♥تزوجتها من أجل أمي♥(باللهجة الجزائرية)

حلقة37#

شهاب:
أنا كذبت عليهم و قلتلهم بلي مريم مسافرة مع سيف غير على اروى باه تفد مي بلنتلي مارارت حتى غولاسيون ... هزيت روحي و رحت لبيتها أنا راح نحل لباب و سمعتها تهدر مع أختها و تبكي و تشكيلها من سيف ههههه وليت رجعت لتالي و دخلت لغرفتي و عيطت لسيف

سيف: ازرب اهدر واش عندك عندي اجتماع
شهاب: واش بيك خو تهدر معايا هكا
سيف: قتلك عندي اجتماع متفهمش
شهاب: اوكي ايا باي
سيف: شبيك شهاب ليسمع يقولو مزلت بيبي تنغرت من حاجات تافهه
شهاب: روح روح الجماعة رام يستناو فيك ( و كوپا عليه)

سيف
كنت قاعد في الإجتماع حتى عيطلي شهاب هدرت معاه عادي مي هو نغر و كوپا عليا ياخي حالة دخلت كملت الإجتماع جمعت الوراقي و هزيتهم معايا و رحت لبيرو نتاعي ... قعدت فوق الكرسي انا راح نبدا نخدم و الپورتابل صونا جيت نشوف شكون لقيتها مريم .. اووووو هاذي تاني ماشي وقتها طول و نسيتها خلاه

سيف: واش!!
مريم: حبيبي توحشت شبيك مجيتش طل عليا ياخي
سيف: شوفي ما زلتي تقوليلي حبيبي نقطعلك داك لسان و نرميه للكلاب ياكلوه فهمتي
مريم: شبيك تحكي معايا هكا ياخي
سيف: معيتطلي باه تحاسبيني ولا واش
مريم: علاه ما جيتش اكا نهار ياك تفاهمنا نروحو لطبيب مع بعض
سيف: روحي وحدك مانيش فارغ شغل للحكايات التافهة
مريم: التافهة!!! هاذي حكاية تافهة دوكا هذا ولدك ولدك يا سيد .....الو الو ..... يا وللله غير كوپا عليا الحلوف

بعد اسبوع ( لبنات رايحة نسرع في الأحداث باه منطولش ليپارت و نكملوها الليمات هاذي ... في هاذ الأسبوع تبدلت بزاف حوايج شهاب رجع لألمانيا و رجع لخدمتو الي كان مهملها ... اروى و عيشة تاني راحو لألمانيا و دوكا راهم قاعدين في دار نتاع بيت أروى من غير علم سيف و شهاب بلي راهم في ألمانيا و قي نفس الولاية وتاني حاجة باه مننساش في هاذ الپارتيات رايحة نركز على شهاب و مايا أكثر )

..............

طبطب معليش ندخل
أروى: ادخلي مايا ماشي لازم تشاوريني
مايا: واش قاعدة ديري
أروى: قاعدة نشطح ههه ماشي تشوفي فيا قاعدة نقرأ
مايا: امممم قاصدي واش قاعدة تقري كيفاه تقدري تقري الخرطي هاذا
أروى: ههه ساهلة نفتح الكتاب و نبدا نقرى عادي
مايا: هههه اي حڨة كاين واحد نيميرو دايمن عيطلي و يبقى ساكت
أروى: قداه في لخر يالك نعرفو
مايا: 98 تعرفيه!؟؟!
اروى: هههههههههههه
مايا: شبيكي تضحكي سير تعرفيه نن
اروى: ننن شكون قلك نعرفو ضحكت برك
مايا: اوكي
أروى: هيه واش درتي في حكاية الخدمة
مايا: ولله يا أروى لوجت لوجت ملقيتش
أروى: واش رايك غدوة نخرجو نعملو شوپينغ
مايا: داكور دوكا نخليك بونوي باه غدوة نوضو بكري

شهاب:
كنت راقد في أمان اللله حتى يجيني طاس تاع ماء بارد للوجه نضت مخلوع
شهاب: واش بيه ربك نتا؟!
سيف: لدوكا يا سي لمعلم راهي 8 نتاع صباح راح الحال
شهاب: اووو و درك وين تنوضني عندي مقابلة اليوم مع الموضفين الي جايين يخدمو عندي
سيف: كيفاه مفهمتش؟!
شهاب: حايب نجيب سكريتارة جديدة
سيف: ولي عندك واش بيها ؟!
شهاب: ماشي شابة جاية شوية مزعوقة حايب نجيب وحدة قنبلة
سيف: زايد إنتا واقيل ماشي رايح تستعقل مازلت تلعب ببنات الناس
شهاب: ههه إنتا هو سيف الي نعرفو ولا خاطي؟!

............

بعد ما كملت الهدرة مع سيف نضت دخلت لدوش دوشت خرجت لبست قشي و عدلت روحي و خرجت رحت لشاريكا.... دخلت قعدت فوق الكرسي و بداو يدخلو بل واحد مي دوماج طفبة ما تصلح كلهم مزعوقين و باينين من وجوهم ماشي مربيين درت بل كرسي لتالي و قعدت نشوف في الطاقة

طبطب
......: ميسيو كاينة وحدة حايبة تشوفك
شهاب: شكون
....: قالت شافت الإعلان الي درتو و حايبة تخدم
شهاب: اوكي دخليها

لمرة هاذي صح كرهت الي تجي باش تخدم متعجبنيش و هاذي لمرة رايح نخدم برك قلتلها تدخل و درت للطاقة پاسكو مانيش حايب نشوفها باينة مزعوقة كيما لوخرين علابيها منشوفش وجها خير

طبطب
شهاب: ادخل
.....: سلام عليكم
شهاب: قداه عمرك ؟!
....: واشنو ؟!
شهاب: متزوجة ولا لا
....: شوف يا واش سماك ربي انا جاية لهنا باش نخدم ولا جاية لهنا باه تزوجوني ولا كيفاه

أنا هنا كي قاتلي هكا جنون لأزرق دار بيا واش خاسبة روحا باه تهدر معايا هكا درت وقلتلها

شهاب: شوفي نتي هاذي قوانين الخدمة لا أكثر ولا أقل فهمتي ..... أه إنتي واش ديري لهنا  ؟!
.....: إنتا؟! الي واش دير لهنا
شهاب : هههههه أنا المدير لهنا
.....: واشنو؟!