Oops! This image does not follow our content guidelines. To continue publishing, please remove it or upload a different image.
AWTOMATIKONG nagsalubong ang mga kilay ni Odi pagkakita kay Zenith. It has been four days since they started working on the natural pool Gen. Andrade wanted to build for Mariz. May batis daw na malapit sa may likurang property ng bahay-bakasyunan, ayon kay Cristobal. At doon balak na i-tap ng heneral ang tubig na padadaluyin sa natural pool. He wants it to be all-natural and chemical-free. Sa katunayan ay may design na ito ng pool. The pool will serve as the centerpiece of the garden. He plans to revive the old garden into a new one in memory of his mother.
"Mabuti at nandito ka na," nakangiting bungad ng heneral pagkakita kay Zenith.
Nakita niyang bihis na bihis si Gen. Andrade. Naka-complete uniform ito at ganoon din si Cristobal.
"I have an emergency meeting. Ikaw na muna ang bahala sa proyekto natin," bilin nito sa kanya. Pagkuwa'y binalingan ang bunsong anak. "Odilon Reinald."
"Sir?"
"I expect your cooperation on this. Clear?"
Nalukot na naman ang mukha ng binata. Naisip ni Zenith na kahit mukhang istrikto si Gen. Andrade rito ay hindi ito takot magpakita ng nararamdaman. Gayunma'y ramdam niya ang respeto nito sa kinikilalang tatay.
"Copy, Sir."
"Good. Wala nga pala si Manang Salud kaya wala ring magluluto ng pagkain niyo."
Mabilis na naglahad ng kamay si Odi.
"What's that for?" anang heneral.
"Food panda."
"Bakit ka pa magkakatay ng panda, marami namang stock sa ref?"
"Seriously, Papa?"
Pinigilan ni Zenith ang mapahalakhak sa usapan ng mag-ama. Pati si Cristobal na nakaantabay lamang sa isang tabi ay napapangiti rin. Hindi sigurado si Zenith kung biro lamang ang sagot ng heneral kay Odi dahil seryosong-seryoso ang mukha nito nang sabihin iyon o talagang wala itong ideya kung ano ang food panda.
"I'm sure one of you knows how to cook. You'll survive."
"Ugh."
Tinapik lang ito sa balikat ng heneral at nagpaalam na.
"Ingat po kayo," pahabol na sabi ni Odi.
Itinaas ni Gen. Andrade ang isang kamay bago lumulan sa service car nito. Nangingiti pa si Zenith sa katatapos lang masaksihang tagpo.
Malambing naman pala, saloob-loob niya.
"What are you smiling at?"
Sa halip na itago ang ngiti lalo pang ngumisi si Zenith.
"God, you bitched like a girl," nang-iinis na sabi niya rito.
