Munting Nayon, Caloocan. November 20, 2014
"Hoy, Buntis, nag-chat si Pol. Ano raw gusto mong kainin?"
"Gusto ko ng laing."
Biglang tumalim ang tingin ko sa kanya saka ako tumanaw sa balcony. 'King ina, alas-onse ng gabi, saan naman magnakaw si Pol ng laing!
"Puwede ba, Geneva, mag-request ka naman ng makatotohanan, ha?" Napapakamot na lang ako ng ulo kasi kanina pa siya hindi kumakain nang marami.
Binilhan na ni Pol ng pizza, inayawan pa. Isang slice na nga lang, hindi pa naubos. Binilhan pa ng takoyaki, ayaw rin! Pati ako nadadamay. Binilhan ko na rin 'to ng langka kaninang tanghalian galing doon sa karinderya, nakain naman kahit kalahati. Bumili pa ako ng daing, prinituhan ko siya, kaunti lang ang nakain. Hindi pa nga naghahapunan. Ang nginunguya, yung jelly worm na binili ko sa tapat.
Ano? Buong gabi, ngunguya siya ng bulate?
"Ano na lang, baticolon saka betamax. Padamihan ng matamis na sawsawan. Pahaluan ng suka."
Napakamot agad ako ng ulo sa request niya. "Gen, kumain ka nga ng masustansya!"
Yung stress ni Pol, stress ko rin. Hindi naman ako ang nakabuntis dito, bakit pati ako, nadadamay?
"Kung ayaw mo, 'wag kang magtanong! Para kang gago, tatanong-tanong ka ta's aayawan mo."
Anak ng teteng talaga, oo. Bahala na nga 'to. Kapag yung anak nito, mukhang alien, hindi na ako magtataka.
Binalikan ko ang computer ko at nag-type agad ng chat kay Pol. Nasa trabaho pa 'to sa Central. Baka kumukuha pa lang ng sahod niya.
Nakabili ng second-hand na motor last month si Pol, inabonohan ko sa kulang, at nag-part time na siya sa delivery. Kaya madalas, buong araw talaga siyang nasa kalsada. At kamalas-malasan, ako naman ang ginawang yaya niya sa syota niyang ang sarap busalan ng bibig.
Gusto raw ni Gen ng baticolon saka betamax. E di, idulog natin sa syota niyang masipag.
Sandro:
..tol gusto isaw
..baticolon tsaka betamax
..tsaka royal na malamig saka chicharon bulaklak
..bilhan mo na din mamon tustado tsaka brownies
Paul John:
dami atang gustong kainin ngayon ni labs
Sandro:
..bilhan mo nalang tol baka umiyak nanaman ehh
Paul John:
gege yun lang?
Sandro:
..gusto mo dagdagan ko
Paul John:
wag na wala na ko pera tol
Sandro:
..buti alam mo
..ge intayin nya pasalubong mo
Simple. Maghihintay na lang kami ni Gen ng grasya mula sa langit.
Tumayo na ako at kinuha ang tumbler ni Gen saka sinalinan ng tubig. "Pauwi na yata si Pol. Hintayin mo na lang yung uwi niya."
YOU ARE READING
The Wayward Son in Aklan
General FictionRaising a kid is a difficult task for Sandro, especially if the child is not his own. When adoption is the only way for him to have the right for his best friend's only daughter, how far will he go when blood is always thicker than water? • • • • At...