Oops! This image does not follow our content guidelines. To continue publishing, please remove it or upload a different image.
"STA. CATALINA?"
Nag-angat ng tingin si Zenith mula sa kanina pa binabasang files. Lumilipad ang isip niya habang nagpupulong sila sa Loft. Natawag lang ang pansin niya nang mag-react ang katabi niyang si Thorn.
"Misyon agad?" ang tila may pagrereklamong tanong ni Menace. "Hindi ba puwedeng pahinga muna?"
Tulad ni Menace ay nag-angalan na rin ang iba pa. Ang iba sa kanila ay may sariwa pang tama ng bala mula sa katatapos lamang nilang engkuwentro sa mga tauhan ni Don Umberto Adduci. Kabilang doon si Qaid na malubha ang tama. Thankfully, he's well now and recuperating. At bantay-sarado ito kay Khali para tiyaking makapagpapahinga ito nang husto.
"Count me in," boluntaryo ni Zenith.
Tahimik ding nagtaas ng kamay si Vengeance.
Sinimulang ipaliwanag ni Tor kung ano ang magiging misyon nila sa bayang iyon. O sa mas partikular na lugar, sa Purok 6 kung saan laganap na ang bentahan ng droga. Even the mayor in that town is powerless to do anything about it. Their mission, get rid of the drug syndicate that's been controlling that place. In order to do that, they must know who the main player is. At para magawa iyon, magpapanggap si Zenith na isa ring drug dealer. Together with Vengeance, magkukunwari silang mga bagong supplier ng droga.
With their computer wizard currently out of the picture, doing some digital tracking on their subject is awfully hard. They will have to do it the traditional way. Mabuti na lamang at kahit matagal ng nabuwag ang organisasyong hawak ng kani-kanilang mga magulang ay may mga koneksyon pa rin silang puwedeng magamit.
Playing the villain though was kinda tough. Lalo pa nga at ang layunin talaga nila ay iligpit ang mga taong involve sa pagkakalat ng ipinagbabawal na gamot. Ngunit hayun at kailangan niyang makipagkamayan at makipagngitian sa mga dimonyong nagtutulak ng droga .
"Buti na lang talaga at naibulong sa amin nitong si Domeng na may nakilala siyang bagong supplier," nakangising wika ng lalaking tadtad ng tattoo ang magkabilang braso.
Ang pangalan nito ay Mikhael. Maitim na lalaki, medyo usli ang tiyan, ngunit ang mukha ay butuhan na mistulang bungo na nagkaroon ng balat. Nanlalalim ang paligid ng mga mata, panay ang pagsinghot at manaka-nakang pagkakamot sa ilang parte ng katawan. Sa malamlam na ilaw ng isang five watts na bumbilya ay kapansin-pansin ang bloodshot nitong mga mata.
Inilahad nito ang butuhang kamay sa harapan ni Zenith. Bahagyang nanginginig iyon na tila pasmado. At kahit mukhang bagong paligo ito ay gustong bumaliktad ng sikmura ng binata sa hindi kanais-nais na amoy na nagmumula sa lalaking kaharap. Pero dahil nagpapanggap siya sa ibang katauhan, tinanggap niya ang pakikipagkamay ng lalaking mukhang nasunog na zombie. Makikipag-bro hug pa sana ito katulad ng ginagawa ng ibang frat boys ngunit agad na niyang binitiwan ang kamay ng lalaki at matipid na ngumiti.
So far ay isa ito sa pinakakilalang tulak sa lugar na iyon. User turned pusher. Karamihan ng mga parukyano nito ay mga driver at mga batilyo sa pier. His regulars were at least thirty-five heads. Kilala rin diumano itong siga sa lugar na nasasakupan nito. Kaya kahit kilalang tulak ay kampante ito na walang maghuhudas dito.
