ဟန်သစ်က စင်ပေါ်မှ ဆင်းလာပြီး
သွန်း၏နံဘေးမှအဖြတ်
" အတန်းမရှိတော့ဘူးမလား... ခဏနေ တီချယ့်ရုံးခန်း လာခဲ့နော်... "
သွန်းကိုယ်တိုင်ပင် မသိလိုက်ဘဲ ခေါင်းငြိမ့်လိုက်မိလေသည်။ ထိုမျှလောက်အောင်ပင် ဟန်သစ်က အသံသြဇာနှင့် ပြည့်စုံလေသည်။
..............................
ရုံးခန်းအတွင်း ဟန်သစ်တစ်ယောက်
စာရွက်စာတမ်းများကို သိမ်းဆည်းနေလေ၏။
" တီချယ်... ဝင်ခွင့်ပြုပါ... "
" ဝင်ပါရှင်... ဝင်ပါ... ဝင်ပါ... "
ဟန်သစ်က သွန်းကို မော့ကြည့်လိုက်ကာ
" သမီး ထိုင်လေ... တီချယ့်နားလာထိုင်လည်း ရတယ်... ဟိုဘက် ဆိုဖာပေါ် သွားထိုင်လည်း ရတယ်... တီချယ် ဒါလေး သိမ်းလိုက်ဦးမယ်နော်... "
" ဟုတ်ကဲ့... "
သွန်းက ဟန်သစ်၏ မျက်နှာချင်းဆိုင်ခုံ၌
ဝင်ထိုင်လိုက်လေ၏။
" အရီ့ကို ဖုန်းဆက်ထားတယ်... သူလာလိမ့်မယ်... "
" ဟိုလေ တီချယ်... မနက်က သမီး မသိလို့ သမီး ကြားတာ သမီးပြောတာနော် တီချယ်... သမီး တမင် ပြောတာ မဟုတ်ဘူးနော်... "
သွန်း၏စကားကြောင့် ဟန်သစ်က စာရွက်ကို ကြည့်နေရာမှ သွန်းကို ကြည့်လိုက်လေသည်။
ထို့နောက် ဟန်သစ်က သွားပေါ်အောင် ပြုံးလိုက်ကာ
" ဟုတ်ပါပြီ... တီချယ် နားလည်ပါတယ်... ပြီးတော့ ဒီလို ကောလာဟလတွေကိုသာ တီချယ် လိုက်ခံစားနေမယ်ဆို တီချယ် ဒီနေရာအထိ တောင့်ခံနိုင်မှာ မဟုတ်ဘူး သမီးရဲ့... အနုပညာသမားဆိုတာ စိတ်ထားတတ်ဖို့က အရေးအကြီးဆုံးပဲ... တီချယ်ကတော့ တီချယ် မဟုတ်လို့ မနာဘူး... အဲ့တော့ သမီးလည်း စိတ်ထဲ ထားမနေနဲ့တော့ ဟုတ်ပြီလား... "
" ဟုတ်ကဲ့ တီချယ်... "
ဟန်သစ်က စာရွက်တစ်ချို့ကို ဖိုင်အတွင်း
ထည့်လျက် မတ်တပ်ရပ်လိုက်ကာ
" သွားရအောင်... အရီ့ကို ကားထဲက စောင့်နှင့်မယ်... "
" ဟုတ်... "
JE LEEST
By Loving (own creation)
Romantiek(Zawgyi) မိမိ၏ငယ္ခ်စ္ဦးႏွင့္ ျပန္ဆုံၿပီးေနာက္၊ ျပန္လည္၍ ခ်စ္ႀကိဳးသြယ္မိရာမွ မထင္မွတ္ေသာ အရႈပ္အေထြးမ်ားႏွင့္ ႀကဳံေတြ႕လာရေသာ အမ်ိဳးသမီးတစ္ဦးအေၾကာင္း။ ဤဇာတ္လမ္းတြင္ ပါဝင္ေသာ အခ်ိန္ကာလ၊ ေနရာေဒသ၊ အျဖစ္အပ်က္၊ ဇာတ္ေကာင္မ်ား အားလုံးတို႔သည္ စာေရးသူ၏ စိတ္ကူးသ...
Part - 1 (Unicode)
Start bij het begin
