♥تزوجتها من أجل أمي♥(باللهجة الجزائرية)

حلقة35#

وين راكي هاربة يا الهرابة خبطي جام قبل ما تقراي♥

سيف: اشفاي عليها يجي نهار و تبان الحقيقة مي نهار هاداك نكونو ديجا طلقنا و فات الفوت ... نخليكم اتهلاو

سيف
بعد ما سحتتني يما هزيت روحي و رحت للأوتيل .... دخلت قعدت فوق البونك و جبدت التيليفون و عيطت لواحد من الخدم تاعي و قتلو يشوفلي أول طيارة رايحة غدوة لألمانيا پاسكو ولله ماني قادر نروح في طيارة خاصة و كيما كان الحال قالي بلي اول طيارة رايحة غدوة على 5 نتاع الصباح .... كوبيت التيليفون و تسطحت على السرير كشما حتى نرقد شويا مي مقدرتش نرقد بقيت ندور في الفراش والو مبغاش يجيني الرقاد

أروى

بعد ما خرج سيف من الدار طلعت لشمبرتي و لا مبالات پاسكو المرة هاذي قلبي برد و يستاهل أكثر من هكا محسوب الي عملو فيا شوية ...غدرني و حڨرني و حرقني و خدعني و خاني و من الفوق كذب عليا .... أنا قعدت فوق السرير و الپورتايل صونا جيت نشوف شكون لقيتها مايا هزيت عليها

أروى: ألو ختيتو
مايا: أهلا أروى كيراكي
أروى: الحمدلله سوال عليك
مايا: لاباس الحمدلله المهم حبيت نخبرك بلي غدوة راح نرجعو لألمانيا
أروى: واشنو و دوكا وين تقولي علاه مقلتيليش البارح راني جيت قعدت معاكم و طيرت منكم الوحشة ولو شوية
مايا: محبيناش نتعبوك
أروى: واش هاذي الهدرة تعبكم راحة زيد من وقتاش تحكو هكا مشي حنا عائلة
مايا: اروى نحنا ولله خممنا فيك و في صغارك برك متفهميناش بناقص عيش اختي
أروى: اوكي معليش طريق سلامة مالا ( وكوپات)

وأنا البهلولة الي قاعدة نخمم فيهم و نقول عندي عائلة قياو ولله ڨاع كيف كيف ريح ليهم كامل مانيش محتاجة لحتا واحد الحمد للله

سيف

نضت  على 3:30 ...دخلت لدوش دوشت و لبست قشي حضرت الفيزا و الپاسپور ... حكمت الپورتايل قلت خليني نعيط لشهاب يوصلني للمطار و من بعد تفكرت بلي شهاب في الوقت هاذا يكون راقد برا عاد إش باش يقومو توا زيد هو نومو تقيل و ماينوض بسطل ماء كيما كان الحال أنا عيطت منا و هو هز عليا منا معجزة

شهاب: واش تسحق
سيف: نعرف ناس تقول صباح الخير مشي زادمة واش تسحق
شهاب: و أنا نعرف الناس على الربعة نتاع صباح تقول بونوي ماشي صباح الخير
سيف: أيا قوم وصلني للمطار بلا تبوهليلك الماسط
شهاب: شنوا!!! لوين عندك تمشي؟
سيف: لألمانيا .. باش توصلني ولا لا طيارة عدها تقلع راو
شهاب: خمس دقايق نكون عندك
سيف: وين تكون عندي؟!
شهاب: نجي ليك
سيف: وأنا وين باه تجي ليا
شهاب: ههه اي بلحق ولله نسيت مسقسيتكش إنتي وين ؟!
سيف: ملا مڨربع ... في*****

بعد ربع ساعة جا شهاب رحبت بيه  عليه ركبت معاه في تاكسي قعدنا نحكيو شويا .. حتا وصلنا للمطار مزال نص ساعة و تقلع الطيارة .. سلمت على شهاب و وصيتو على برشا حوايج وصيتو ثاني على أروى مهما يكون تبقى مرتي و قريبا ام لأولادي

سيف : منزيدش نوصيك أتهلا
شهاب: متخافش عليها راهي في عنيا في الحفض و الأمان
سيف : ( ڨحرلو)
شهاب: ههه تخافش راهي كيما أختي
سيف: رد بالك هكا و لا هك
شهاب: هههه هيا أتهلا طيارة باش تروح راو
سيف: ههه تنساش سمانة الجاية الحقني
شهاب: باينة هاذي بلاما توصي

هلاو لبنات هاني رجعت نشاءلله نولي كل يوم نحط ليكم پارت علابالي الپارت نتاع اليوم تافه شوية مي مزال الپارتيات الجايين نشاءلله علابالكم ولله راني متشوقة أكثر منكم لحكاية شهاب و مايا يعني كيفاه راه يتقابلو