♥تزوجتها من أجل أمي♥(باللهجة الجزائرية)

حلقة 42

سكريتارة: ميسيو سيف شهاب راهو محتاجك عند الباب
سيف: دخليه
شهاب: سيف اروى حكمها الحس
سيف: و علاه مقلتليش من قبل دروك وين تحل فمك ايا امشي قدامي و نتي مريم ايا معانا
مايا: وين بيها وين وين يا سي سيف جايبها معانا اوووه ديزولي نسيت بلي حبيبتك جديدة و وين تروح تروح معاك
سيف: هههه ضحكتيني قلو حبيبتي قال

.............
سيف و مايا و شهاب و مريم وصلو للسبيطار لقاو حكيمة و مراد (والدين أروى ياك متذكرينهم) و فهد قاعدين على الكراسي حذا الغرفة نتاع الولادة  و وجوهم متبشرش بالخير پاسكو طبيب قالهم ولادتها صعيبة شوية حكيمة و مراد و فهد كي شافو سيف هبلو ولي زاد هبلهم اكثر اللفعة الي معاه حكيمة وقفت باه تروح تحكي مع سيف ولا نقولو هيا رايحة باه تعاركو أما حكموها مراد و فهد و قلها خليه عليا أنا

فهد : سيف واش هاد التصرفات الي راك دير فيهم
سيف: أما تصرفات ؟!
فهد: وهاذي واش دير هنا ( يشير بصبعو لمريم )
مريم: أي عيش خويا فهمو خليني نروح راني منحملش ريحة سبيطارات و أنا حبلة
فهد: ههههه و حبلة الزادة مبروك يا سي شباب شوف نتا وقيل متفهمش بالعقلية و جايب هادي معاك غير باه تغزلنا ياك شوف يتخرجها من هوني ولا تخرجو في زوج
سيف: واش تسحت فيا أسمع باه يكون في علمك أروى مرتي أنا و أنا نغرفها قبلك فهمتي يا نعتبروه خوها و نزيدلك حاجة أخرى هاذوك الي فكرشها ولادي
فهد: اووووووووووو (بالعياط) جا راح يهدر خرج طبيب راحو كامل يجريو ليه

حكيمة: هيه دكتور واش حوالهم أروى و توأم
سيف: أنطق واش بيك ساكت
طبيب: التوأم لاباس الحمدلله بصح
حكيمة: بصح واش
سيف: شوف متقوليش أروى ماهيش مليحة ياو غير مكلاه تڨولها لهدرة ادي
طبيب: مالوروزمون أروى بعد ولادة فقدت الوعي پاسكو ولادتها صعيبة بزاف و قادر نخسرو المريضة في أي وقت
سيف: ننننن متزيدش تقولها الهدرة ادي ولله يا تزيد تعاودها نكسرلك فمك أروى باش تقوم لاباس مدخلنيش ديرو المستحيل باه تبرى
طبيب: وي حنا نديرو الي علينا و الباقي على ربي
سيف: نقدر نشوفها
طبيب: 5 دقايق برك

دخل سيف للغرفة الي فيها أروى لقاها راقدة فوق السرير و الخيوط دايرين بيها من كل جيهة و اكسيجين في فمها و السيروم في يديها راح جاب كرسي و قعد بحذاها و حكم يديها و ولا يبكي إيييه كيما سمعتو سيف بكلو الي جامي بكا في حياتو ولا يبكي على حبيبتوو عشيقتو
سيف: آه لوكان جيت أنا في بلاصتك يا أروى آه لوكا نقدر نعطيك حياتي و نتي تبري ولله يا أروى نحبك و جامي خدعتك ولا خممت نخدعك ولله يا أروى براس وليداتنا يا أروى افطني تعيشي متروحيش و تخليني تعيشي يا أروى نوضي نوضي ماتروحيش و أنا لمن تخليني وعلاه يا أروى تعذبي فيا هكا وعلاااااه افطني عيش حبي نوضي و متروحيش (وهو يهدر صونات هاذيك الآلة نتاع نبضات القلب بالقوي و محباتش تسكت) خرج سيف يعيط لبرة على طبيب على طول صوتو السبيطار ڨلبو جا طبيب و سيف هز روحو و خرج محملش يشوف الحالة هاذيك الي عليها أروى تمنا لوكان مات و مشافش هاذ المضهر ركب في لوطو و ديمارا التاكسي الي تجي قدامو يدخل فيها ناس حايرة فيه حبس الطوموبيل و هبط للبحر هز لحجار و ولا يضرب فيهم بالقوييي في البحر و يهدر و يبكي و يعيط

سيف: علاااااااااه علااااااه هكا يا ربي وعلااه دايمن دنيا عاكستني علاه علااه من كنت صغير و الحاجة الي نتمناها يجرالي الضد نتاحا علاااه علااااه دنيا ضالمتني و أنا مضلوم علاه
شهاب: عرفتك نلقاك هنا من كنت صغير كي تعود قالق نلقاك هنا هيا معايا لدار
سيف: روح اخطاني انت حايب نقعد هنا
شهاب مسمعش ليه و و قفو و ركبو في طاكسي و ركب هو زادة من القدام و ديمارا ديراكسيون للدار وصلو للدار هبطو من لوطو و طبطبو في باب يستناو في امهم تفتحلهم الباب ..... فتحتلهم الباب و شافت سيف مدمر كامل عينيه معمرة دموع و لعادت حمرة من بكا اول مرة تشوف سيف مدمر لدرجة هاذي عنقاتو وقاتلو متخاقجفش اروى قوية و باش تقوم بخير لنشالله
سيف: منضنش يا يما منضنش انتي ماشفتيهاش كيفاه راقدة و آلات الي جنبها كيفاه يصينيو (يحكي و ماشي قادر غصة في قلبو) 
أمو: درك زايد لكلام إنا في يديك حل واد تروح تصلي و تدعيلها باه تقوم لاباس
سيف: أي عندك الحق

سيف هز روحو لشمبرتو دخل لدوش دوش و بدل قشو و فرش زربية الصلاة و بدا يصلي و و دموع تهبط وحدها
من بعد كمل هز المصحف و بدا يقرا و يبكي و يدعي في نفس الوقت يدعي باه أروى تقوم لاباس و يدعي باه علاقتهم تتحسن للأفضل و يربيو ولادهم كيف كيف و يدعي باه ربي يسهلها في وجهو و يثبت براأتو لأروى و ناس الكل و مهم قعد صاهر للصباح و هو يصلي و يقرا في المصحف و يدعيلها

Hello lbnate hani rja3telkom w ydiya moch farghine nchlh ykon 3jabkom lparte t3ucho diro j'aime w comentaire
Haga fi ma y5os mawdo3 anstagram ili 3ndo ya3tini ismo hayba nder grop tama

قولولي واش رايكم في الپارت و في احداثو
واش رايكم في تصرف سيف ماغاضكمش
و زعما أروى تموت ولا لا ؟!