" မေမေ မီးအပြင် ခဏသွားဦးမယ်နော်... Myanmar Plaza တင်ပါ..."
သွန်းက ငွေနှင်းအနားကပ်ထိုင်ရင်း ပြောလေရာ ငွေနှင်းက သွန်းအား လှည့်ကြည့်ရင်း
"အင်း သွားလေ... လမ်းကူးရင် ဂရုစိုက်နော်... လူကူးမျဉ်းကြားကနေပဲကူး... ကြားလား..."
" ဟုတ်ကဲ့ပါ မေမေရဲ့... ဪ ... ခုန မမချယ်ရီ ဖုန်းဆက်တယ်... တီချယ်သစ်သစ်က မနက်ဖြန် မေမေ ကျောင်းပြန်တက်မှာလားတဲ့... သူ မနက်ခင်းကို ဝင်ကြိုမယ်တဲ့... အားနာစရာမလိုဘူး မမချယ်ရီကိုလည်း ဝင်ခေါ်မှာမို့ လမ်းကြုံလို့ပါတဲ့... "
" သမီးပဲလိုက်သွားပါ... မေမေက ferry ပဲ စီးပါမယ်..."
" မေမေကလည်း မီးက တီချယ်နဲ့ သိပ်မရင်းနီးဘူးလေ... ပြီးတော့ တီချယ်က ဌာနမှူးဆိုတော့ ကြောက်တယ်... "
" ဟန်သစ်နွယ်က သဘောကောင်းပါတယ်... ဒါပေမယ့် စည်းကမ်းတော့ တော်တော်တင်းကြပ်လိမ့်မယ်... "
" တီချယ့်ပုံစံက ပျော်ပျော်နေတတ်ပုံပါပဲ... ဘာပဲဖြစ်ဖြစ် မေမေ သမီးတို့နဲ့အတူ ကျောင်းသွားရမယ်နော်... "
ငွေနှင်းက ပြုံးလျက် သွန်း၏ ခေါင်းကို ခပ်ဖွဖွ ပုတ်လိုက်ကာ
" ဟုတ်ပါပြီ... အတူသွားပါမယ်... ဪ... သမီးတီချယ်ကို ပြောလိုက် ... မနက်စာကို အိမ်မှာ လာစားပါလို့ မဟုတ်ရင် မေမေက မလိုက်ဘူးလို့... "
" ဟုတ်ကဲ့ ... မမချယ်ရီကို ပြောလိုက်မယ် မေမေ ... အခုတော့ မီး အပြင် သွားလိုက်ဦးမယ်နော်... "
" အေး ... သွား သွား... လမ်းသေချာကူးနော်... "
" ဟုတ်ကဲ့ မေမေ..."
သွန်းက ခေါင်းငြိမ့်လျက် ထွက်သွားလေ၏။
....................................
Myanmar Plaza အတွင်း သွန်းတစ်ယောက် သက်လတ်ပိုင်းအမျိုးသားတစ်ဦး၏ လက်ကိုချိတ်ကာ ဟိုကြည့်သည်ကြည့်ဖြင့် ပျော်မြူးနေလေ၏။
အရှေ့မျက်နှာချင်းဆိုင်မှ လာနေသော တစ်စုံတစ်ယောက်ကြောင့် သွန်း အံ့ဩသွားလေသည်။
ဟန်သစ်သည် မတိုမရှည်ဆံပင်ကို ဖားလျားချလျက် ပန်းဆီရောင် လက်ရှည်အင်္ကျီနှင့် အနက်ရောင် ဘောင်းဘီ၊ အနက်ရောင် pencil heels တို့ကို တွဲဖက်ဝတ်ဆင်ထားလေသည်။
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part 2 ( Unicode)
Start from the beginning
