"အင်း... ရေဒီယိုကနေတော့ နားထောင်ဖူးတယ်။ သေချာတော့ နားမထောင်ဖူးဘူး..."
"သမီးမှာ တိတ်ခွေရှိတယ်။ တီချယ်နားထောင်ချင်ရင် ငှါးမယ်လေ..."
"အယ်... ကျေးဇူးပါရှင်... ဒါနဲ့ အခု တိတ်ခွေကရော နားထောင်လို့ ကောင်းလား။"
"နားထောင်ကြည့်မလား ... ယူသွားလေ... နောက်မှပြန်ပေး။"
"ယူသွားလို့ ရလား..."
"ရတာပေါ့ တီချယ်ရဲ့..."
"သမီးက အဆောင်နေတာနော်... အဆောင်(၁)မှာလား၊ (၂)မှာလား။"
"(၁)ဘက်မှာ တီချယ်၊ အခန်း(၄)က"
"ဪ... အောက်ဆုံးထပ် အနောက်ဘက်ခြမ်းပေါ့။"
"ဟုတ်တယ်... တီချယ်။ အာ... ဒီမှာ တိတ်ခွေ..."
ဟန်သစ်က ပြောရင်း တိတ်ခွေကို ပေးလိုက်လေ၏။ ငွေနှင်းက တိတ်ခွေကို ယူလိုက်ကာ အိတ်ထဲသို့ ထည့်လိုက်လေ၏။
"ဒီအထဲက ဘယ်သီချင်းကို အကြိုက်ဆုံးလဲ။"
"Mayonakanodoa"
"ဟမ်..."
"English name ကတော့ Stay With Me တီချယ်... ခုန သမီးပြောတာက Japanese Name... အဲ ဂျပန်နာမည်ရဲ့ အဓိပ္ပာယ်ကတော့ အိမ်ရှေ့တံခါး ဆိုတာမျိုးပဲ။ သမီးလည်း သေချာတော့ မသိဘူးရယ်။"
"ဟုတ်လား... နားမလည်ပေမယ့်လည်း နားထောင်ကြည့်ဦးမယ်..."
ငွေနှင်း၏ စကားကြောင့် နှစ်ယောက်သား ရယ်လိုက်လေ၏။
ဧကန်တွင် ထိုတိတ်ခွေမှာ သူငယ်ချင်းတစ်ယောက် ငှါးထားသဖြင့် ဟန်သစ်က ကျောင်းသို့ယူလာခြင်း ဖြစ်ကြောင်းတော့ ဟန်သစ်သာလျှင် သိပေသည်။
....................
တက္ကသိုလ်မဂ္ဂဇင်းစာမူ အတွက် ဟန်သစ်က ဟန်သစ်တို့ဌာန၏ စာမူစုဆောင်းသူ ဒေါ်ယုယထွေးအခန်းသို့ စာမူသွားပို့ရင်း ယုယချကျွေးသည့် လက်ဖက်သုပ်ကို စားလျက် နှစ်ယောက်သား စကားဖောင်ဖွဲ့နေကြလေ၏။
ယုယက ဟန်သစ်၏ စာမူကို ဖတ်နေရင်း မျက်မှောင်ကြုံ့လျက်
" ဟဲ့ ... အသစ်။ နင် ငါ့ကို ကြိုက်နေတာလား။"
ရုတ်တရက် မေးလာသော ယုယ၏ မေးခွန်းကြောင့် ဟန်သစ် အံ့ဩသွားလေ၏။
BINABASA MO ANG
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part 4 (Unicode)
Magsimula sa umpisa
