تكملة للپارت ليفات ياك مازلتو تشفاو ويلا نسيتو ارجعو اقراو من أول
دخلت مايا لمكتب نتاحها حطت ساكها فوق لبيرو جات راح تقعد قاتلها سكريتارة الي معاها متقعديش ميسيو شهاب راه يستنى فيك و قلك جيبيلي معاك قهوة . راحت حضرتلو القهوة و هزتهالو لبيروهو و دخلت عليه بلاما طبطب الباب
شهاب: آو يا وسمك وين حاطة روحك زادمة كي الإرهاب ماشي قهوة هنا غير ارواح و ادخل فهمتي هادي اول و آخر مرة تدخلي هكا فهمتي لمرة جاية طبطبي الباب فهمتيييي
مايا: شبيك توكل في روحك نتا درك ليسمع يقول درت جريمة
شهاب: وهاذي الي درتيها درك ماشي جريمة
مايا: هههه ضحكتني هههه قلو جريمة قلو
شهاب: مالا قلتيلي ضحكتك أه واش رايك نزيد نضحكك اكثر ( و بقا يمشي اونفاص ليها هو يقدملها و هي ترجع للور حتى وصلت للأخر للحيط و هو لصڨ فيها و حاصرها مع الحيط )
مايا : بعد عليا متقربليش
شهاب: عندك حبيب ؟!
مايا : واشنو واش دخل هاذا في هذا ديجا مدخلكش فيا عندي ولا معنديش
شهاب: سقسيتك جاوبيني و متخلينيش نبدل طريقة معاك
مايا: بعد عليا تعيش راك لاصق فيا مقدرتش نتنفس وللله ربي ي... (مخلهاش تكمل كلامها و باسها من فمها و مايا غمضت عينيها و ولات تبكي و شهاب كي شافها تبكي بعد عليها و ندم على لحضة الي باسها فيها و قلبو زير عليه كي شافها تبكي و اول مرة في حياتو يحس روحو ضعيف قدام طفلة )
شهاب: سمحيلي مايا ولله مافقت لروحي حتا كيفاه بستك
مايا: تبكي ( بالشهقة)
شهاب : قوليلي علاه راكي تبكي نتي درك
مايا: دارتلو بوجها نتاع والو
شهاب راح ليها باه يعنقها و هيا دزاتو بعيد
مايا: متمسنيش متمسنيش قتلك متمسنيش متزيدش تمد يدك عليا فهمت ديجا شكون نتا باه تمسني و تبوسني اه ماك حبيبي ماني حبيبتك انتا المدير نتاعي و انا الخدامة نتاعك ياك
شهاب: نننن حاشاك ماكيش خدامة نتاعي نتي حبيبتي
........... في جيهة أخرى
طبطب
سيف: تفضل
سكريتارة : ميسيو سيف مدام مريم اي لبرة قالت حابة تحكي معاك
سيف: ااا دخليها
مريم: اني جيت علابالي بلي توحشتني ياك
سيف: يرحم باباك مانيش ناقصك احكي واش تسحقي و اخرجي
مريم: توحشتك جيت نسقسي عليك
سيف: يتوحشك الشر يوجه الشر
مريم : مالك تحكي معايا هكا
سيف: حڨا وجدي روحك درك
مريم: اني واجدة في كل وقت عمري علاه وين مديني
سيف: للطبيب
مريم: هههه علاه تشوف فيا مريضة راني لاباس بيا مانيش مريضة
سيف: ننن ماشي ليك للبيبي تاعك
مريم (وجها صفار): اااا وعلاه تهدر هكا ليسمع يقول ولدي انا وحدي و نتا ماكش باباه ديجا اني مريضة شوية ليوم خلي غدوة
سيف: ماشي قلتي ما بيا والو درك وليتي مريضة
مريم (ملقات متقول): نننن اني ديت موعد عند طبيبة وحدوخرة غدوة نشاءلله
سيف: ڨتلك ني غدوة ني غور غدوة تروحي معايا درك و لحكاية تتكشف ليوم بربي قبل غدوة
راني رجعتلكم توحشتوني و لا لا ؟!
زعما واش بيها مايا ولات تبكي كي باسها شهاب و واش رايكم في تصرف شهاب و شخصيتو يشله لخوه و لا لا
و زعما مريم تتكشف و سيف يعرف بلي مريم كذبت عليه و يرجعو هو أروى ؟!
YOU ARE READING
♥تزوجتها من أجل أمي♥(باللهجة الجزائرية)
Romanceممنوع النقل بدون إذن🚫 ➿الزواج بدون حب ، كالإعدام⛔ بدون جريمة....!! (باللهجة الجزائرية)
