♥تزوجتها من أجل أمي♥(باللهجة الجزائرية)

حلقة19#

بعد مرور أسبوع ( لبنات كي تشوفو بعد مرور كذا و لا اعرفو بلي مجرى والو نفس الأحداث تتعاود منغير سيف الي حاول باش يلقي أروى و ملقلهاش)

ناضت أروى صباح على صوت منبه مدوخة كامل ماشي كيما العادة أول مرة في حياتها تنوض دايخة هكا راحت لدوش دوشت و لبست قشها بسيف و هبطت في دروج تتمايل

أروى: صباح الخير
(الكل منغير سفيان الي هو خو فهد): صباح الخير
فهد: أرواحي أروى أقعدي حدايا
راحت حكمت بلاصة بحذاه و قعدت
سفيان: ماما قوليلها لمرة جاية ملازمش تتوخر على الفطور فما قوانين في دار
أروى: معلاباليش سمحولي
حكيمة: سفيان ماشي وقت الهدرة هادي ماكش تشوف فيها مريضة
و هما يتناقشو فوق الطابلة حكمت آروى فمها بديها و راحت تجري لدوش
حكيمة: واش بيها وين راحت
فهد: اقعدي ماما متقلقيش روحك دوك انا نروح نشوف واش بيها
راح فهد و قعد يستنى فيها قدام الباب

فهد: اروى راكي مليحة
خرجت أروى و قاتلو:إيه إيه بالاك كشما كليت علابيها معدتي تقلقت

زادو رجعو لطابلة
سفيان( يهدر مع أروى و يشوف في طابلة): واش بيك مريضة!!!
اروى: لالا أنا مليحة بلاك كشما كليت علابيها تقييت
حكيمة: عسلامتك بنتي
أروى: ميرسي خالتي
بعد ما كملو فطورهم ناضت أروى باش تعاونهم في الهزان الطابلة
حكيمة: متعبيش روحك بنتي دوك انا و مايا نفرزوهم
أروى: لالا طاطا مافيهاش تعب هادي
عاونتهم و طلعت الشمبرتها تبكي توحشت سيف توحشت عنادو توحشت حضنو الدافي الي فيه الأمان مشتهياتو لدرجة كبيرة

في دار سيف بضبط في شمبرتو قافل على روحو سمانة مخرجش لبرة قاعد غير يخمم كيفاه يلقى أروى و فكرة مجات في بالو
سيف: اوه يا سيف زيد خمم متستسلمش لزربة هكا
خمم خمم حتا تفكر پورتابل أروى الي فيه نيميرو نتاع فهد على أقل يقدر يوصل لأروى عن طريق فهد راح جابو
سيف: قداشني بوهالي سمانة كاملة و انا نخم و حاجة ساهلة كيما هادي مجاتش في بالي
راح كتب نيمرو من پورتابل أروى في پورتابليه و عيطلو
فهد: ألو شكون معايا
سيف: أنا سيف
فهد: امم واش تسحق
سيف: ماعليش نتقابلو
فهد: إيه معليش وين و وقتاه
سيف: في**** دوكا
فهد: اوكي معليش خمسة دقايق و نكون عندك
كوپا عليه و راح لبس قشو و لبس الساعة و پرفن و خرج
..............
فهد: عسلامتك سي شباب كيراك كي راهي ميمتك و واش حوال خياتك
سيف:ماشي وقت تضوميرك السامط

