سيف: أروى تطلعشي حبلة
أروى: هههه منين باش يجي الوليد
شهاب: كانشي بالبلوتوث
سيف: راني مانيش نتمسخر نحكي سيريو
أروى: خليك في أحلامك خير
عيشة: هيا يا جماعة لغدا حضر
راحو و أولهم أروى الي راحت تجري على الكسكسي هجمت عليه ماخلات فيه والو و الكل باهتين كيفاش تاكل ماشي من عوايدها
أروى: ولش بيكم تخزرولي هكذا ؟؟
عيشة: بصحتك بنتي
أروى: مرسي خالتي على الكسكسي معلاباليش واش بيني هاذي الليمات وليت ناكل بزاف و نتشهى بزاف
عيشة: من وقتاش و انتي على الحالة هاذي
أروى: يجو تقريب يومين
عيشة: تطلعشي حبلة
أروى: هههههه
سيف: ولله أنا تاني قلتلها
أروى: بلله قولولي برك كيفاش باش يجي ها صغير هاذا
سيف: تحبي نعلمك كيفاش باش يجي
أروى حمارت و خضارت و صفارت وجها ولا ألوان و يروح ألوان
عيشة: يا ولدي عيب تحكي هكا
سيف: يا ماما وين تشوفي فيه العيب .. صحا هيا قوليلي كيفاه جبتيني أنا و شهاب و مريم
شهاب: بطبيعة ب........ مخلاتوش أمو يكمل و قاتلو
عيشة: ولله عيب عليكم هاذي حاجة متتحكاش قدام العايلة و أنتا شهاب راك كبرت خوك تزوج و نتا مزلت باير وقتاش تتزوج و تهنينا عليك
سيف: دورناها شهاب دوكا
شهاب: ملقيتش الي تساعدني الي نخرج معاها و نحب نخطبها تهرب
سيف: يا ولدي عندها حق الطفلة تخاف على روحها
شهاب: ههههه
................
تسريع الأحداث :
أروى قاعدة في غرفتها تخمم في كلام حماتها و كلام سيف تطلعشي حبلة و مافيبالهاش فقررت أنا تروح للفارماسي تشري التاست ... ناضت من السرير وجدت روحها لبست هكا⤵و خرجت
.............
قاعدة تشوف للباب نتاع الفارماسي تخمم تدخل ولا لا ... منباعد خممت تدخل دخلت
البائعة: تفضلي مدام فواش تحبي نعاونك؟
اروى: أختي أنا نحب على تاست
البائعة: أوكي دقيقة (راحت جابتهولها و رجعت) تفضل و نشاءلله يطلع الي تخمم فيه صحيح
اروى: مرسي ( وخرجت)
قاعدة تمشي في الطريق و تشوف في التاست يعني نجربو و لا لا .... روحت للدار دخلت لغرفتها راحت لدوش باش تجرب تاست.........
..........
أروى: خالتي متعرفيش وين يخدم سيف
عيشة: وي نعرف علاه؟
أروى: حابة نروح ليه
عيشة: ههه توحشتيه
أروى: ههه إيه هيا قوليلي وين جات؟
عيشة: في****
لبست أروى صباطها (حشاكم) و خرجت
...............
أروى: سيف وحدو
السكريتارة: عندك موعد معاه
اروى: ماشي لازم نجي نشوف راجلي بموعد يا مدام
السكريتارة: أه.. شقلت إنتي مرتو وعلاه معلاباليش فيبالي بلي سيف عازب
أروى: ههههههههههههههه ( ضحكت على طول صوتها) لين خرج سيف
سيف: واش شكاين لهنا؟آه أروى واش اديري لهنا
أروى: جيت نطل عليك ( وراحت حكماتو من يدو تغزل في سكريتارتو و سيف مصدوم في تصرفاتها)
سيف: أورى إنتي لاباس
أروى: أنا غاية لحمد لله أما هاذي ( تشير بصبعها على سكريتارة): مخلتنيش ندخل قاتلي معدكش موعد كي قلتلها بلي إنتا غاجلي مصدقتنيش و قاتلي مافيباليش فيبالي بلي سيف عازب ( تقلد في صوتها)
سيف: اممم هيا ندخلو للبيرو خير ( هوما دخلو و هيا نحات يديها من يديه)
سيف: علاه راكي تتصرفي مع سكريتارة المسكينة كيما هكذا
أروى: يعطييها سكينة مبرد قلبها اللطف ... ايه و نتا وعلاه تحامي عليها
سيف: ني نحامي ني والو
أروى: اممم صدقتك ( ودارت شنوف)
سيف: أروى متقليش غرتي
أروى: واشنوا هههههههه علاه باش نغير ياخي
سيف: اممممم يعني صحا قوليلي على واه جيتي
أروى: أه.... أنا على واش جيت (ملقات ما تقولو كان تقولو جيت برك ظوك يقلها توحشتني فيسع)
سيف: متقوليش توحشتني ههههههه
أروى: هههههه