♥تزوجتها من أجل أمي♥(باللهجة الجزائرية)

حلقة32#

أروى:
من بعد ما خرج سيف رحت عاونت خالتي في العشاء...ستنينا سيف مي مجاش قلنا بالك عندو خدمة بزاف كيما كان الحال تعشينا و لمينا الطابلة و غسلنا لمواعن ...طلعت طول لشمبرتي لفوق بعث ميساج لسيف جبدت كتاب و قعدت نقرا فيه مي عقلي مع سيف ماشي من عوايدو يطول هكاك و انا نقرا في الكتاب سمعت نوتيفيكاسيون في الپورتابل من سيف رحت طول نقراها و قالي بلي مانيش جاي عندو خدمة ..امبوسيبل تكون خدمة نهار الجمعة و لدوكا خممت خممت حتى لرقدت

فطنت صباح على 9 غسلت وجهي لبست قشي و هبطت لتحت عند خالتي
أنا: صباح نور
عيشة: صباح نور بنتي كيفاش صبحتي
أنا: لاباس الحمدلله
عيشة: سيف بايت لبرة
أنا: شفتي خالتي أنا مفهمتش واش هاذي الخدمة الي تبقى ساهر عليها لدوكا
عيشة: متخمميش بزاف يا بنتي ماشي مليح و كي يجي دوك تفهمي كلش
أنا: إيه انشاءلله
عيشة: أرواحي افطري بنتي
أنا: إيه بصح وين راه فهد و مريم
عيشة: ييي خرجو من الصباح

رحت فطرت و كيما كل يوم لمينا الطابلة و غسلنا لماعن طلعت لفوق لشمبرتي و خليت خالتي طيب للغداء... حليت الباب و دخلت.... قعدت فوق البونك نخمم في سيف يعني شبيه مجاش لدوكا ..هزيت الپورتابل باش نعيطلو وأنا راح نعيط جاني ميساج من رقم غريب جيت راح ندخل نشوفو و يالتني مدخلتش و يالتني متت قبل نانشوف الميساج مقدرتش نصدق أنو سيف يخوني بعد ماوليت نحبو للمرة ثانية و أنا الي كنت مصدقة الي سيف يحبني و ميقدرش يسمح فيا نعبو الحب هاذا

الميساج من مريم : يا مهبولة راكي قاعدة تخممي في سيف يعني واش يدير واش الخدمة هاذي لدوكا هههههههه أنا باش نريحك و نقلك واش كان يدير سيف البارح شوفي واش الخدمة الي ليكيداك فيجالها (بعثتلها تصاورها مع سيف)

.........
بعد ما شبعت بكاء و نديب ستوعبت بلي سيف ميستحقش حبي ليه يعني هو يضل دايما يعمل لعفايس هادي و عمرو مايستعقل و يولي راجل دايما يزعفني و دايما يعمل المشاكل و دايما نضل نسامحو پاسكو كنت نحبو صح و منقدرش نعيش بلا بيه و تاني أنا إنسانة عفوية و نسامح بالخف ...... المهم لبست بليغتي و رحت للدوش نحرك في رجلي بسيف ....غسلت وجهي و هبطت لتحت حذا خالتي هيا تحكي و أنا نجاوب فيها بالبارد... جستي معاها و مخي في بلاصة أخرى ... وأنا نحكي معاها سمعت الباب تحل

أنا: هذا ميكون غير شهاب و مريم
عيشة: نضنش نضن بلي سيف جاء

و حنا قاعدين حتى يشرف الأفندي جا خزر فيا خزرة غريبة مفهمتش واش يقصد بيها .. راح سلم على أمو و بقات تسقسي فيه على البارح و على أحوال مي سيد ولا علابالو عندو صحت رقعة منقلكمش كيفاه مزال يكذب .... دارلي و قالي

سيف: توحشتك أروى كيراكي ياك متهليين فيك ؟!

