ငွေနှင်း ခန့်မှန်းထားသည့်အတိုင်း မြန်မာစာဌာန၏ တံခါးမှ ဟန်သစ်တို့နှစ်ယောက်သား ဝင်လာလေသည်။
ဟန်သစ်က ငွေနှင်းတို့ ထမင်းစားပွဲကို တွေ့ကာ အံ့ဩသွားလေသည်။
"အို..."
ဝေက နေရာမှ ထလိုက်ကာ
" စာအုပ်လာထုတ်တာလား... "
"ဟုတ်ပါတယ်..."
ဟန်သစ်က ခေါင်းငြိမ့်လိုက်လေ၏။
ဟန်သစ်တို့နှစ်ယောက်သားက ဝေ့နောက်လိုက်ကာ ဝေ့စားပွဲ၌ စာအုပ်များ ထုတ်နေလေ၏။
ဟန်သစ်တစ်ယောက် ငွေနှင်းကို လှမ်းကြည့်လိုက်လေရာ ငွေနှင်းက တစ်ခစ်ခစ် ခိုးရယ်နေသဖြင့် မျက်မှောင်ကျုံ့သွားလေသည်။
စာအုပ်ယူကာ ဟန်သစ်တို့နှစ်ယောက်သား ပြန်ထွက်သွားလေသည်။
ဝေက ထမင်းစားပွဲသို့ ပြန်လာထိုင်လိုက်ကာ
" နာမည်လေးက ချစ်စရာလေး ဟန်သစ်နွယ် တဲ့..."
ဝေ့စကားကြောင့် ငွေနှင်းက ရယ်လိုက်ကာ
" မဝေကလေ သိပ်စပ်စုတာပဲ... "
" ဪ... ကိုယ့်တပည့်ဖြစ်လာမယ့် ကလေးတွေပဲလေ... စပ်စုရတာပေါ့... လူကတော့ စာတော်မယ့် ပုံစံလေးပဲ... "
" မျက်လုံးတွေကလည်း ပြတ်သားတဲ့ပုံမျိုးနော်... ငွေနှင်း သူ့ကို ရယ်လို့ ကြည့်သွားတဲ့ပုံက သူ့ကိုလာထိရင် ငြိမ်မခံတတ်တဲ့ ပုံပဲ ... "
ဆွေ့စကားအဆုံး ငွေနှင်းက မျက်စောင်းထိုးလိုက်ကာ
" မဆွေ ပြောပုံက မသိရင် ငွေနှင်းကပဲ သူ့ကို ရန်သွားစလို့ သူက ငြိမ်ခံမှာ မဟုတ်ဘူးနော်လို့ ခြိမ်းခြောက် နေသလိုပဲ..."
" ဪ... ကဲ... စကားအကျအန သိပ်ကောက်တာပဲ... ထားပါတော့ ... ဆက်စမ်းပါဦး ... မဝေ လူကြီးအကြောင်း ..."
....................................
ဟန်သစ်က ခေါက်ထီးကို ဖြည်လျက်
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part 2 ( Unicode)
Start from the beginning
