♥تزوجتها من أجل أمي♥(باللهجة الجزائرية)

حلقة27#

النهار جديد:
ناضت أروى صباح على صوت الحس   هبطت التحت تشوف واش كاين ..... لقاتهم كامل في صالون (مراد و حكيمة و فهد و سيف و عيشة و شهاب....) وقفت في دروج تسمع واش كاين پاسكو سمعتهم يهدرو عليها محبتش تدخل

حكيمة: اسمع سيف هاذي الهدرة متخصكش تخص أروى فمن المستحسن متدخلش
سيف: مدام تخص أروى تخصني أنا تاني
حكيمة: بيني و بين بنتي إنتا لا مدخلك بيناتنا

أروى سمعت مفهمت والو بقيلا تقلو تخص أروى و درك تقلو بيني و بين بنتي راسها ولا يوجع فيها مستوعبتش واش تحكي هاذي

سيف: سڨمي هدرتك و أعرفي مع من  راكي تهدري و دوك إسمحيلنا لبرة
حكيمة: أنا ماجيتش لهوني باش نسمع هدرتك الفارغة جيست جيت باش نقول لأروى لحقيقة حبيت أروى تعرف لحقيقة اليوم حبيتها تعرف بلي حنا عائللتها الحقيقية ..........
أروى سمعتها واش قالت دموعها هبطو بلا ما تحس حست بدوخة حاكمتها قعدت في دروج ولا تبكي بشهقة
أروى: وا........شنو ( هيا قالت هكا و هوما دارولها كامل راحولها كامل يجريو)
أروى: هههههههه أهئ اهئ اهء مستحيل ( تبكي و تضحك ملا مڨربعة)
حكيمة: بنتي خليني نفسرلك
أروى:(بالعياط): أسكتتتتت ماتفسرلي شي ( قوت في صوتها): إش عندك تفسرلي كلشي سمعتو بوذني مانيش بوهالية راو
مراد: بنتي راك فاهمة الموضوع بالغالط راو

أروى:( بالعياط): متقليش بنتي مانيش بنتكم راو..... هههه واش هو الموضوع الي فاهمتو بالغالط يا عمي آه تحب تقولي بلي أنا و هاذي( تشير بصبعها لحكيمة) : غلطنا و جبناك غلطة بطريقة غير شرعية و رميتوني عند مرا الي طول حياتي عيشتني مذلولة و أنا الي طول عمري الي كنت محسيا بلي الحياة الي كنت عايشتها سعيدة  لكبرت  وين فهمت واش معناها كلمة عائلة

( مراد و حكيمة و سيف و فهد و عيشة...... بقاو مشرعين فامهم ماهمش مأمنين واش قاعدة تحكي و كيفاش قدرت تكذب عليها يامنة بسهولة)
حكيمة: يا بنتي خليني نفسرلك راو الموضوع مش كيما محتيطو
أروى: ماتفسرلي ما نفسرلك
سيف: أروى راك فاهمتها بالغالط خليها تفسرلك مراح تخسر والو
أروى: ههه نتا تاني معاهم و أنا الي قلت هههه قداشني بوهالية خدعتوني كامل و ننتا فهد نتا تاني كنت علابالك نن
فهد: سكت و هبط راسو
أروى: كنت علابالك آه
أروى: نتا اوسي سيف كنت علابالك و نتي ماما عيشة كنتو علابالكم كامل غير انا آخر من يعلم

حكيمة: شوفي أروى ما تقاطعينيش.....  أول حاجة هاذي الي رباتك كذبت عليك و منعرفش واش الهدف نتاحها كي كذبتلك

تاني حاجة أنا و مراد كي جبناك ديجا كان عندنا سفيان و فهد و مايا يعني لوكان تخدمي مخك تفهمي يعني كيفاش باش نجيبوك بطريقة غير شرعية و حنا معرسين و عندنا ولاد و شوفي  أروى باش نحكيلك الحكاية من الأول.... كي ولدتك ولادتي بيك كانت صعيبة و بسيف باش خرجت و دوب ما خرجت من كرسي أنا طول دخت ... من باعد فقت لقيت روحي في غرفة خلاف سقسيت واحد الممرضة عليك قالتلي بلي بنتك ماتت ساقسيتها كيفاش ماتت قاتلي النفس نتاحها كان صعيب ...... أنا صدقتها و قعدت عوام و شهور منرقدش ...... هاديك النهار سمعت الباب يدق رحت فتحت لقيت مرا منعرفهاش مي بانلي وجها مألوف
Flach back
حكيمة: تفضل شتحب
المراة: معرفتنيش
حكيمة: ننن معرفتكش شكونك
المراة: تتفكر كي سقسيتني على بنتك و قتلك بلي ماتت
حكيمة ( بلهثة): اي اي نتذكر علاش
المراة: بنتك مزالت حية ما متتش
حكيمة: كيفاش سنين هاذي كامل تكذبو عليا ( معرفتش كيفاش نجاوبها): وين نلقاها
المراة: الصراحة أنا منعرفش نعرف الميتم الي تربت فيه روحي قليلهم پاسكو كاين وحدة تبناتها
حكيمة: معندكش صورتها  نتاع درك
المراة: أي عندي تفضل
Back to present

