♥تزوجتها من أجل أمي♥(باللهجة الجزائرية)

حلقة34#

مريم ( تبكي بتقوعير): سيف سيف راني حاصلة في مشكلة كبيرة و تخربت علينا في زوج
سيف: و أنا واش دخلني في مشاكل
مريم: دخلك إيه دخلك متقوليش  نسيت ليلة نتاع هاديك المرة
سيف: دارلها لالا بوجهو
مريم: إيمالا خلاص تحمل المسؤولية
سيف: مسؤولية واش؟
مريم: أنا حامل منك
سيف: ( مدهوش): كيفاه واش قاعدة تقولي نتي مهبولة في مخك و لا واش
مريم: إيه انا حامل منك متنكرش
سيف: لازم نروحو لطبيب
مريم: أه كيفاه ياخي ماكش مصدقني
سيف: إيه مانيش مصدقك و زيد واش يضمنلي بلي هاداك ولدي لازم ندير فحص DNA ولا نقلك وعلاه نصعبو فيها وهيا ساهلة انتي لازم طيحي الصغير
مريم: كيفاش منقدرش پاسكو قالي طبيب لكان طيحيه مبقيتيش تحملي طول حياتك زيد علاه تعمل هكا هدا ولدك حرام عليك ديرلو هكا
سيف: كيما قتلك لعشية نعدي عليك نروحو لطبيب
مريم: تعيش راعي ضروفي ولو مرة في حياتي وللله منقدر نروح اليوم ولله راني عيانة بزاف
سيف: اوكي

مريم:
سلام لبنات هل من ترحيب المهم ندخلو في الموضوع طول كيما قلتلكم بعد ما بعثت ليفوطو الأروى قعدت نخمم يعني كيفاه نفوت الفكرة ثانية ... كيما كان الحال بعد أيام رحت للبيرو نتاع سيف ملقيتوش دخلت و قعدت نستنا فيه و متحمسة لردة فعلو .. وكيما تعرفو كذبت عليه بلي انا حامب منو مي هو قالي مانيش مصدقك و لازم ندير فحص DNA لعشية .. بديت نتمسكن عليه كشغل مريضة و منقدرش نروح معاه لعشية غير باه نفرز الأمور مليح و فالخر قبل قلتلكم أنا واحد مايقدر يغلبني في المواضيع الي كيما هاذي

سيف
دخلت للبيرو لقيت وحدة قاعدة و مقابلتني بالضهر ..... دارت وعرفتها مولات المشاكل كنت تعبان و راسي مدڨدڨ مانيش قادر حتى نسمع للخرطي نتاحها هيا تهدر و أنا نطيش فيها في الثقيل مي سمعتها كي قالت أنا حامل منك ... في لحضة تفكرت أروى حسيت تڨولشي رماو عليا سطل نتاع ماء بارد... قلتلها لازم نديرو الفحص كيما علابالكم بلاما نعاود الهدرة قاتلي خلي غدوة المهم هيا خرجت تضحك وأنا قعدت فوق البيرو نبكي ... جيت راح نشوف ساعة لقيتها 20:00 .. هزيت مفتاحي و رحت للبحر قعدت قدامو و كيما العادة و العوايد قعدت نشكيلو حتى سمعت البورتابل يصوني جيت نشوف لقيتها ماما

سيف: ألو
عيشة: ارواح لدار عندي هدرة معاك مضابيك نص ساعة تكون لهنا

انا جيت راح نريبوندي عليها حتى كوپات عليا يعني واش تسحق فيا و واش هاذ الموضوع الي يستحق تتغشش مني هكا .. ...ركبت في الوطو و رحت ديراكسيو للدار ... دخلت نلقا مريم أختي و أروى و ماما و شهاب كامل قاعدين في الصالون

سيف: واش ثاني كشما جرا
عيشة: (راحت ليه): و مصح عليك الوجه قاعد تسقسي فيا واش جرا زايد الي فيه تڨى عمرو ما تتڨى
سيف: قولي واش درت تاني و معلاباليش (مزال مكملش هدرتو و تعطيه كف ثلاثي الأبعاد قعد حاط يدو على وجهو و داير لجيهة لوخرة لبنات تخيلو لمشهد فيلم هندي )
شهاب: (راح حكم سيف على يدو و يهدر مع امو): علاه !!علاه ضربتيه كبير و يعرف صلاحو
عيشة: لكان جا يعرف صلاحو راو مخدعش مرتو مع الي خدعاتو بكري و رجع يجريلها كالكلب

سيف( بالعياط و دمعة في عينيه): ضربتيني!!!! ضربتيني أنا !! قتلك ضربتتتتتتني ولا أنا نحلم ( وقعد يضرب في روحو فالكفوف كشما يفيش من الحلم الي فيه)
شهاب: يعيش خويا مديرش هكا في روحك

عيشة: ( غاضتها عمرها كي ضربت سيف هاذي اول مرة تضربو في حياتو زيد غاضها اكثر كي قالها ضربتيني و لا يضرب في روحو ياليتها تقصت ايديها قبل ما تضربو): اخرج عليا مانيش حايب نشوفك لهنا

سيف: واش!! تسحتي فيا؟!
عيشة: قتلك براااااااا
شهاب: يا يما يهديك ربي ....... اروى  عيش اختي تكلم قول حاجة
أروى: واش عندي نقول ... والو

سيف: إيمالا هكا .... هاهو وجهي لكان مزلتو تشوفوه هنا و هاني رايح و مخليهالك واسعة وعريضة ياك !!!! واش قالت فيها لالة أروى
أروى: ( دارتلو بيديها باي)
سيف: اشفاي عليها يجي نهار و تبان الحقيقة مي نهار هاداك نكونو ديجا طلقنا و فات الفوت ... نخليكم اتهلاو