Rule #1: Rule of Fate

[12]

"Lia! Dali na kase samahan mo na ako!"

I still remember clearly the day that Emma made me go with her para manood nung training ni Elijah. I was just chilling in my house nung pumasok siya sa kwarto ko at ginulo ako. Hindi man nga lang siya nagsabi na dadaan siya.

"Dali na, please! I want to make silay!"

"Emma, hindi ba nakakahiya? Puro lalaki ang nandun." sabi ko sa kanya.

"Ano ka ba, Lia! That's the point! Puro gwapong lalaki ang nandun, the more that we should come. Hindi ka pa ba sawa na puro babae nalang nakikita natin?"

She has a point. Lumaki kaming dalawa sa all-girls school kaya wala talaga kaming nakikitang mga lalaki. Hanggang mga interactions o soiree lang.

"Sige na, sasamahan na kita. Bihis lang ako."

She jumped. "Yay!"

Pumunta kami ni Emma sa school nang kuya niya na si Elijah. Nag-aaral ang kuya niya sa number one school sa Pilipinas para sa mayayaman. Sa Brierwell University. They offer one of the best programs here at ito rin ang gusto kong pasukan sana sa college, kaya lang mukhang malabo. Wala kase kaming pera pang-aral dito.

Puro mayayaman kase ang nag-aaral dito, at mahal talaga ang tuition. Pwede naman din ako mag-apply ng scholarship, kaya lang mukhang malabo din. Hindi rin kase ako ganon katalino.

Mangha-mangha ako tumitingin sa paligid. Ang ganda pala talaga dito? Tama nga na sumama ako kay Emma.

"Hm, sa totoo lang nasa junior's team pa si Prince pero sabi ni Kuya, sabay naman daw sila mag-training nito. I'm sure, he'll be here." kwento ni Emma.

"Ano naman sinabi mo sa kuya mo? Na manonood ka ng training nila para sumilay kay Prince?"

Umiling siya. "Siyempre, hindi! You know kuya naman, malamang hindi niya ako titigilan pag nalaman niya. I just lost a bet... and this is what he asked for." she told me at pumasok na kami sa gym. Kasama din namin yung yaya niya na may dalang water cooler. "I'll benefit from it naman kaya hindi na ako nagreklamo."

I was so amazed when we entered their gym. Ang ganda kase. Mukhang may pera talaga yung school para sa facilities. Lahat din kase mukhang mahal.

"Elisse Amelia!" tawag ni Elijah kay Emma.

"Ugh, Kuya! Emma nga. Not Elisse." she said, rolling her eyes.

Elijah chuckled, tumingin naman siya sa akin. "Oh, you brought Lia."

I smiled a little. Tinuro naman ni Elijah yung may bleachers. "Dyan muna kayo, hinihintay lang namin yung iba."

Umupo naman kami ni Emma dun sa tinuro ni Elijah. Medyo paikot-ikot pa rin ang tingin ko dito.

"Cap, hello." bati ni Prince na kakarating lang. Kasama rin niya ang pinsan niya na si Trent. Nakasuot sila ng pang-training.

Nakita ko naman ang pag-ngiti ni Emma. Nandyan na kase ang crush niya.

Nag-usap usap muna sila bago napunta sa amin ang tingin ni Prince. Agad naman siyang ngumiti at naglakad papunta sa amin. Nakita ko naman na medyo pinapaypayan ni Emma ang sarili niya.

"Lia!" sabi niya. Napatingin din siya kay Emma, "Emma."

"Hello," bati ko pabalik. Napatingin ako kay Emma. Ngumiti siya kay Prince. "Hello, Prince."

Ngumiti si Prince sa kanya, bago binalik ang tingin sa akin. "Anong ginagawa niyo dito?" tanong niya.

Gusto sana na si Emma ang kausapin niya pero hindi ko naman alam kung paano. Nakilala namin si Prince sa isa mga parties at siya rin ang naging first kiss ko. Naging crush lang siya ni Emma nung nag-break na sila nung boyfriend niya.