ဟန်သစ်သည် ထမင်းချိုင့်ကို လပေးဖြင့် ချိုင့်ဆွဲယူသူ ဖြစ်သဖြင့် ယခုလည်း ပေါ်တီကိုအောက်၌ ရပ်ကာ ထမင်းပို့သူကို စောင့်နေလေ၏။
" အသစ်... "
ထမင်းချိုင့်ပို့သူ ဦးစိုးက လှမ်းခေါ်လေရာ လှည့်ကြည့်ရင်း စက်ဘီး၏အနောက်ထိုင်ခုံပေါ်ရှိခြင်းတောင်းထဲမှ မိမိ၏ထမင်းချိုင့်ကို အမြန်ပြေးယူလိုက်လေ၏။
ဦးစိုးသည်လည်း စက်ဘီးကို ဆက်၍ နင်းထွက်သွားလေ၏။
" ဪ... ထမင်းချိုင့်လာပို့တာကိုး... "
ဟန်သစ်တစ်ယောက် အသံကြားရာ အနောက်သို့ လှည့်ကြည့်လေသော် ငွေနှင်းက ပြုံးလျက်။
ငွေနှင်းက ဟန်သစ်ထံသို့ လျှောက်လာကာ
" သမီးက တောင်ဒဂုံ ထဲမှာပဲ နေတာလား..."
ဟန်သစ်က ခေါင်းကိုခပ်သွက်သွက်ယမ်းလိုက်ရင်း
" ဟင့်အင်း... အဆောင်နေတာရှင့်... "
" ဪ... နယ်ကပေါ့... "
" ဟုတ်ကဲ့... ပုသိမ်ကပါ... "
" ဪ... "
" ဟေး ... သစ်သစ်... အာ... တီချယ်... "
သီတာက ဟန်သစ်အားလှမ်းခေါ်ရင်း ငွေနှင်းကို တွေ့လိုက်သောကြောင့် ရုတ်တရက် ပါးစပ်ကို အုပ်လိုက်မိလေ၏။
" သွားလိုက်ဦးမယ်... "
" ဟုတ်ကဲ့ ... တီချယ်... "
ငွေနှင်းက ပြောရင်း ထွက်လာလေ၏။
" ရှင်က ထမင်းချိုင့်ယူမယ်ဆိုပြီး ကြာနေလို့လေ... တို့က အတူလာစောင့်ပေးတာ... ချိုင့်ရပြီလား... "
" အင်း ... ရပြီ... "
ဟန်သစ်နှင့် သီတာကလည်း ပြောရင်း အတန်းထဲ ပြန်ဝင်လာလေ၏။
...................................
ကျောင်းအနောက်ဘက် ရပ်ကွက်အတွင်းရှိ ထိုင်နေကြ လက်ဖက်ရည်ဆိုင်၌ ဟန်သစ်တစ်ယောက်တည်း ထိုင်နေရင်း အပြင်ဘက်ကို ငေးကြည့်နေလေသည်။
မင်းမောင်က ဝင်လာပြီး ဟန်သစ်၏ ဘေးဘက်၌ ထိုင်လိုက်ကာ
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part-3 (Unicode)
Start from the beginning