نخليو سيف و فهد يحكو و نروحو عند أروى

أروى: عسلامة خالتي
حكيمة: أقعدي بنتي
أروى: معليش نعاونك
حكيمة: لالا بنتي خلي عليك
اروى: مبقيتيش تقولي هكا ولله ما نقدر نقعد مكتفة يديا هكا
حكيمة: اوكي مالا قشريلي البطاطة اليي على يدك اليمين
حكمت أروى تقشر في البطاطة حتى حكمت فمها بيديها و راحت تتقيا
حكيمة: واش بيك بنتي ليوم غير تتقياي
اروى: ولله ما ندري مانيش موالفة هكا ڨاع (و هيا تحكي معاها حتى شافت السنسلة الي في رقبتها)
أروى: اوو خالتي عندي سنسلة كيمة نتاعك بلفولة
حكيمة( رغرغت عينيها و هدرت معاها بنبرة نتاع حنانة): مليح
أروى: واش بيك خالتي واش بيها عينيك
حكيمة: والو دخلتلي فيها حاجة برك
وقفت اؤوى و راحت تنفخلها على عينيها باش تخرج الحاجة و حكيمة تخزر فيها و مصدومة
أروى: ودوكا راحت
حكيمة: إيه مرسي شهيناز
أروى: مبيناتناش بصح أنا أروى مانيش شهيناز
حكيمة: أه متديش عليا ساعات مخي يروح فيها
أروى: حاشاك متحكيش هكا خالتي
خالتي معليش نطلب منك حاجة
حكيمة: إيه بنتي تفضلي
أروى: معندكش حامض مصباح و أنا شاهية عليه
حكيمة: إيه روحي شوفي في الفريجيدار
راحت أروى حلت الفريجيدار هيا لقات الحامض و عينيها و لاو قلوبا حكمت زوج كعبات و جابت الموس و هجمت عليهم توكل فيهم كأنها توكل في حاجة نرمال ماشي حامض
حكيمة: لدرجة هادي تحبي الحامض يا بنتي شبيك بلعقلة على
سنيك
أروى:( تهدر و فمها معمر ليمون): في الحقيقة أنا منحبوش مي اليوم ما نعرف واش بيني عليه
حكيمة: ( بدات الشكوك تدي و تجيب): يا بنتي جاتك les règle
أروى:( حشمت ولات طوماطيشة ملقات متقول )
حكيمة: يا بنتي تحشمي كني انا هادي ماشي نتاع حشمة
أروى: متوخرة يومين
حكيمة: بلاك حامل
هيا قالت هكا و أروى سيبت واش كان في ديها و طلعت تجري لشمبرتها
حكيمة : هادي طفلة مهبولة صح ههه
...........
طبطب
أروى: شكون ؟
فهد: أنا فهد نقدر ندخل
هيا سمعت إسمو و هيا فرحت معلابالهاش وعلاه تفرح كي تشوفو
أروى: إيه تفضل أدخل
دخل و راح قعد بحذاها
فهد: كيصرتي دوكا مليحة
أروى: إيه مليحة الحمد لله
أروى: معليش نطلب منك طلب
فهد: تهدري مع سيف
أروى: يا شكون قلك مي مانيش باش نهدر معاه جيست نسمع صوتو
فهد: توحشتيه !!؟؟
أروى: ماشي وقت لهدرة هادي أعطيني پورتابليك( عطا ليها الپورتابل)
فهد: يصوني يصوني
أروى: ششش
سيف: ألو
أروى: ساكتة
سيف: ألو فهد واشبيك
أروى: ساكتة
سيف: فهد يا خو واش بيك زالي كشما صاري لأروى
أروى: ساكتة
هنا سيف عرف بلي أروى هيا الي على إتصال معاه
سيف: امممم فهمت
أروى: واش فهمت(هدرتها بلا ما تفيق)
سيف: ههههههههه فهمت بلي نتي أروى ماشي فهد أروى عيش حبي أرجعي علابالي بلي توحشتيني و أنا تاني منقدرش بلا بيك
طيطط
سيف: كوبت عليا الفرخة
ّ.......
فهد: وعلاه كوپيتي
اروى: عرفني
فهد: فيبالك ميفيقلكش
أروى: امنمم
فهد:  ياو لقلوب عند بعضاها
أروى: اممم حڨا شبيه يهدر معاك هكاكا
فهد: كيفاه زعما
أروى: تبانو متفاهمين
فهد: هدرة نتاع رجال مدخليش روحك هيا درك نخليك داني نوم بونوي
أروى: بونوي
هوا خرج منا و أروى رقدت منا

ارول مرة نهبط بارت بسرعة هادي موالفة منهبط پارت بعام مي لمرة هادي فرحتوني يزاف البارح بدعم ديالكم ميرسي ميرسي بوكو زيدو برطاجيو لصحابكم يجو يقراو معاكم باش نولي كل يوم نهبط پارت