♥تزوجتها من أجل أمي♥(باللهجة الجزائرية)

حلقة29#

سيف: أنطق شبيك ساكتة متفجعيناش وجهك ميبشرش بالخير
طبيبة: هههه مبروك مدام أروى و ميسيو سيف عندم توأم
أروى: واششششش تحكي برسمي
سيف: (تنهد): آه لحمدلله كي شفت وجهك بقيلا قلت بالاك كشما صار للبيبي
الطبيبة: ههههه وماكمش حايبين تعرفو جنس البيبيات
أروى&سيف: حابين
الطبيبة: طفلة و طفل مبروك
سيف: يعيشك
خرجو من عند الطبيبة و الفرحة تبان من عينيهم ماهمش مصدقين بلي باش يجيوهم توأم
.............
في الطوموبيل
سيف: منقدرش نوصفلك قداش فرحان راك باش تجيب طفلة و طفل فرد مرة
أروى: أنا تاني فرحانة مي
سيف: واش تاني
أروى: سيف كي نطلقو (قاطعها)
سيف: اشش متكمليش إنتي حابة ترطقيلي عروقي واقيل واش قلتلك المرة الي فاتت متزيديش تجبدي على طلاق En permanence فهمتي ولا نعاود
أروى: فهمت
سيف: المرة جاية نسمعك تجبدي على طلاق متفراش
وصلو ڨارا التاكسي و دخلو وراحو طول للصالون باه يبشروهم
سيف: سلام عليكم
عيشة: آ مرحبا من بقيل و إنا نستنى فيكم خبروني عرفتو واش الجنس البيبي
سيف& أروى: دلرولهم براسهم إيه
عيشة: هيه واش واش طلع
سيف&أروى: طفلة و طفل
عيشة: أه شوالا متقولوليش توأم ( هوما يقولولها طفلة و طفل و هيا تقلهم متقولوليش توأم مڨربعة)
سيف: إيه
عيشة: يا ربي يوصل ياسالم إنشاءلله
سيف&أروى: انشاءلله
سيف: نخليكم عندي خدمة
أروى: طاطا أنا طالعة لبيتي كاشما سحقيتي ناديلي برك
عيشة: على راحتك بنتي

............
في مكتب سيف
طبطب
سيف: ادخل
سكريتارة: ميسيو كاينة وحدة حابة تشوفك Urgent
سيف: شكون
سكريتارة: مقالتليش
سيف: دخليها
...............
الطبيبة: Surprise
سيف: إنتي واش جابك لهنا
الطبيبة: واش نسيتني سيف أنا مريم حبيبتك ( لكان تتذكروها حكيت عليها في الأول نتاع الكورنيك)
سيف: شوفي أنا مانعرف ني مريم ني والو ودوكا اسمحيلي برا
مريم: هههه صدقتك علابالك مي واقيلا ناسي بلي راك قاعد تلعب مع مريم en personne راني حافضتك و قارياتك impossible تكون نسيتني هههه نتي من عينيك باين منسيتنيش

سيف: هههههههههههههههه ضحكتيني علابالك بعد هاسنين هاذي لكل جاية تقوليلي في هاذ لكلام و دوكا اسمحيلي برا مرانيش فارغ شغل كيعباد
مريم: ههه خارجة متخافش مي قبل منروح حبيت نقلك عندي ليك surprise في طريق و مع الوقت دوك تعرفها و دوك تشاو بيبي (خرجت) لحقها و قلها
سيف: معندك ما تعملي يالالة ( رجع لبيروه ولا يضرب و يطيح لحوايج پاسكو يعرفها خبيثة و تقدر دير أي حاجة)

..............

