"ආහ්..... ආහ්..... අනේ හෙමින් හෙමින්..... ගොං හාවො හෙමින්."
"පොඩ්ඩක් ඔය හැකර කට වහගෙන ඉන්නවා මං උස්සනකන්."
ජංගුක් මින්හා දෙන්නා හිටියෙ ඔවුන් හිටපු කාමරේක වහල පරීක්ෂා කරන ගමන්. එකපාරටම වහලෙන් එලියක් විහිදෙන්න පටන් ගත්තු නිසා ඔවුන් එතන පරීක්ෂා කරන්න තීරණය කළත් මින්හාට තමයි ජංගුක්ගෙ කරට නැගලා පරීක්ෂා කිරීම් කරන්න වුනේ. ඒත් ඉතින් කෙල්ල බයෙන් හිටියෙ එතනින් වැටිලා කොන්ද කඩාගන්න වෙයිද කියලයි.
"මාව හයියෙන් අල්ලගන්නවා හාවො.... ඔහේ උස්සන වේගෙට මං මෙතනින් පත බෑවුනොත් එහෙම."
"ප්‍රශ්නයක් නෑනෙ බබා.... ඔයාගෙ කකුල කැඩුණොත් මං වඩාගෙන යන්නම්. මං ඉන්නවනෙ බලාගන්න ඔයාව."
"යාආආආ..... මං මෙතනින් පහලට ආවම බලාගන්නම්..... වල් හාවා."
ජංගුක් මින්හාගෙ ඉනෙන් අල්ලලා කෙල්ලව තවත් උඩට උස්සද්දි කෙල්ල සිවිලිමේ කොටසක් ඉවත් කරලා ඇතුල පරීක්ෂා කළා. එතන සම්පූර්ණයෙන්ම අඳුරු නිසා කිසිම දෙයක් පේන්න තිබුණෙ නැහැ. ඒත් දිලිසෙන යමක් පේන්න ගන්නකොට කෙල්ල ඒ මොකක්ද කියලා අඳුරගත්තා.
"ආආහ්.... හා පැටියො..... පොත තියෙනවා. ඒක තියෙනවා වාහ්."
මින්හා උඩ ඉඳගෙනම කෑගහද්දි ජංගුක් කල්පනා කලේ කෙල්ල කියපු දෙයක් ගැන.
"පැටියෝ..... ඔයා මට පැටියෝ කියලද කිව්වෙ?"
"මං මොකක් හරි කිව්වද? මට මතක නෑනෙ."
කෙල්ලත් ජංගුක්ගෙ වචන වලින් ඔහුටම පහර දෙද්දි කොල්ලා කට ඇද කරගත්තා. කොහොමින් කොහොම හරි කෙල්ල පොත අතට අරගත්තත් ඇයට දැනුණෙ හරි අමුත්තක්. හරියට මොකක් හරි එයාගෙ අත දිගේ පහලට එනවා වගේ. ඇතුල කලුවර නිසා කිසිම දෙයක් පේන්නෙ නැති වුනත් කෙල්ලට ඒ දේ හොඳටම දැනුනා.
"ආහ්.... කුකී.... මගේ අත දිගේ මොකක් හරි එනවා වගේ."
"මොකා.... ඉක්මනට අත ඇදලා එලියට ගන්නවා."
ජංගුක් කියනවත් එක්කම මින්හා අත ඇදලා ගත්තෙ කෙල්ලගෙ අත දිගේ පහලට එන දේ එක පෙලට පොලොවට වැටෙනකොට. එතකොටයි ඒ මොකක්ද කියලා ජංගුක් වුනත් දැක්කෙ.
YOU ARE READING
The Magic Painting || JJK ✓
Fanfiction"යාආආ..... ඔය කට වහගන්නවා කිඹුලි. මේ මම හාවා...." හාවෙක්ටයි කිඹුලියෙක්ටයි එකට ගමනක් තියෙයිද මං අහන්නෙ? ඒකත් භයානක මායා චිත්‍රයක් ඇතුළෙ......
