♥تزوجتها من أجل أمي♥(باللهجة الجزائرية)

حلقة24#

و هنا نضت عى صوت نبع الحنان تنوض فيا من الكوشمار الي كنت نحلم بيه الحمد لله طلع كوشمار نضت مفجوع (وي أروى مامتتش متخافوش جيست كان كوشمار ولله خفت من تهديدات نتاعكم)
عيشة: سيف واش بيك يا وليدي متخافش هاني معاك
ولله ضحكتني ماما كي قتلي هاني معاك فكرتني في بكري كي كنت صغير و نعود نحلم و نولي نبكي و تقولي هاني معاك
سيف: أروى أروى ويني
عيشة: في دارهم يا ولدي
سيف: لازمني نروح درك ( وناض من الفراش)
عيشة: هبلت راهي ساعتين نتاع ليل شايقولو علينا ناس
سيف: واش يهمني في هدرت الناس و من وقتاش نسمع لكلامهم زيد راني رايح لمرتي باز ماهيش عيب
عيشة: يا ولدي واقيل حكمك حمار ليل وليت تهز و تنفض وحدك
سيف: شوفي ماما مانيش فاضي لتفدليك نتاعك و دوكا اخرجي خليني نبدل قشي
عيشة: تسحت فيا عيناني معليش (خرجت و طرقت الباب) سمحيلي ماما مي ولله ماني نورمال هاذي ليمات زيد حاجة اقوى مني هادي أروى خرجتني من ديني
بدلت قشي و هزيت مفاتحي و هبطت ركبت في لوطو و ديراكسيون لدار أروى

أروى
فرحت بزاف كي جا عمي مراد فريمون حسسني بحنان الأب الي كنت نحلم بيه هاسنين هادي الكل بصراحة هاذي العائلة نحسها عائلتي الي مش من لحمي و دمي مخلاو مايديرولي ولله أنا راني حاشمة منهم بزاف لدرجة متتصورهاش نبقى ندعيلهم ليل و نهارو يا ربي يجي ولو شوي قدام الي داروهولي و مايجي والو قدام خيرهم
و ناس رام ماخذين صورة بالغالط عليا رام يقولو قليلة تربية مخليا دار راجلها و جاية لدار راجل براني ولله عندهم الحق فلي يقولو فيه مي كرامتي و كبريائي متسمحليش نرجع لسيف هو مصدقنيش و مخلانيش ميمپا نشرحلو و تهمني في شرفي زيد فوق من هاذا و الكارثة العضمى إغتصبني عمدا و مش برضايتي هو لعب بيا كيف الكورة بين يديه و طيشني دالي أغلى حاجة عندي زيد بعد 6 شهر نطلقو آه يا سيف خسارتك محطيتكش هكدا ڨاع
.........
بعد ما تعشينا و سهرنا و ڨسرنا و ضحكنا طلع لغرفتي ملقيت ماندير زيد ماهوش مداني نوم كنت حانعيط لسيف بسبة الرقم المجميزكم مي تفكرت بلي صاي ولا يعرف بلي هاداك نيمرو نتاعي اففف يا أروى قداشك بوهالية الراجل عمرو لا سقسا عليك و عمرو ما عيطلك و عمرو ولا جا لهنا باش يترجاك إنك تسامحيه وانتي كل يوم تعيطيلو و تسقسي عليه ههههههه قداشني بوهالية ملقيت بيها وين وليت جبت كتاب و فتحت نقرا في رواية صفحة تجيب جيت نشوف الساعة نلقاها 2:30 اوووو بزاف هكا محطيتهاش ڨاع هكا حست روحي عطشانة هبطت لتحت للكوزينة نشرب و أنا راجعة سمع الباب يطبطب بشوية حرت و في نفس الوقت خفت شكونو هادا المهبول الي باش يجي في وقت كيما هكا... رحت وقفت قدام الباب و قتلو ... شكون؟
سيف: أنا
كي سمعتو إندهشت شمجيبو هادا توا فتحتلو و قتلو
اروى: شاتحب علاه جاي في الوقت المتأخر هادا
سيف: إنتي باش ترجع معايا لدار
اروى: لا ولله مهضوم مشقي روحك من قرن الدنيا في الليل باش نرجع معاك مالا نقلك يا سيد غير خليك في أحلامك مستحيل نزيد نعفس هاديك الدار و زيد أصبر برك لغدوة الصباح دوك تجيك ورقة الطلاق

سيف كي سمع كلمة الطلاق عينيه وساعوو خرجو و لاو حمورا و عروقو ولا يصب معاه ماهوش مصدق الي قاعدة تحكي فيه و زيد ماهوش مسيطر على روحو
سيف: شوفي متقلقيش ربي نهار اليوم باش تجي معايا حبيتي ولا كرهتي و كأنك على طلاق إحلمي نطلقك فهمتي

...........
لبنات بليز ديرو جام و كان ناكمش دايرين جام للحلقات الي فاتو ارجعو و اعملو بليز
في ميزكم اروى باش ترجع مع سيف ولا لا؟