♥تزوجتها من أجل أمي♥(باللهجة الجزائرية)

حلقة36#

وين راكي هاربة يا الهرابة ديري جام قبل ما تقراي ياك ماشي خسارة فيا

لبنات في هاذ الپارت رايحة نسرع الأحداث شوية ... يعني فاتو 6 أيام و متغير والو نفس الشي يتعاود أروى قاعدة عند حماتها و سيف سافر لألمانيا و رجع لخدمتو و واحد ميعرف بلي سيف سافر من غير شهاب ... عائلة أروى و مايا  تانيي رجعو لألمانيا

سيف

كيما تعرفو عندي 6 أيام و أنا في ألمانيا و واحد مستخسر و عيطلي و لا سقسى عليا بخلاف خويا شهاب الله يحفضو ..... توحشت أروى بزاف مي لازمني نوالف پاسكو هيا الي وصلت روحها لدرجة هادي مستخسرتش حتا دقيقة نشرحلها الي صار مي هيا على مأضن صاي قلبها برد و كرهتني أنا هاني قاعد نحاول ننساها مي منقدرش ولله پاسكو حبي ليها حقيقي و منقدرش نعدي نهار بلاما نسمع صوتها و لا نشوفها ... وصيت شهاب على برشا حوايج لازم يديرهم و انشاء لله يكون قد المسؤولية

الكاتبة ( أنا نحكي)

نروحو لعائلة شهاب في دزاير كانو قاعدين اروى و عيشة في الصالون يتفرجو حتى دخل عليهم شهاب

شهاب: أيا قلنا سلام عليكم
عيشة: أرواح شهاب اقعد حذايا توحشتك
شهاب: يضهرلي فما ناس ماهيش حابة تشوفني هنا ( خزر لأروى)
أروى: خويا شهاب وعلاه راك تعامل فيا هكا
شهاب: والو أه نسيت مقلتلكمش غدوة راجع لألمانيا
عيشة: واشنو .. وعلاه ؟
شهاب: لازمني نعاون خويا في الخدمة متنسيش بلي أنا تاني المدير عندي صافي شحال مرحتش هملتها راو
عيشة: نفهم من كلامك بلي سيف في ألمانيا
شهاب: هههه دوك وين فقتي عندو سمانة ثما
عيشة: واشنو و كيفاه معلاباليش و علاه مخبرتونيش و وعلاه راح من أصلو
شهاب: واش حبيتيه يتمرمد في ليزوتيل واقيل .. اصلن هو راح باه يوجد الأوراق نتاع الطلاق
أروى: واشنو (هدرتها بلا متفيق)
شهاب: واش الي واشنو هههههه ماشي نتي الي حبيتي هكا ولا حبيتيه يبقا يترجى فيك باه مطلقيشو هههه ياو فاقو هاداك سيف ماشي عبد واحداخر يا وسمك
أروى: مقصدتش هكا
شهاب: ميهمنيش واش قصدتي لمهم وصلاتلك المعلومة
عيشة: راح وحدو
شهاب: لالا راحت معاه مريم ...... واش بيكم تخزرولي هكا ياك سحتوه مالدار على الهدرة هاذي و دوكا إسمحولي راني طالع لفوق نوجد روحي همالا شحبيتو طيارة تروح عليا

(بون لبنات حبيت نوضحلكم بلي سيف مراحش مع مريم شهاب يكذب عليهم باه يفدد أروى)

أروى

كنا قاعدين في الصالون نتفرجو و نضحكو نرمال انا شفت شهاب جاي و الضحكة تلفت من وجهي بدا يتفلسف و خبر امو بلي مسافر غدوة و قاللنا تاني بلي سيف مسافر عندو شحال أنا كي قالنا بلي سافر معرف علاه لعبت عليا دوخة و حسيت بقلبي يضرب في التسعين سقساتو يماه مع شكون راح هو قالها مع مريم و أنا جنون طلعلي وليت نشوف كلش أكحل محبيتش نبينلهم بلي قالقة و معجبنيش الحال ستنيتو لطلع و استأذنت من خالتي و طلعت لبيتي حليت الپورتابل و عيطت لمايا

مايا: ألو ختيتو كي راكي غاية
أروى: مايا راهو سافر معاها اهئ اهئ مايا راهو طلع يكرهني و مزال يحبها هيا و حايب يطلقني اهئ اهئ وللله ما نسمحلها تديهولي

مايا: هدي روحك و فهميني واش قاعدة تحكي پاسكو مفهمت والو ملي قلتيه
أروى: ميوش حابة نجي لألمانيا
مايا: تحكي صح ؟!
أروى: إيه ولله حاية نجي
مايا: متأكدة ياخي ؟!
أروى: إيه متأكدة
مايا: اوكي دوك نقول لفهد يجيبك داكور
أروى: داكور هيا باي