" အသည်းလေးတို့ကလည်း စိတ်ချည်းပဲ... "
" အဲ့ဒါထက် နင် ပြန်ရောက်တဲ့အနေနဲ့ရော၊ ရာထူးနဲ့ရော ငါတို့ကို နှစ်ခါ ကျွေးမှ ဖြစ်မယ်... "
ဝေ့ရဲ့ စကားကြောင့် ဟန်သစ်က ပြုံးလိုက်ကာ
" ဟုတ်ပါပြီ... အတန်းရှိလား... မရှိရင် Jubilee မှာ ကော်ဖီသွားသောက်ကြမယ်လေ... မတွေ့ရတာ ကြာတော့ စကားအေးဆေး ပြောရအောင်လို့ ... "
" လှမ်းမှာလိုက်ပါလား... တီချယ်က ဆယ်ခွဲအတန်းရှိတယ်... ဒီဘက်ပေါက်က ကားထွက်လို့ မရတော့ လမ်းလျှောက်တာ အသွားအပြန် ဆယ်မိနစ်၊ ဆယ့်ငါးမိနစ်က ကုန်ဦးမယ်... အေး တို့တွေလည်း ဒီအသက်၊ ဒီအရွယ် ရောက်နေပြီ... အရင်လို အုတ်တံတိုင်း မကျော်တက်ခိုင်းနဲ့တော့... "
" တီချယ်ကလည်း တစ်ခါလေး ကျော်တက်တဲ့ဟာကို... "
သုံးယောက်သား ရယ်မောရင်း အင်္ဂလိပ်စာဌာနခန်းတွင်းသို့ ဝင်လာကြလေ၏။
" သစ်ရေ ခဏစောင့်ဦး ... ငါတို့ ဌာနမှူးခန်းမှာ လက်မှတ်သွားထိုးလိုက်ဦးမယ်... "
" ဟုတ် ... သစ် coffee လှမ်းမှာ ထားလိုက်မယ်... ဝေက Ice Cappuccino ၊ ဆွေက Ice Americano ဟုတ်တယ်မလား... "
" အံမယ် ... မှတ်မိသားပဲ... "
" မှတ်မိတာပေါ့ ... တို့ရဲ့ခိုင်ကတော့ Espresso ကြိုက်ပေမယ့် တစ်ခါတစ်လေ Latte သောက်တယ်... "
" ခုနကျ သူများကြားမှာစိုးလို့တဲ့ အခုကျ တို့ရဲ့ခိုင်ဖြစ်သွားပြန်ရော... "
ဝေ့ရဲ့စကားကြောင့် သုံးယောက်သား
ရယ်လိုက်မိလေသည်။
......................................................
နေ့လယ် တစ်နာရီ၌ ဌာနမှူးအသစ်က မိန့်ခွန်း ပြောမည်ဆိုသောကြောင့် သွန်းတို့ ရုပ်ရှင်နှင့်ပြဇာတ် တစ်ဌာနလုံး Theatre ထဲ၌ စောင့်နေကြလေ၏။
" ဌာနမှူးက တော်တော်လေးချောတယ်လို့ ပြောကြတယ် ... မနက်က ဝေယံတို့တွေ ရုံးခန်းရှေ့ သွားချောင်းကြတယ်လေ... "
" ချောတာ မချောတာက ဘာလုပ်ရမှာလဲ ... အဓိကက အရည်အချင်း ရှိဖို့ပဲ... "
" ဟဲ့ UK ကနေ Film and Theatre ကို Ph.D ရလာတဲ့ဟာ တော်ရုံလူတော့ မဟုတ်လောက်ဘူး... "
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part - 1 (Unicode)
Start from the beginning
