⟨ Unicode Version ⟩
* မျက်ဝန်းတွေရဲ့ဘာသာစကား *
အပိုင်း ၀၇
ဂျောင်ကုဆီက အသံထွက်လာတော့ သူလန့်သွားမိသည်။ မလုံမလဲနဲ့ ပွေ့ဖက်ထားမိတာကို ခွာဖို့ကြိုးစားတော့ ဂျောင်ကုက တင်းကျပ်နေအောင်ဖက်သည်။
" ကျေးဇူးတင်ပါတယ် ... ဒီနေ့ ကျွန်တော့်ကို ဆွဲထုတ်သွားပေးလို့ "
ဟင်
ထိုစကားအဆုံးမှာ သူအံ့ဩသွားသည်။
ဘာလဲ ဂျောင်ကုက .... နေပါဦး ... ဆူဂျင်းအကြောင်းသိနေတာလား
" ကိုကိုသာ မရောက်လာခဲ့ဘူးဆိုရင် အဲ့အခန်းထဲမှာ တကယ်ကို မွန်းကျပ်ပိတ်လှောင်နေတော့မှာ ... ကျေးဇူးတင်ပါတယ် ကျွန်တော့်ရဲ့လောကကြီးကို ပိုပွင့်လင်းအောင်လုပ်ပေးလို့ ... "
ဂျောင်ကုကို သူငုံ့ကြည့်လိုက်မိသည်။
ငို ... ငိုနေတယ် ~~
" ကိုကိုမအိပ်သေးတာ သိပါတယ် ... ဒါပေမဲ့ ကိုကို ... ကိုကို့ကိုကျေးဇူးတင်ရမယ်ထင်လို့ ... အဲ့စကားပြောလိုက်မှ အိပ်နိုင်မယ်ထင်လို့ပါ "
ခံစားချက်တွေကို ရင်ဖွင့်နေသည့်အလား ပြောလာလေတော့ ဂျောင်ကုခေါင်းကို သူပွတ်သပ်မိသည်။ သူ့ရင်ထဲမှာတော့ နာကျင်မှုအစိုင်အခဲကြီးဟာ လေးနင့်လာခဲ့ပြီဖြစ်သည်။
" ဘယ်အချိန်ကတည်းက စသိခဲ့တာလဲ ... ဂျောင်ကု-ah "
သူမေးတော့ သူ့ကို မော့ကြည့်လာသည့်မျက်ဝန်းစိုစိုက ရွှန်းလဲ့နေသည်။ သို့ပေမယ့် နှုတ်ခမ်းတွေကတော့ ပြုံးနေသည်။ အကြည့်တွေကတော့ သူရှိမယ်ထင်တဲ့နေရာကိုကြည့်နေပေမယ့် သူနဲ့အကြည့်မဆုံပါ။
" ကျွန်တော်က အနံ့တွေကို ကောင်းကောင်းခွဲခြားနိုင်တယ် ကိုကို! ကျွန်တော်က အနံ့တွေနဲ့ မှတ်ထားတာ ... ဒါပေမဲ့ ဒီနေ့ ကာရာအိုကေခန်းထဲ ကိုကိုရောက်လာတာကိုမသိတာက ခြွင်းချက်ပေါ့ ... "
YOU ARE READING
The LANGUAGE of EYES【Completed】
Fanfiction【 COMPLETED 】 " The Man I love the most is the twin of my wife. " KIM SEOK JIN × JEON JUNG-GUK Kottom