كانت قاعدة تقرأ في كتاب حتا صونالها تليفونها

أروى: ميوش صفا كيراكي
مايا:(تبكي): أروى
أروى: أه مايا وعلاه راكي تبكي حبيبتي
مايا: منقدرش نهدر في تيليفون
أروى: مايا ختيتو متخزفنيش عليك كشما صاري
مايا: أهئ اهئ
أروى: ششش شوفي أنا منقدرش نجيك پاسسكو ولله تعبانة إذا تقدري أرواحيلي نتي
مايا: منحبش نقلقك بالاك راجلك و حماتك ميبغوش
أروى: استغفر الله أرواحي ويقتا حبيبتي ديجا مايقولو والو
مايا: باهي هيا باي مالا

.............
طبطبطب
عيشة: شهاب وليدي أفتح الباب ولله راني مشغولة
شهاب: الصبر و برا
راح فتح الباب لقا مايا قاعدة تبكي

شهاب: يا شوف شكون جانا القمر بحد ذاته
مايا: تعرفني!!!!شكون نتا منعرفكش
شهاب: إنتي مايا أخت أروى ياك
مايا: إيه ونتا سيف نن!!!!
شهاب: هههه ننن خوه
مايا: إيه مليح بعد من طريقي( توشاتو بصبعها ودخلت)
شهاب: آيييي مالكي آلالة زادمة هادي مهياش دار باباك ( ولات تبكي مي ماهيش من هدرتو پاسكو ماهيش عاملة حساب لهدرتو ڨاع)
شهاب (غضاتو): آييي شششش إسمحيلي مانيش بالعاني
مايا:(تبكي): أنا تاني اسمحلي كي توشيتك مي نتا معندك علاه تطلب سماح جيست تفكرت حاجة..... معليش تديني لأروى
شهاب: هيا معايا (وصلو قدام الباب): معليش نسقسيك
مايا: واش
شهاب: على واش راكي تبكي پاز حاجة ڨراف پاسكو أنا معلم في هاذي الحاجات و حسب الشوفة Par exemple فراق واحد عزيز عليك
مايا: مدخلكش و كي عدت فاهم و لاعبها معلم وعلاش تسأل و دوكا بعد خلي ندخل( بعداتو ودخلت و خلاتو حاير)

.........
أروى: ميوش خلعتيني في پورتابل أرواحي احكيلي شبيها أختي الغالية و شكونةالي يتجرأ يبكي ملائكة

مايا:( طرشقت بالبكاء راحت عنقتها):أروى راح و خلاني تزوج و خلاني تزوج و خلاني نقاسي وحدي طول هاذ السنين و هو يكذب عليا
أروى: شكون هاذا الي خلاك ؟؟!!!
مايا: رياض كنت نخرج معاه 10سنين و البارح كي عيتطلو قالي مبقيتيش تعيطيلي و أنسايني راني تزوجت علابالك خدعني يا أروى خدعني وأنا كنت نحبو أكثر من روحي أهئ اهئ

(عنقتها أروى و قعدت تضرب فيها على ضهرها): همالكي أختي شوفي أنا راني حاسة بوجعك مي نتي دوكا علاه راكي تبكي هوا دوكا راهو فرحان مع مرتو و نتيا البغلة قاعدة تبكي عليه و تنشفي في دموعك الي ميستحقهمش علاجالو ياو أفطني على روحك ياو تلافو يجيب خلافو و دوكا
مايا: إيه صح مرسي أروى ولله كي حكيت معاك رجعتلي شوية الروح و دوكا نخليك باي
أروى: ههه باي سلميلي على ماما و و بابا و فهد و سفيان وقت ماحتاجيتيني أرواحي
مايا: يوصل ( وخرجت ....هيا خرجت وشهاب دخل )

...........
أروى: اوووو شهاب فجعتني زادم كالإرهاب
شهاب: اممم ... اس شبيها اختك تبكي
أروى: ههه ونتا وعلاه تحوس
شهاب: ماشي وقت جياحتك هيا قولي
أروى: اممم تحب تعرف علاه أروى قاعدة تبكي أو بالأحرر شكون الي بكاها
شهاب: إيه إيه إحكي نسمع فيك
أروى: هههههههه تحلم
شهاب: أروى هيا احكي
أروى: اوكي.....حكاتلو
شهاب: اوووو خسارة
أروى: علاه خسارة....... متقليش شهاب يعيش خويا طفلة مزال جرحها جديد و هيا ديجا أيست
شهاب: متخافيش أنا مانيش لدرجة هاديك ولله يا أروى من شفتها عجبتني هيه الكل تعرفو ماضيا و تعرفوني دسار بزاف و نلعب بالبنات بزاف مي ولله المرة هاذي ناوي لحلال و كانك هلى جرحها نداويه عادي
أروى: انشاءلله à ce point حبيتها من أول نضرة