မထင်မှတ်ဘဲ ကားအနောက်ဆီမှ ပေါ်လာသော စက်ဘီးတစ်စီးက ကားတံခါးကို ရှောင်ရင်း ဘရိတ်အုပ်လိုက်လေရာ ပစ်လဲသွားလေ၏။
ပစ်လဲသွားသော ကလေးမကို ဟန်သစ်
ဆွဲထူပေးလိုက်လေ၏။
" အာ... တို့ တောင်းပန်ပါတယ်... ဘယ်နားထိသွားလဲဟင်... "
" ရပါတယ်... ညီမကလည်း ကားထဲ လူမရှိဘူး ထင်ပြီး ကွေ့ဝင်လိုက်တာ... "
" ရရဲ့လား... တို့ ဆေးခန်း လိုက်ပို့ပေးမယ်လေ... "
" အဲ့လောက်ကြီး မဟုတ်ပါဘူး... အဆင်ပြေပါတယ်... ဟိုလေ... မေမေ စောင့်နေလို့ သွားလိုက်ပါဦးမယ်နော်... "
" ဟုတ်ကဲ့... "
ထွက်ခွာသွားသော ထိုကလေးမ၏ ကျောပြင်ကို ဟန်သစ်တစ်ယောက် ငေးကြည့်နေမိလေသည်။
...................................................
ကားတံခါးကို ဆွဲဖွင့်ကာ Lover seat ဟု ခေါ်သော ကားရှေ့ခန်း၊ ဘေးခုံသို့ ချယ်ရီဝင်းလက် တစ်ယောက် တက်ထိုင်လိုက်သည်နှင့် ဟန်သစ်က အရီ့အား မျက်စောင်းနှင့် ဆီးကြို လေ၏။
" မမသစ် မဆူနဲ့ဦး ... အသိ ညီမလေး ပါလာလို့... "
အရီက အနောက်သို့ လှည့်ကြည့်ရင်း
" သွန်းလေး ဝင်ထိုင်နော်... "
ကားနောက်ခန်းသို့ ဝင်လာသော ထိုမိန်းကလေးအား ဟန်သစ် လှည့်ကြည့်လိုက်လေ၏။
ထိုကလေးမကလည်း ဟန်သစ်အား လှမ်းကြည့်လိုက်လေ၏။
" သြော်... မင်းကိုး... ဟိုနေ့က အဆင်ပြေရဲ့လား... "
" ဟုတ် ပြေပါတယ်... "
သွန်းက ဟန်သစ်အား မဝံ့မရဲဖြင့် ပြန်ဖြေလေသည်။
" မမသစ်တို့ ဆုံဖူးကြတာလား... "
" အင်း... အရီ့ကို တို့ ပြောတယ်လေ... ဟိုနေ့က ကားတံခါးဖွင့်တုန်း နောက်ကနေ စက်ဘီးနဲ့ ခိုက်မိတယ် ဆိုတာ... "
" အဲ့ဒါ သွန်းလား... "
" ဟုတ်တယ် မမချယ်ရီ ... သွန်းလည်း မေမေ စောင့်နေတယ် ဆိုပြီး အရှေ့မှာ ကား ရပ်တာကို သတိမထားဘဲ ဝန်းထဲကို ကွေ့ဝင်လိုက်တာ... ဒီအစ်မနဲ့ ဝင်တိုက်ရော... "
YOU ARE READING
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part - 1 (Unicode)
Start from the beginning
