" ဟေး... သစ်သစ် "
ဟန်သစ်နှင့်သွန်း တပြိုင်နက်
လှည့်ကြည့်လိုက်လေသည်။
စာပေဌာနခွဲ မြန်မာစာဌာနမှ ဒေါ်လဲ့နှင်းဝေနှင့်
အင်္ဂလိပ်စာဌာနမှ ဒေါ်ယဉ်မင်းဆွေ တို့က ပြုံးလျက် ဟန်သစ်တို့ထံသို့ လျှောက်လာလေ၏။
ဟန်သစ်က ပြုံးလိုက်ကာ
" အခုပဲ တီချယ်တို့ဆီ လာမလို့ ... သြော်... သမီး ကျေးဇူးပဲနော်... "
ဟန်သစ်က သွန်းဘက်သို့ လှည့်ကာ အိတ်ကို
ယူလိုက်လေ၏။
" ဟုတ်... ဒါဆို သမီးသွားပြီနော်... အန်တီဝေနဲ့ အန်တီဆွေ သမီးသွားပြီနော်... "
" အေး... သမီးလေး... မေမေ့ကို အန်တီတို့ မေးတယ်လို့ ပြောလိုက်နော်... ညနေကျ အားရင် လာခဲ့မယ်..."
" ဟုတ်ကဲ့... "
သွန်းက လှည့်ထွက်သွားလေလျှင် ဝေက
ဟန်သစ်အား လက်ကုတ်လိုက်ရင်း
" ဟဲ့ ... အဲ့ဒါ နင့်ချစ်ချစ်ရဲ့ သမီးလေ... "
" တီချယ်ရယ် သူများတွေ ကြားကုန်ပါဦးမယ်... "
ဟန်သစ်က ပြောရင်း ခေါင်းကုတ်လိုက်လေရာ
ဝေနှင့်ဆွေက ရယ်လေသည်။
သုံးယောက်သား ဌာနခန်းသို့ လမ်းလျှောက်လာကြလေ၏။
" ဘာအခုမှ သူများ ကြားမှာ စိုးနေတာလဲ... နင့်ချစ်ချစ် နေမကောင်းဘူးတဲ့ သတင်းသွားမေးလိုက်ဦး ... "
ဝေ့ရဲ့စကားကြောင့် ဟန်သစ်က ပြုံးနေလေ၏။
ဆွေကတော့ မျက်မှောင်ကျုံ့လိုက်ကာ
" မဝေ တအားတွေ လိုက်စမနေနဲ့ ... ဟန်သစ်နွယ်တို့က အရင်လို မဟုတ်တော့ဘူး... ဌာနမှူးအနေနဲ့ ရောက်လာတော့ ဆွေတို့နဲ့ ကွာသွားပြီလေ... "
" ကြည့်... တီချယ်တို့နော်... သစ်သစ်ကို တွေ့တာနဲ့ စမယ်ဆိုတာချည်းပဲ... ဒီလူတွေက ရာထူးခွဲခြားနေရမယ့် လူတွေလား... "
" နင် UK ကနေ ပြန်ရောက်ရောက်ချင်း မဆက်သွယ်ဘူးလေ... ငါတို့မှာ နင် ဌာနမှူးအနေနဲ့ ရောက်လာမယ် ကြားတော့မှ နင် ပြန်ရောက်နေမှန်း သိရတယ်... တကယ် စိတ်ဆိုးတယ်နော်... သစ်သစ်... "
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part - 1 (Unicode)
Start from the beginning