(سمعتو واش قال هههه قالك توحشني هههه صدقتو علابالكم )

أروى: (بالبارد): يتوحشك الخير أتهنى هوما قايمين بالواجب و أكثر ....شوف شكون الي مش قايم بالواجب و قاعد يحكي على الواجب هههه .. خالتي أيا نخليك طالعة لشمبرتي

سيف:
دخلت لدار دوب مادخلت للكوزينة خزرت طول في أروى شحال توحشتها مي ولله حشمان منها بزاف نقدرش حتا نخزر في وجها حشمت ولله غير حشمت .. رحت سلمت على ماما و درت نسقسي على أروى مي الإجابة نتاحا مفهمتهاش مفهمتش واش تقصد بكلامها.. هيا طلعت لشمبرتها...وأنا  درت لماما و خزرتلها خزرة نتاع إستفسار

عيشة: متاخوش عليها يا وليدي البارح ليل كامل و هيا ساهرة تستنى فيك تلقاها ماخيا في خاطرها منك
سيف: آني طالع نشوفها

........
دخلت لقيتها قاعدة فوق سرير مربعة رجليها و قاعدة تقرأ في رواية طلعت راسها شافتني بالخف و رجعت تخزر في الكتاب ... قعدت نخزرلها صافي شحال ملقيتش واش نقولها لكلام نتاع ربي كامل تلفلي حشمان منها برغم إني وللله ندمان من الليلة نتاع البارح ياليتها رجلي تقصت قبل مانروح زيد المشكلة إني مامتفكر والو ......قطعت تخمامي بصوتها

أروى: ياخي باش تبقى تخزرلي هكا
سيف: شبيك أروى بنتيلي ماكش صفا
اروى: أنا صف و نتا صفا؟
سيف: إيه اللحمد لله
أروى: باينة تكون صفا و نتا مبلبزها
سيف: يزينا من لغة الألغاز و قوليلي شبيك
أروى: ههههه هيه كيفاش كانت الخدمة نتاع البارح الي قعدت حتا لصباح
سيف: أروى أنا مانيش حاب نكذب عليك في حتا حاجة و حاب نصارحك في حاجة مي خايف لكان نحكيلك تجرالك حاجة
أروى: هههههههه إيمالا قلتلي حاب تقلي حاجة اممم زعما واش راح تقولي ولا تحب نعاونك باش تقولي
سيف: كيفاه
أروى: ( جبدت الپورتابل و وراتلو الصور نتاعو مع مريم ): ههه تحب تحكيلي على هادي مش هكا آآآ اصبر  اصبر هاذي مش طبيبة نتاع هاذيك نهار الي شفتها وجهك راح الوان و جا ألوان هههه ياك هيا ماهيش غالطة

سيف: أروى خليني نفسرلك تعيش
أروى: متفسرلي منفسرلك شفت كلش بعينيا

سيف: علاه علاه خليني نحكيلك وعلاش راكي تعاملي فيا بالبارد و ترمي فيا في الثقيل و وعلاه راكي قاعدة تضحكي من هاذ السوجي أروى انا راني حافضك و قاريك نعرف قلبك محروق و متحبيش متبيني للناس ضعفك مي هكا تقتليني بسكاتك عيشك قول حاجة أضربني أقتلني صرخ عليا متقتليش روحك و تخبي كلش في قلبك فدي غشك فيا علاه راكي تعذبي فيا هكا علاش علاش

أروى: Parce que je mon fou حياتك و نتا حر فيها متنساش حاجة بلي مزال لينا 6 شهر و نطلقو للوقت هاداك نكون أنا ديجا ولدت سما دوكا كل واحد حر في حياتو كيما أنا نقدر نعيش حياتي شخصية و العاطفية بعد الطلاق سما إنتا تاني يعني نضن أنتا معملتش حاجة غالطة بلعكس حنا متزوجين غير على الأوراق و من حقك تعمل هكا و تقدر كي نطلقو إتزوج مريم هادي و عيش معاها حياتك كاملة و أنا تاني نقدر نعيش حياتي إيمالا كامل تعيشو حياتكم و تزهو كيما حبيتو غير أنا حلال عليكم و حرام عليكم

سيف: واش راكي تخلطي لهاذي درجة وليتي تكرهيني و معولة تعاودي حياتك
أروى: نضن سمعت كامل بعينيك ولا نقولك بوذنيك يعني ملازمليش نعاودلك و لوكان تحب نعاودلك نورمال مكانش مشكل نعاودلك پاسكو لعباد الي زيك يحقلهم عام باش يفهمو و ياذنوبي!!!!!!

سيف: إيه صاي بلعي عليا فمك تحليتي بزاف ماشي  معناها ساكت عليك تخري فيها نحب نقولك حاجة وحدة برك أنا مدرت والو لمريم كنت فقد الوعي و ماني متفكر حاجة ولا نقولك كيما تقولي نتي وعلاه راني نشرحلك دوكا إنتي ميهمكش فيا و أنا نبقى نجري وراك كي الكلب يعجلك لا فهمتي و كانك على الطلاق تحبي من غدوة نطلقك نورمال

...........
1: لبنات واش رايكم في تصرف أروى و سيف ؟!