" သွန်းလေး ဒီလိုလုပ်ပါလား... သမီးနဲ့ အရီကို Myanmar Plaza မှာ ထားခဲ့မယ်၊ သမီးတို့ စားချင်တာ တစ်ခုခု ဝယ်လာခဲ့... အန်တီဝေတို့နဲ့ သစ်သစ်က ငွေနှင်းနဲ့ စကားပြောရင်း စောင့်နေမယ်... အန်တီဝေပိုက်ဆံပေးလိုက်ပါမယ်... "
"ဟုတ်ကဲ့ အန်တီဝေ... "
ဝေ့စကားကြောင့် ဆွေက အဓိပ္ပါယ်ပါပါဖြင့်
လှမ်းကြည့်လိုက်လေရာ၊ ဝေက မချိုမချဉ်
ပြုံးလိုက်လေသည်။
ဟန်သစ်ကတော့ လေသံခပ်ဖျော့ဖျော့ဖြင့်
" တော်ရုံပဲ ကောင်းမယ်နော် ဝေ... သစ်က
အကြောင်းမဟုတ်ပေမယ့် သစ်ကို မြင်ရင် သူ
စိတ်ရှုပ်ရလိမ့်မယ်... "
" အေးလေ... စိတ်ရှုပ်မှာပေါ့ ... သူ့မှာ အပြစ်ရှိခဲ့တာကိုး... "
"သူ့အပြစ်မဟုတ်ပါဘူး... သူက တမင် ရည်ရွယ်ခဲ့တာမှ မဟုတ်တာ... ကံကြမ္မာကိုက စီမံခဲ့တာလေ... "
စကားအဆုံး ဟန်သစ်တစ်ယောက်
ပင့်သက်ရှိုက်လိုက်လေသည်။
ဟန်သစ်က သွန်းနှင့်အရီကို Myanmar Plaza သို့ လိုက်ပို့ပေးကာ အရီ့အား သူမ၏ ATM Card ပေးလိုက်လေသည်။
" တို့ ပြန်လာခေါ်ပေးရမလား... "
"တစ်မှတ်တိုင်တည်းကို အရီတို့ လမ်းပဲ လျှောက်ပါမယ်... မမသစ်တို့ လူကြီးတွေက အေးဆေး စကားပြောကြပါ... မမသစ်က ခုမှ ပြန်ရောက်တာ မကြာသေးဘူးကို... "
အရီ့စကားကြောင့် ဟန်သစ်က
ပြုံးလိုက်လေသည်။
......................................................
အိမ်ရာဝန်း၏ အရှေ့ကားရပ်ပြီးသော်
ဟန်သစ်တစ်ယောက် ဝေနှင့်ဆွေတို့အား
တစ်လှည့်စီ ကြည့်လိုက်ကာ
"သစ် အထဲ မဝင်တော့ရင် ကောင်းမယ် ထင်တယ်။"
"တို့ ပြောပြမယ်... သစ်သစ်... အတိတ်က ကိစ္စတွေမှာ သစ်သစ်ရဲ့အမှား တစ်ခုမှ မပါခဲ့ဘူး။ သစ်သစ် နောက်ဆုံးထွက်သွားတဲ့အချိန်မှာတောင် တို့လေးယောက်သား အပြုံးနဲ့ပဲ နှုတ်ဆက်ခဲ့တာ။ ငွေနှင်းက သစ်သစ်ကို တမင် သစ္စာဖောက်ခဲ့တာမှ မဟုတ်ဘဲ။"
" ဟုတ်တယ်... သစ်သစ်။ ဆွေပြောတာ မှန်တယ်... သစ်သစ်မှ မမှားခဲ့တာ... ဘာလို့ ပြန်မတွေ့ရဲရတာလဲ... ပြီးတော့ အခုချိန်မှာ ငွေနှင်းက လူလွတ်ဖြစ်နေပြီ... "
ဟန်သစ်က ဘာမှ မပြောဘဲ ဝေတို့ကိုသာ ကြည့်ရင်း သက်ပြင်းချလိုက်လေသည်။
..........................................
" မင်းအတွက်ဆိုရင် အသည်းတံခါးကိုလည်း အမြဲတမ်း ထာဝရ ဖွင့်လို့ထားပါတယ်..."
ဖွင့်ထားသော ချောစုခင်၏ အလွမ်းညဟေမန်
သီချင်းအား ငွေနှင်းတစ်ယောက် တိုးညင်းစွာ
လိုက်ညည်းနေမိလေသည်။
လူခေါ် Bell မြည်သံကြောင့် လက်ထဲမှ
ရေနွေးခွက်နှင့် ဖုန်းကို ချထားခဲ့ကာ တံခါးဆီသို့
ငွေနှင်း ဖြည်းညင်းစွာ လျှောက်လာလေသည်။
တံခါးချက်ကို ဖြုတ်လိုက်ကာ လက်ကိုင်အား
ဆွဲဖွင့်ရင်း
" ပြန်လာပြီလား သမီး... "
တံခါးနောက်မှ ပေါ်ထွက်လာသော ဆွေနှင့်ဝေအား ကြည့်ရင်း ငွေနှင်း မျက်စောင်းတစ်ချက် ထိုးလိုက်လေသည်။
"လာမှာကို ကြိုမပြောဘူး... တစ်ခုခု ဝယ်ထားမှာပေါ့ ... အိမ်မှာ ဆန်ပြုတ်ပဲ ရှိတယ်... "
ငွေနှင်းက ပြောရင်း တံခါးဖွင့်ကာ လမ်းဖယ်ပေးလိုက်လေသည်။
"ငွေနှင်း... ဒီမှာ ကြည့်စမ်း ဘယ်သူပါလာလဲလို့... "
ဝေ့စကားဆုံးသည်နှင့် ငွေနှင်းက ဝေနှင့်ဆွေကို ကျော်ကာ အနောက်ကို လှမ်းကြည့်လိုက်လေသည်။
ငွေနှင်း၏ မျက်နှာ၌ အံ့သြရိပ်တို့ လွှမ်းခြုံလာလေ၏။
"နွယ်... "
တီးတိုးခေါ်သံအဆုံး ငွေနှင်း၏ မျက်ဝန်းအိမ်၌ မျက်ရည်တို့ ဝေ့တက်လာလေ၏။
.................................
ESTÁS LEYENDO
By Loving (own creation)
Romance(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part - 1 (Unicode)
Comenzar desde el principio
