♥تزوجتها من أجل أمي♥(باللهجة الجزائرية)

حلقة ما قبل الأخيرة

♥إذا فعلت أي شيء صحيح في حياتي،فهو إعطاء قلبي لك♥

تسريع الأحداث ......

فات اسبوع كامل على ولادة أروى و الدرك مزالها في سبيطار فاقدة الوعي.. اسبوع و هي متسطحة على السرير.. اسبوع راقدة و مفتنطش و الخيوط دايرة بيها الولادة نتاعها كانت بزاف صعيبة..... بالنسبة لسيف نفس روتين دايمن ينوض يصلي و يروح للسبيطار لأروى يحكيلها و يبكي فوقها باش تفيش و من بعد يروح لدار يصلي و يقرا القرٱن حتى الماكلة ميكلش و مام الخدمة ميروحلهاش خلاه..... في جهة اخرى عائلة اروى تاني في حالة و غير ربي الي يعلم بيهم هما مصدقو لقاو بنتهم و كي لقاوها هاي درك بين حياة و موت طول نهار و هوما يدعيولها باه تفطن
..........
ناضت مايا صباح بدلت و لبست و راحت ديراكت للخدمة وصلت قالولها بلي يعيطلها ميسيو شهاب

مايا:وي ميسيو شهاب قالولي عيطتلي
شهاب: وي مايا شوفي درك منقدرش نحكي معاك خلي مباعد مور لغدا يكون معدناش خدمة بزاف نخرجو و نحكو بيا

مايا: ايه بصح وعلاه مش درك
شهاب؛ قتلك مور لغدا سيك مور لغدا
مايا: داكور مقتلك والو
شهاب؛ اوكي و درك تقدري تخرجي

شنفت عليه و خرجت زعما واش هيا هاد الهدرة المهمة الي مأجلها لموى لغدا غريبة رحت للبيرو نتاعي و عقلي كامل للهدرة الي باش يقلهالي زعما واش هيا

ملاك (وحدة تخدم معاها) ؛ پسسس واشبيك
مايا: أه والو والو
ملاك: مانضنش باينة كاينة حاجة يا أختي شوفي وجهك كيفاه أصفر مايا: A ce point
ملاك: وي حنونتي
مايا: Amm d'accord
ملاك: إحكيلي واش بيك
مايا: لحكاية و مافيها ميسيو شهاب قلي عندي هدرة معاك مور لغدا
ملاك: يا سعديي بيك و كيعود عندو هدرة معاك دير مخك كامل في الهدرة الي باش يقولهالك و وجهك يصفار هكا
مايا: منعرفش أما فما إن في الحكاية
ملاك: يا خويتي لا إن لا كان انتي برك ..... نقولك  تحب حاجة
مايا: واشنو
ملاك: تطلعشي سيد يحبك و و مضروب فيك و يحب يتقدملك 😹
مايا: أي يزي عاد من تمسخيرك الباسل قو يخطبني هههههن و يحبني ههههه
ملاك: اضحك اضحك مور لغدا نشوفو

..............
سيف
كنت قاعد في دار نخدم با pc و غاطس في الخدمة عندي تقريب شهر ماتلهيتش في أمورها... و أنا قاعد نخدم و نشرب في القهوة صونا الباب . حطيت pc على جنب و نحيت لينات و قمت نفتح الباب لقيتها مريم

مريم: عسلامة
سيف: ماو لاباس جايتني على صباح بايتة تحلم بيا ولا واش
مريم؛ امم سيف srx ولله عندي هدرة معاك
سيف: واش هي هاد الهدرة
مريم: و نحكو قدام الباب
سيف: تقضلي ادخلي
.........
سيف: احكي هاني نسمع
مريم: بواش نبدا انا درك
سيف: راح تحكي ولا لا
مريم: اي اي تو نحكي
سيف: احكي هاني نسمع و مادابيك فيساع پاسكو عندي خدمة
مريم: شو سيف رح نحكيلك من نهار الي جيتنيي فيه لدار و شربت فيه نتا القهوة و بعدها دخت باش نخبرك لحقيقة الكل  راح نحكيلك كلش ليوم تعرف الحقيقة

‌🇸‌🇹‌🇴‌🇴‌🇴‌🇴‌🇵 🤚🤚

لكل من يقرأ في الكورنيك توحشتوني ولا لا أنا توحشتكم 😿

حبيت نعيدكم قبل الوقت بالاك غدوة منقدرش نعيدكم ولا حاجة پاسكو اني قليل وين نفتح الوات و كل مانفتح نهبط پارت متقولوش اي ناسيتنا ولا حاجة انا و ضروف اسمحولييي نوتيلاتي

هيه قولولي زعما مريم تقول لسيف كلش ولا لا
و زعما اروى تعيش ولا لا
و يعني واش هيا الهدرة الي راح يهدرها شهاب لمايا
و قولولي زعما واش تتوقعو النهاية تكون حبيت نقلكم بلي نهاية راح تكون سعيدة و حزينة 😿😿😿 نحب هاذ الپارت يوصل لعديد من الايكات باه نهبط النهاية في ليل ❤❤❤

نلتقي في الپارت جديد نوتيلاتي  ❤