ..بس قبل اي حاجه انا عايز اسالك سؤال ..هو الي قاله صح ولا لا
ليان بصت في الارض بتردد وهزت راسها ب اه
شريف بنفس الهدوء:مين هو
ليان بلعت ريقها بتوتر : هاشم
شريف :تمام انا عايزك تكلمي كلام معاه
ليان بصت ل شريف بدهشه
وهو كمل بتأكيد :متستغربيش من الي هقوله ..هاشم دا هو الي هنقدر من خلاله ..نربي ايهم
ليان دمعت بحزن : بس ي جدو ايهم قال عني كلام وحش اووي ..وهاشم كان ع الفون
شريف بيضغط ع اسنانه بقوه :ابن الكلب ...اتنفس بقوه وبصلها ..متقلقيش من الموضوع دا انا هتصرف
ليان :بس انا هخاف ي جدو ..مش عايزه العب بمشاعر حد ..هاشم ممكن يكون بيحبني
شريف :متقلقيش بردوا من دي ..هاشم بيتسلي ..فا مفيهاش حاجه لما احنا كمان نتسلي
ليان هزت راسها : حاضر ي جدو الي حضرتك تشوفه
شريف مسكها من ودانها وقرصها :الي انا اشوفه ان كل حاجه تتقالي متفاجئش بكل حاجه كدا ..ولسه هربيكي بردوا بس مش دلوقتي دورك جاي
ليان بصتله بأسف وهي بتتألم : ااه ..اه. انا اسفه مش هتكرر تاني
شريف سابها ووقف :هنشوف ..المهم قومي اغسلي وشك وبكرا الصبح هننزل سوا اجبلك فون جديد بدل الي اتكسر
ليان ابتسمت بهدوء:حاضر
مشي شريف وقفل الباب وراه

في اوضه ايهم متعصب جداً وهو قاعد ع طرف السرير : بقاا انا ..تعمل معايا كدا ..والكل يبقي معاها ضدي ..لييه كل دا
سحرالهم ولا اي ...
مونيكا بتداري غضبها من غبائه وبتمرر ايديها ع صدره بدلع وع ضهره :حبيبي لا تغضب هكذا ..يمكننا اثبات انها ع علاقه ب شاب وهكذا سوف يصدقونك ويكذبوها هي
ايهم بضيق : كيف يمككني فعل ذلك فقد كسر الفون
مونيكا :يمكنك فعل ذلك حبيبي لكن اهدأ ..
اتفتح الباب فجأه بقوه واتخضوا الاتنين وبصوا عليه وهو واقف بجديه وقرب منه وقفوا الاتنين بتوتر : ماشاء الله ... وعامل فيها محموق اووي ع بنت عمك ...وازاي تكلم وتعمل وانت هنا مقضيها ..طب ما تصلح نفسك الاول قبل ما تصلح غيرك
بصله بغموض ..ولا انت مش عايز تصلحها ..والموضوع كله ك رد كرامه بس مش اكتر ..وان ازاي ايهم باشاا واحده ترفضوا
ايهم بتوتر : حضرتك بتقول اي ي جدو ..انا مش فاهم حاجه
شريف حط ايديه في جيبه بثقه : انا متاكد انك فاهم كويس اووي . بس انا مش هضيع وقتي اشرح ..خد بالك من الي حواليك ي ايهم ..
بنت عمك المفروض تحميها وتحافظ عليها ..لانها شرفنا وعرضنا ..احنا اهلها ..يعني لو عريانه انت تغطيها ..مش تفضحها وتعمل النمره الي انت عملتها دي
ايهم : ي جدو ..انا اتعصبت لما لقتها بتقاوح معايا ..كأنها مش غلطانه
شريف : انا مش بتكلم في تفاصيل ..دول كلمتين بعرفهوملك يمكن تكون ناسيهم ..
ومتفتكرش انك عشان راجل تعمل الي يحلالك ..ربنا عمره ما فرق بين راجل و ست ..عمره ما قال ان الست لو عملت كذا تتحاسب والراجل لو عمل كذا ميتحاسبش ..قدام ربنا زيك زي البنت ..لما ييجي ويسالك ليه عملت كدا ..هتقول انا راجل
ايهم اتأثر بكلام جد وعارف ان معاه حق في كل كلمه بص في الارض بخجل من جده: انا اسف ي جدو
شريف :مش مهم تتأسفلي انا ..انت غلطت في حق ربنا كتير ...هو دا الي المفروض تطلب منه المغفره
خرج شريف و ساب ايهم في افكاره ..ومونيكا جنبه مكنتش عايزه تديله فرصه انو يحس بتأنيب ضمير ..قربت منه وبتلعب في شعره بدلع: لا تحزن ..ايهم ..انا الان سوف انسيك هذا العالم
قربت تبوسه لكن بعدها ايهم بضيق : ارحلي الان مونيكا ..انا افضل الجلوس بمفردي
مونيكا اضايقت ونفخت بضيق وخرجت برا الغرفه وقفلت الباب بقوه
♥️♥️♥️♥️♥️♥️♥️♥️♥️♥️♥️