حكيمة: صدقيني يا أروى لوجت عليك و رحت حتا للميتم و كنت متفائلة و فرحانة بلي باش نلقاك لاكن يا فرحة ماتمت قالولي بلي مكانش و مندروش وين ...... هاذيك المرة كي كنت نحكي مع فهد وقالي بلي عجباتو طفلة مي طلعت متزوجة ( فضحاتو مسكين) و قالي شوفي يا ماما كي شابة أنا تما كي شفت التصويرة لقيتك نفس الطفلة الي ورتهالي المرا .... هههه حب أختو
أروى قعدت تخزر فيها و عينيها مرغرغين بادموع ملقات متقولها
حكيمة: و دوكا ماعندك متقوليلي بعد ماعرفتي الحقيقة و لا باش تبقي حاقدة عليينا و حنا معندنا حتى ذنب
أروى: ( راحت تجري عنقتها و تهدر و هيا تبكي) اسمحيلي ولله ماكنت علابالي وللله ما كنت علابالي اسمحيلي

سيف: ( بالعياط): أروووووووووووووووى
دارولو كامل ماهمش فاهمين
سيف: أروى شوفي رجليك فيها دم
أروى:( تبكي): لالا سيف سيف باش يموت يا سيف ( وداخت) راحو كامل يجرو ليها ماهمش فاهمين واش قاعدة تحكي راح سيف رفدها و حطها في طونوبيل و قاعد يبكي أي سيف يبكي معأنو مافاهم والو و قاعد يبكي لا تصرالها حاجة
.......................

في السبيطار قاعدين يستنو في الطبيب يخرج... بعد دقائق خرج راخو كامل ليه
سيف: دكتور واش بيها أروى
الطبيب: الحمدلله جبتوها في الوقت  كنتو قادر تخسرو الصغير
سيف: الحمدلله ( من بعد فاق واش قال الطبيب): أه شقلت واش معناها كنتو قادر تخسرو الصغير
الطبيب: ياخي مافيبالكش المدام حبلة وديجا في شهر الأول و نتا مافيبالكش
سيف فرح من كثرة الفرحة قريب باس الطبيب
سيف: يامي يا خي سمعت شقال  ولا أنا نحلم
عيشة: هههه ماكش تحلم يا وليدي عن قريب باش يجيك وليد صغير
فهد: الحمدلله باش نولي خال
سيف: اسكت إنتا مازال حسابي معاك
فهد: لواش
سيف: مسمعتش حكيمة بقيلة واش قالت فضحاتك تتغزل في مرتي عيناني
الكل: ههههههه
سيف: دكتور نجم ندخل
طبيب: إنتي برك 
.............
سيف:( طل على أروى من الباب) : نجم ندخل
أروى: أي تنجم
دخل و راح قعد بحذاها
سيف: أروى علاش مقلتيلش
اروى: على واه؟
سيف: بلي نتي حبلة
أروى: ( حمارت): حشمت
سيف: ههههه يا عمري على الحشامة نتاعي صحا قليلي على واش حشمتني هاذي مافيهاش حشمة يا عمري
أروى: أنا خفت كان ننقلك ... والو
سيف: علاه سكتي .علابالك بلي أحسن هدية جاتني في حياتي
أروى: واش هيا
سيف: هههه البيبي يا عمري شحال نحب البيبيات
أروى: ( غارت خسباتو باش يقلها انتي ياخي قلها البيبي) امممم و خرجت لسانها و دارت شنوفة ..... أنا مانيش حابة نجيب ولاد
سيف: علاه أه علاه
أروى: لواه نجيب فيه و أنا باش نطلق عن قريب
سيف: ربك نتي لازم تفسديلي نهاري ماو قتلك مبقيتيش تحكي على الطلاق و الطفل باش تجيبيه حبيتي ولا كرهتي ديجا ماهوش ولادك وحدك يا لالة