SHARLYN’S POV
“Happy Birthday,Mom”
“O my---ginulat mo naman ako,Honey.” Natawa nalang ako sa sinabi niyang yun. Busy kasi siya sa paghahanda ng mga plato para sa umagahan. Hindi naman ganun kabongga ang celebration namin dahil mas prefer ni Mom na kaming malalapit lang sa kanya ang magkakasama ngayong kaarawan niya.
“I love you, Mom.”
“I love you too, Honey.” Niyakap ko siya patalikod at pinatong ang baba sa balikat niya.
“Ang mga apo ko?”
“Ayon nagpapaganda’t gwapo pa para sayo.” Natatawa kong sagot. Nagtatalo pa nga sina Jhon at Princess na dapat daw kulay red ang suotin nila para ang ibig sabihin ay,love.
“Ganun ba, ang mga apo ko talagang yon. O siya bumitaw ka na dahil maghahanda pa ako.” Bumitaw naman ako at tinulungan siya sa paghahanda. “Nasaan na nga ba si Kendall, anong ba daw siya darating?”
“Malapit na daw sila hinihintay lang nila si Keifer kilala mo naman po ang isang iyon. Ang bagal bagal kumilos.”
“Siya ba hindi mo iimbitahan?” May pang-aasar na tanong sa akin ni Mom.
“Si Mom naman, alam niyo naman po ang sagot ko sa tanong niyong yan.”
“Ilang taon na rin, wala ka ba talagang planong ipakilala ang mga bata sa kanya?”
Dahan dahan kong ibinaba ang mga platong hawak ko at lumapit ulit kay Mom. Niyakap at ipinatong ko ulit ang baba ko sa balikat niya katulad ng ginawa ko kanina.
“Wag na po nating pag-usapan siya,Mom. At saka alam niyo naman pong nag-uunti unti na ako, ayoko namang kamuhian ako ng mga bata pagdating ng panahon.” Mahina kong sambit. “Kaarawan niyo ngayon kaya dapat happy happy lang… Aakyatin ko lang ang mga bata,dahil nagtatagal na sila. Ikaw nang bahala dito, Mom.”
Bumitaw na ako at nagsimulang maglakad. Ng medyo makalayo ay huminto ako at nilingon si Mom na bumalik na ulit sa paghahanda. Malapit na po, malapit na malapit na. Kahit hindi pa ganun kalinaw para sa’kin yung mga sinabi ni Blake. At naguguluhan pa rin ako sa mga kinikilos niya. Hindi nun mapipigilan ang nagawa kong desisyon na ipakilala ang mga bata sa kanya. Panahon, konting panahon pa.
“HAPPY BIRTHDAY TO YOU! HAPPY BIRTHDAY TO YOU! HAPPY BIRTHDAY, HAPPY BIRTHDAY…HAPPY BIRTHDAY TO YOU!!!”
“Thank you, thank you.”
“Make a wish,Mom.” Tumingin siya sa akin, kinuha niya ang dalawa kong kamay at mahigpit itong hinawakan.
“Hiling ko na mapatawad mo kami.” Mahina niyang sabi habang unti unting pumikit para humiling. Natigilan ako at iniisip kong totoo ba yung narinig ko.
