THE PROMISE

CHAPTER 2: YOU'RE BEAUTIFUL

CHAPTER 2
YOU'RE BEAUTIFUL

"Ate birthday ko na next week. Baka naman may pera ka dyan? Gusto ko kasing magpaparty." sabi ng kapatid ko na si Christina mula sa kabilang linya.

Napabuntong hininga ako sa sinabi niya. Akala ba niya ay sobrang dali nitong trabaho ko. Akala ba nila ay matapos akong bumukaka ay masaya ako sa perang nakukuha ko.

Wala naman sanang problema kung magpaparty siya pero hindi man lang ba niya naisip na ang perang pinagkukunan ko ay hindi lang basta basta.

"Sige, susubukan kong magpadala bukas." sabi ko na lamang. Wala rin naman akong maggagawa kundi ibigay na lang din ang kanyang luho. May sasabihin pa sana ako sa kanya kaso agad niyang pinatayan ang tawag.

May mga pagkakataon na malaking pera ang nakukuha ko mula sa kliyente at manonood pero syempre nagiipon rin ako ng pera. Ayoko naman na tumanda sa ganitong sitwasyon, kahit papaano ay gusto kong makaalis sa mundong pinagtatrabahuhan ko sa lalong madaling panahon. Gusto kong makaalis dahil may pangarap ako na gusto ko ring tuparin balang araw.

"Girl, pili ka na rito." sabi sa akin ni Pat sabay pakita ng mga dress niya matapos ang tawag ng kapatid ko.

Nandito ako ngayon sa apartment ng kaibigan ko na si Patricia dahil manghihiram ako ng dress na isusuot ko mamaya para sa date namin ni Fred. Tulad ko ay pokpok rin siya pero ang pinagkaiba nga lang ay sa club siya nagtatrabaho. Mas matanda ako sa kanya ng dalawang taon kaya naman ay kung minsan naaawa ako sa kanya dahil napakaaga niyang mapunta sa ibang klaseng trabaho.

Pinasok ni Pat ang trabaho sa club dahil kailangan niya ng pera para mahanap at ang kanyang anak na isang taon ng nawawala. Iyon lang ang nakita niyang paraan para mas mabilis kumita ng pera.

Sobrang nakakalungkot ng sitwasyon niya dahil sino ba naman ang ina ang gustong mawalay sa anak niya. Kaya naman kung minsan ay tinutulungan ko siya sa paghahanap sa kanyang anak pero natatapos ang araw ay wala akong maggawa para pagaanin ang loob ni Pat.

Isa-isa kong tiningnan ang mga dress na nakalatag sa kama niya at namili ng susuotin para sa date namin ni Fred.

Isang buwan na ang nakalipas mula ng maging textmate kami ni Fred. Kung minsan ay magkatawagan kami, hindi ko pa man tuluyan siyang nakikita ng personal pero kinikilig na ako. At sa pangalawang pagkakataon ay inaya niya ulit ako na makipagdate sa kanya. Syempre may landi naan ako sa katawan kahit papaano kaya pumayag na ako, tsaka para makita ko na rin siya sa personal.

"May pera ka naman kasi bakit hindi ka na lang bumili? Kuripot much si Ate Girl." aniya.

"Bakit pagbumili ba ako ng dress hindi na ako magiging pokpok?" sabi ko.

"Shunga, ang ibig kong sabihin ay hindi masama bumili ng pansarili mong gamit. Ikaw nga ang nagtatrabaho para sa pamilya mo pero ni isang beses ay hindi ka pa gumastos ng pera mo para sa sariling kagustuhan mo." pangangaral pa niya.

"Ok lang yun." wala sa sarili kong sabi.

Bigla akong napaisip sa sinabi ni Pat. Ni isang beses nga ay hindi pa talaga ako nakabili ng kahit anong gamit para sa sarili ko. Ang lahat kasi ng pera na sinasahod ko ay diretso sa pamilya namin at pagkain ko sa araw-araw.

Matapos makapili ng damit ay tinulungan na akong mag-ayos ni Pat. Parehas kaming maputi, may katangkaran at balingkinitan ang pero syempre mas maganda ako.

"Baka naman niloloko ka lang na siya si Frederick Montesano na yan." aniya. "Tatawanan talaga kita kapag scam yan hahaha."

Nang matapos ang pagaayos ay ilang minuto rin kaming naghintay sa text ni Fred dahil hindi ko alam kung saan kami magdedate.