@ជេឃេក្រុប
ជីមីន ពិតជាមកធ្វេីការនៅក្រុមហ៊ុនរបស់ ជុងហ្គុក ដូចដែលគេបាននិយាយកាលពីម្សិលមិញអញ្ចឹង នាយកម្លោះបោះជំហ៊ានចូលទៅក្នុងក្រុមហ៊ុនទាំងទឹកមុខញញឹមតិចៗតាមទម្លាប់សុភាពបុរសរបស់ខ្លួន ទៅដល់ក៏បានជួបនឹង ប៊ែកហ្យុន ដែលកំពុងតែធ្វេីការងាររបស់គេ ទេីបនាយដៀរទៅរកទាំងញញឹម។
«សួស្ដីលោកប៊ែកហ្យុន»ជីមីន និយាយទៅកាន់ ប៊ែកហ្យុន ទាំងញញឹម ធ្វេីអោយអ្នកខាងនោះ ប្រញាប់ងាករកប្រពភសំឡេង។
«អរជីមីន នេះឯងមកទីនេះមានការអីមែនទេ»ប៊ែកហ្យុន ងាកទៅក៏ឃេីញថាជាមនុស្សដែលខ្លួនធ្លាប់ស្គាល់ទេីបនាយរហ័សចេញទៅរក ជីមីន ដែលកំពុងតែដាក់ខ្លួនអង្គុយនៅកៅអីរង់ចាំនោះ។
«ខ្ញុំមកដាក់ពាក្យធ្វេីការ»ជីមីន តបទៅនាយទាំងញញឹម នឹងលេីកឯកសារបង្ហាញទៅអ្នកខាងនោះ នៅទីនេះមានតែ ប៊ែកហ្យុន ទេដែលនិយាយជាមួយនឹងគេ ម្នាក់ៗគ្មានអ្នកណាចាប់អារម្មណ៍នឹងខ្វល់ពីវត្តមានរបស់គេឡេីយ ។
«នេះឯងមកដាក់ពាក្យធ្វេីការទៀតហេីយមែនទេ ពីលេីកមុនម៉េចក៏ឯងមិនធ្វេីអញ្ចឹង ទាំងដែល លោកប្រធានអោយឯងចូលផ្នែកទីផ្សារណា»ប៊ែកហ្យុន សួរទៅអ្នកខាងនោះទាំងឆ្ងល់ គេចាំថាថ្ងៃមុន ជុងហ្គុក អោយ ជីមីន ទីផ្សារជាមួយនឹងយ៉ុងជុន តែប្លែកត្រង់ថាមិនដឹងថាមានរឿងអីទេ ជីមីន ស្រាប់តែដេីរចេញទៅវិញទាំងមុខខឹងជាមុខមាំ អីឡូវក៏មកម្ដងទៀត។
«ខ្ញុំមិនចង់មកទេ ខ្ញុំជំពាក់បំណុលគេទេីបខ្ញុំមកធ្វេីដេីម្បីកាត់បំណុល»ជីមីន ញញឹមប្រាប់ទៅអ្នកម្ខាងទៀតដោយនិយាយការពិតប្រាប់ ហេីយក៏មិនបានគិតអ្វីនោះដែល ធម្មតាបេីវាជាការពិតទោះយេីងប្រឹងលាក់បាំងក៏វាមិនបានអ្វីមកវិញដែល ដូច្នោះហេីយក៏ការនិយាយការពិតមិនមែនជារឿងគួរអោយខ្លាចឡេីយ។
«នេះឯងនៅក្មេងយ៉ាងនេះ តេីទៅជំពាក់លុយអ្នកណាទៅ»ប៊ែកហ្យុន សួររបៀបមិនចង់ជឿ ថាមនុស្សដូចជាជីមីននេះទៅជំពាក់បំណុលគេ ព្រោះមេីលទៅគេដូចជាកូនអ្នកមានអញ្ចឹង សូម្បីតែសម្លៀកបំពាក់ក៏មេីលទៅសុតតែរបស់ប្រេនដែល។
ភាគ១០
Start from the beginning