ဝေယံဖြိုး၏ တောင်းလျှိုးပန်လျှိုး လေသံကြောင့် ဟန်သစ်က ဝေယံဖြိုးအား စူးစိုက်ကာ ကြည့်လိုက်လေ၏။ ထို့နောက် မျက်နှာငယ်လေးဖြင့် သူမအား ကြည့်နေသော သွန်းအား လှည့်ကြည့်ကာ
" ကောင်းပြီလေ... "
..........................................
Gloria Jean's ၏ အတွင်းကျသော စားပွဲဝိုင်း၌ ဟန်သစ်တို့ သုံးဦး အတူထိုင်နေလေသည်။
ဟန်သစ်နှင့် ဝေယံဖြိုးက မျက်နှာချင်းဆိုင်လျက် ထိုင်နေကာ သွန်းက ဝေယံဖြိုး၏ နံဘေးနား ထိုင်နေလေသည်။
မည်သူတစ်ဦးတစ်ယောက်မှ စကားမစသဖြင့် တိတ်ဆိတ်နေလေသည်။
သွန်းက ဟန်သစ်နှင့် ဖခင်ဖြစ်သူ ဝေယံဖြိုးတို့၏ မျက်နှာကို တစ်လှည့်စီကြည့်ကာ
" ဖေဖေ ခုန သမီးပြောနေတဲ့ အသစ်ရောက်လာတဲ့ ဌာနမှူးဆိုတာ ဒီတီချယ်ပါ ဖေဖေ... "
" ဪ... နွယ်က ဌာနမှူးတောင် ဖြစ်သွားပြီလား... သမီးလေးကို အပ်ပါတယ်... အစ်ကိုက အဖေရင်းဖြစ်ပြီး ဖခင်ဝတ္တရား ပျက်ကွက်ခဲ့တယ်လေ... သမီးလေးကို ကြည့်ရှု စောင့်ရှောက်ပေးပါနော်... "
" စိတ်မပူပါနဲ့... သွန်းသက်ခြယ်က ခိုင့်ရဲ့သမီး ဖြစ်နေတာကြောင့် စောင့်ရှောက်ရမယ့်တာဝန် ကျွန်မမှာ ရှိတယ်... ကိုဝေယံဖြိုးကသာ ခိုင့်ကို ထိခိုက်စေမယ့် အရာတွေကို ထပ်မလုပ်မိပါစေနဲ့... "
" အစ်ကိုမှားခဲ့တာတွေ အစ်ကိုသိပါတယ်... ငွေနှင်းအပေါ်မှာရော၊ နွယ့်အပေါ်မှာရော... ဒါပေမယ့် နွယ် ထင်နေခဲ့တာတွေ အားလုံးက အမှန် မဟုတ်ဘူး... "
" ကျွန်မ မျက်စိနဲ့ တပ်အပ်မြင်ခဲ့တာလေ... "
ဟန်သစ်က ပြောရင်း ဒေါသသံစွက်လာသဖြင့် သွန်းကို လှည့်ကြည့်လိုက်ကာ
" သွန်းသက်ခြယ်... မင်းအဖေနဲ့ တို့နဲ့ လူကြီးချင်း ပြောစရာရှိလို့ ခဏလောက် ရှောင်ပေးလို့ ရမလား... "
သွန်းက ဖခင်ဖြစ်သူကို ကြည့်လိုက်လေရာ ဝေယံဖြိုးက ခေါင်းငြိမ့်လိုက်လေသဖြင့် သွန်းလည်း ခေါင်းငြိမ့်လိုက်က ကော်ဖီဘူးကို ယူရင်း နေရင်းမှ ထလိုက်လေသည်။
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part 2 ( Unicode)
Start from the beginning
