" တီချယ် ဘာကိုပြောတာလဲဟင်..."
" နင် မဂ္ဂဇင်းအတွက် စာမူလာပေးတာ မဟုတ်ဘူးလား..."
ဟန်သစ်က ခေါင်းကို ခပ်သွက်သွက်ညိတ်လိုက်ရင်း
" ဟုတ်တယ်လေ... "
ယုယက ရယ်လိုက်ကာ
" နင့်စာမူ နင်ပြန်ဖတ်ကြည့်ဦး..."
ဟန်သစ်က ယုယ၏ လက်ထဲမှ စာမူစာရွက်ဖိုင်ကို ဆွဲယူကာ ဖတ်လိုက်လေ၏။
"တီချယ် က ပြုံးလိုက်ရင် သိပ်လှတာပဲ..."
ပထမဆုံး စာကြောင်းကို ဖတ်ပြီး ဟန်သစ် မျက်လုံးပြူးသွားလေ၏။
" အဲ... တီချယ်... ဟိုလေ... သစ်သစ် ဖိုင်မှားပြီး ယူလာမိတာ။ အကုန်ဖတ်လိုက်တာလားဟင်။"
ယုယက ရယ်လျက်
" အေးပေါ့။ နင်က စာမူဆိုတော့ ငါကလည်း ဖတ်လိုက်တာပေါ့။ ဘယ့်နှယ့်..."
ဟန်သစ်က ခေါင်းကိုကုတ်လျက်
" ရှက်လိုက်တာ။ "
" ပြောစမ်းပါဦး။ ဘယ်ဆရာမလေးလဲဟေ။ "
" ဟာ... တီချယ်ကလည်း"
" ဪ... အကောင်းမေးတာလေ။ ဒီကျောင်းမှာ ငါနဲ့ မသိတဲ့ ဆရာမ မရှိဘူး။ ငါ မိတ်ဆက်ပေးမယ်လေ။"
"အို..."
" အသစ်ရယ်။ ငါတို့လည်း ငယ်ရာက ကြီးလာတာ ဒီလောက်တော့ နားလည်ပါတယ်။ အဲ့လိုပဲ ဆရာမငယ်ငယ်ချောချောလေးတွေကိုဆို အားကျပြီး သဘောကျတတ်တာပါပဲ။ နင့်လိုတော့ စာတစ်တန်၊ ပေတစ်တန် ဖွဲ့နွဲ့ရေးတတ်တဲ့သူကိုတော့ တွေ့ဖူးတာတော့ ပထမဆုံးပဲ။"
ယုယ၏ စကားကြောင့် ဟန်သစ် ပြုံးလိုက်မိလေသည်။
"သစ်သစ်လည်းလေ လူတစ်ယောက်ကို စွဲလမ်းပြီး သဘောကျဖူးတာ ပထမဆုံးပဲ။ ခံစားချက်တွေက ရှုပ်ထွေးနေတယ် တီချယ်။ ကိုယ်တိုင်လည်း နားမလည်ဘူး။"
" ပြောစမ်းပါ... ဘယ်သူလဲ... ငါတို့ဌာနကပဲလား။"
"ဟာ... တီချယ်ကလည်း..."
"ဒါဆို ငါတို့ဌာနက မဟုတ်ဘူးပဲ။ အဲ့တော့ စာပေကပေါ့..."
" တော်ပါတော့... တီချယ်ရယ်။"
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part 4 (Unicode)
Start from the beginning
