رحنا ليه سلمنا عليه و ركبنا فلوطو قعد سيف يسوق و طول طريق و حنا ساكتين غير شهاب الي قاعد يدندن وحدو.... بعد زمان وصلنا... هبطنا و سيف قال لشهاب يلحق Les valises
أنا: واشنو بالك خدام عندنا و معلاباليش كل واحد يدخل valise تاعو ... اعطيني خويا شهاب و سامحني على عدم الإحترام الي عندو (ديت من عندو الفاليز)
شهاب:الله غالب خويا واش ندير
أنا:كون جيت أنا نقتله
سيف:نقعدو هنا ولا ماما تستنا فينا
أنا:صبر ياربي (رحت نكركر فلفاليزتي و رايحة جيهة الباب)
شهاب:كون جيت ما وعرفكش راني قلت غاير
سيف:ممم بلع و امشي قدامي
لحقوني و قبل ما نوصلو تحل الباب و تخرج ماما عيشة رحت نجري ليها
أنا:ماما توحشتك(نعنق و نبوس)
عيشة:مرحبا بعروستي نورتي دارك
أنا:يعيشك ماما عيشة
عيشة: ونتا سيف متسلمش على امك ، خلاص أروى نساتك فيا
سيف:_حاشا مستحيل وحدة تنسيني فيك يا غاليا (حكمها و باسها على راسها)
عيشة:ههه هيا تفضلو
دخلنا لقيناهم كامل يستناو فينا حتى اختو مريم سلمنا عليها و قعدنا معاهم شويا فرحو بيا على اللخر و بعدها حطت ماما عيشة و مريم لعشاء تعشينا و قعدنا شويا ، وقاتلي مااما عيشة اطلعي بدلي قشك و ارتاحي شويا ولله جات في وقتها كنت تعبانة و حابة غير نرقد قلتلهم تصبو على خير نطق سيف و قلهم أنا تاني تعبان اعذروني
شهاب:واش خو زارب وقيل
سيف:اقفل فمك برك
دخلت للشمبرة مع شافتني تنفست كأنها كانت عاملة حاجة
سيف:واشبيك؟
أروى: هههه والو
سيف:مهبولة
رفدت فاليزتي فوق السرير.. جبدت بوكسار و شورط
اروى: متنساش T.shirt
سيف: منحرفة .. خايفة تغتصبني ههه
اروى: خامج تفو( عطاتو بضهر و رقدت)
هزيت حوايجي و رحت لصال دوبان... كملت لبست قشي و خرجت...لقيتها كيما خليتها پاز تكون راقدة حكمت بلاصتي و تكيت على ضهري حطيت يدي على شعري و بقيت نخزر في السقف حتى حسيت بيها تتحرك.. خزرت فيها لقيتها راقدة على ضهرها و وجها داير جيهتي .... بقيت نخزر فيها كيفاه راقدة ... شعرها مبلول و هابط على وجها ... خدودها حمر شحال نعشق فيهم كي ولو حمر ... شفايفها واه من شفايفها لقليل وين نبوسهم مانشبعش منهم .. طبعا كنت نخطف بوسة و هيا راقدة قدمت ليها وبيق نتأمل في خلق ربي سبحان الله و كي العادة حطيت شفايفي فوق شفايفها و غطست في بوسة كلها حب♥ و إشتياق و رغبة بعدت شفايفي وقت حسيتها راح تفيق و رقدت يمكن كنت محتاج بوسة من عندها باش نرقد ... ولات دواء نتاع نوم اذا مذقتش منو منرقدش ... و هاذا للي قاعد يصير (فاتو ساعتين و مزال سيف يحكي)..... كنت راقد سمعت و نسمع في الصوت انين... مي كي قوا لصوت نضت زرت في اروى ملقيتهاش ..... رحت للصال دوبان سمعت صوتها
أنت تقرأ
♥تزوجتها من أجل أمي♥(باللهجة الجزائرية)
العاطفيةممنوع النقل بدون إذن🚫 ➿الزواج بدون حب ، كالإعدام⛔ بدون جريمة....!! (باللهجة الجزائرية)
