رغيفْ بنكهة عشگّ {مكتملة}

البارت الرابع

اول شي سنه خير وسعاده وراحة البال وتحقيق الاماني والأمنيات ويارب التوفيق والنجاح الي ولكل الناس
ما اعايد بس نفسي ❤🥀

روحو عايدوني على المنصة
وهذا بارت عيد ميلادي منها لاشعار آخر😞

10\29\#كل_الحب❤🌱
وهسة تابعونا البارت..

کون...
يصير عقاب اليستهين بعشگ ولفه غصة بماي
مثل ماغصصهم ب عشگه!!

#البارت_4..
#بقلمي_بصره_الربيعية
#رغيف_بنكهة_عشگ

بغداد..

روزال _طلعت للحديقة اشم هوا ،چان صوت الجهال لعب على صريخ ينسمع وصوت العصافير مثل الديتعاركن فوك الشجر ،وقت قريب الغروب وحفيف هوا يحرك الاغصان

ما انتبهت لصوتنا العالي بمده قليلة
حتى ماكدرت اختنگت من البيت ومن الناس الساكنته، بعد ما تأذيت ايام على فقدان عمود البيت
وامي اخ...

ماجد مضل يتواجد بالبيت هوايه وحتى سماره !

بعده الصاار ابالي قبل مده قليلة وقبل لا اطلع للحديقة..

بعد ما سبحت طلعت وكعدت على چربايتي قبلها اخذت المشط، صفنت وغرغرت عيوني بالدموع

وفعلا بچيت!
بعدين حاچيت نفسي بابا بخير مابي شي على شنو ااذي بالبچي ميصير وهو مسافر

مسحت دموعي وكملت شعري ولبست الفيونكة الحمرة
اعزها هوايه لان هو جابها إلي.

نزلت بهدوء على الدرجات قريب اوصل اخر درجة

اجالي صوتها اا اكيد منو غيرها!

اتقربت بخطوات سريعة بعدما اتقربت من بابا هدئت خطواتي
رفعت ايدي افتح الباب بس اترددت
واصريت افتحه حتى اعرف شنو هيه وشنو اني!

دخلت عليها رفعت بس عيونها الي جانت مخلية سماعة
الارضي على آذانها ومدنكه إلها لان ملتهية دتصبغ باضافرها وعايشة دور الراحة..

اتلاشت ضحكتها وخنزرت عيونها العوجة بوجهي
ورجعت تحچي ويه المتصل بصوت كُله دلع

سماره_تمام اني غير وقت ارجع اتصل
اوك !!
روزال_غلقت السماعه ووكفت...

سماره_شللللون هيچ تفوتين؟...

روزال_ شنو انتِ ؟؟...شنو من قابلية عندج؟

ليهمچ احد ولا شي مقضيتها طلعات وفيكات
اني الصغيره وانتِ الچبيرة ممختلفين