THE PROMISE

CHAPTER 28: BISITA

CHAPTER 28
BISITA

     
"Good Morning Teacher Christine." bati ng mga estudyante ko ng makapasok kami sa room. Kakatapos lang ng flag ceremony.

"Good Morning class."

"Good Morning Crisha and good morning classmates." masiglang bagi nila. Ang anak ko naman ay magiliw na nakanhiti sa mga estudyante ko at kinawayan pa sila.

Sinasama ko parati si Crisha sa paaralan dahil wala sa kanyang magbabantay. Tsaka gusto rin naman niya iyon dahil tuwing breaktime ay nakakahalubilo siya sa mga estudyante ko.

Grade 1 ang tinuturuan ko at kailangan ng mahabang pasensya dahil makukulit ang mga ito. Wala naman akong nagiging problema sa klase dahil masaya ako sa pagtuturo at isa pa, ito ang pinaka pangarap ko.

Nagsimula akong magturo at matapos nun ay binigyan sila ng gawain. Bago maglibot sa buong classroom upang obserbahan sila ay binigyan ko rin si Crisha ng gawain na kung saan tine-trace niya ang sariling pangalan.

Kinahapunan ay hindi ko isinama si Crisha. Iniwan ko siya kay Aling Martha na kapitbahay namin. Tuwing hapon kasi ay natutulog ang anak ko at alam ko rin na pagod iyo ln kanina kakalaro sa mga estudyante ko.

Tulad ng nakasanayan ay maagang natapos ang klase. Alas tres natatapos ang klase ko dahil Grdae 1 lang naman ang tinuturuan ko. Mas maagang natatapos ang klase kumpara sa mga higher grade level. Mag-a-alas quatro na nang makaalis ako ng room dahil nagcheck pa ako ng mga quizzes.

Napadaan muna ako sa canteen para bilhan ng biscuit at inumin si Crisha dahil alam iong maghahanap kaagad iyon ng pagkain.

"Tin." tawag sa akin ni Sir Glen na kasama sina Maam Bianca.

Dahan dahan aking lumapit sa kanila dahil may mga dala akong libro na mabibigat. Pero napuno kaagad ng asaran nang patakbong lumapit si Glen at tinulungan ako sa mga bitbit ko.

"Kamusta si Crisha?" tanong ni Binaca na kapwa guro ko rin at maging si Glen.

"Ayon malikot pa rin at kung minsan naman ay pasaway." natatawa kong sabi at maski sila ay natawa na rin. Kilala rin kasi nila si Crisha na ganun, malikot at pasaway.

Nakita ko naman ang paglipat ng tingin ni Bianca kay Glen kaya napatingin an rin ako. Nahuli ko siyang nakatingin sa akin pero agad na umiwas at ibinaling ang tingin sa iba.

"Magpaligaw ka na kasi Christine." tukso ni Bianca na tatlong taon lang ang tanda sa akin. Nakita ko naman na napakamot sa batok si Glen at nahihiyang ngumiti sa akin.

"Ano ka ba?! May anak na ako." sambit ko sa kanila at naupo sa tabi ni Glen.

"Ok lang naman sa akin." sabi ni  Glen at nanlaki kaagad doon ang mga mata ko.

"Ok naman pala eh. Tsaka gusto rin ata ni Crisha, ng anak mo itong si Glen. Kadalasan nga ay kapag wala iyon sa classroom mo ay sa room ni Glen iyon pumupunta."

Ilang minuto pa ang tinagal ng kwentuhan namin hanggang sa napagpasyahan ko na magpaalam na para umalis. Baka kasi hinihintay na ako ng anak ko.

"Hatid na kita." sabi pa ni Glen at nakita ko ang pagitap sa kanya ni Bianca. "Ang harot mo Sir" biro niya.

"Konti lang" rinig kong bulong ni Glen sabay kindat sa akin.

Hindi na ako nakatanggi sa paghatid sa akin ni Glen dahil naunahan niya akong buhatin ang mga libro. Habang pauwi kami  ay napagusapan namin ang tungkol sa mga estudyante namin at syempre hindi nakalagpas sa uspan namin ang anak kong si Crisha.

"Handa akong maging tatay para kay Crisha." sambit niya at alam ko kung ano ang ipinahihiwatig niya sa sinabing iyon.

"Alam ko pero hindi pa talaga ako handang pumasok muli sa relasyon. Tsaka ayokong paasahin at masaktan ka." paliwanag ko at mapait siyang ngumiti.