" Sorry ပါ... အလုပ်ကိစ္စဆိုတော့လေ မပြောမဖြစ်လို့..."
" ရပါတယ်... မအားတဲ့ကြားက အခုလို တကူးတက လာတာကိုပဲ ကျေးဇူးတင်ရမှာပါ... "
" မဟုတ်တာ... တကူးတကမဖြစ်ပါဘူး... အရီ့ကို အမြဲ အကြို၊အပို့ လုပ်နေတဲ့ဟာ... ပြီးတော့ ဝေတို့၊ ဆွေတို့နဲ့ လမ်းကြုံနေတာပဲလေ..."
ဟန်သစ်၏ စကားကြောင့် ငွေနှင်းပြုံးမိပါသည်။
" နွယ်က အရင်လိုပဲနော် ... ပြောင်းလဲမသွားဘူး... "
ဟန်သစ်က ခေါင်းကိုငြိမ့်လိုက်ရင်း
" အင်း... ဒါပေမယ့် အသက်ကြီးလာတယ်လေ... "
" နင်တစ်ယောက်တည်း ကြီးလာတာလား... ငါတို့လည်း ကြီးလာတာပဲ..."
မျက်မှောင်ကျုံ့ကာ ပြောလိုက်သော ဝေ့စကားကြောင့် အားလုံးရယ်လိုက်ကြလေသည်။
........................................
ဝရံတာသို့ ထွက်ထိုင်ရင်း ဟန်သစ်တစ်ယောက် နေ့လယ်က အကြောင်းများကို ပြန်လည်တွေးတောနေမိလေသည်။
" ခိုင်ကလည်း ပြောင်းလဲမသွားဘူးပဲ..."
Flash Back:
လွန်ခဲ့သော (၁၆) နှစ်ခန့်
" သစ်သစ်ရေ... အတန်းမသွားခင် မြန်မာစာဌာနနဲ့ အင်္ဂလိပ်စာဌာနမှာ စာအုပ်သွားထုတ်ရဦးမယ်... "
အခန်းဖော်ခင်ချိုလတ်၏ စကားကြောင့် ဟန်သစ် ခေါင်းငြိမ့်လိုက်လေ၏။
" အင်း... သွားကြမယ်လေ... ခဏ ... သစ်သစ် ထီးပျောက်လို့ ရှာနေတာ... "
" ဟင် ... ခုန သစ်သစ်ပဲ လွယ်အိတ်ထဲ ထည့်လိုက်တာလေ ... "
ခင်ချို့စကားကြောင့် ဟန်သစ် လွယ်အိတ်အတွင်းသို့ လက်နှိုက်လိုက်လေ၏။
" ဟီး... ဟုတ်သားပဲ... သွားကြမယ်..."
သူငယ်ချင်း နှစ်ယောက်သား စကားတပြောပြောဖြင့် အင်္ဂလိပ်စာဌာနအရှေ့သို့ ရောက်လာလေ၏။
အင်္ဂလိပ်စာဌာနအတွင်း ထမင်းစားစားပွဲ ဖြစ်ဟန်တူသော စားပွဲ၌ ဆရာမ သုံးယောက်က စုဖွဲ့ကာ နေကြာစေ့စားရင်း ထိုင်နေလေ၏။ ထို့ပြင် အခြား စားပွဲတစ်ခု၌ အမှတ်ခြစ်နေသော ဆရာမတစ်ယောက် ရှိလေ၏။
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part 2 ( Unicode)
Start from the beginning
