♥تزوجتها من أجل أمي♥(باللهجة الجزائرية)

الحلقة الأخيرة

سيف: احكي هاني نسمع
مريم: بواش نبدا انا درك
سيف: راح تحكي ولا لا
مريم: اي اي تو نحكي
سيف: احكي هاني نسمع و مادابيك فيساع پاسكو عندي خدمة
مريم: شو سيف رح نحكيلك من نهار الي جيتنيي فيه لدار و شربت فيه نتا القهوة و بعدها دخت باش نخبرك لحقيقة الكل راح نحكيلك كلش ليوم تعرف الحقيقة سيف : احكي
مريم : نهار هاذاك انا هي الي درتلك دوى يدوخ في
القهوة و هاذيك الليلة نتا مادرتلي والو جيست صور ديفوتو و بعتتهم لأروى باسكو انا غرت بزاف كي شفتها معااك ن.
سيف :( مزدوم و ماش مزدوم هو صح يعرفها لفعة ادير كلش مي ماشي لدرجة هاذي ): نتي عبالك بلي دمرتيني و دمرتي عائلتي و دمرتي كلش في حياتي حرامم عليك نوكل عليك ربي دنيا و آخرة مرتي درك بين حياة و موت في جرتك و في جرت كذبتك جاتها الولادة الصعيبة حرام عليك (يحكي و يعيط بحرقة)
مريم : سمحليييي راني ولله نادمة بزاف كن جيت منيش نادمة مانصارحكش
سيف : نادمة مالا قلتيلي نادمة يا كذابة
و هو يحكي صونالو تيليفون
سيف: الو ماما كاش ماصرا لأروى
امو : يا وليدي اروي فطنت من الغيبوبة
سيف مالفرحة قريب يشطح : راني جاي
مريم : انا تاني حنجي معاك
سيف:ياخي نتي مكفاكش الي عملتيه وللا واش؟؟
مريم : نن حنعترفلها  بكلش
سكت عليها و ركبو في لوطو و قلعو ... و صلو لسببطار هبطو حبس حذا البيت الي فيها أروى خزر لمريم و قالها
سيف : اقعدي هنا كي نعيطلك ارواحي
دخل سيف للبيت لقاهم كامل مجتمعين
حكيمة: واش جابك نتا هنا يا خاين مكفاكش الي درتو في بنتي
أروى خزرت لسيف و عنيها مدمعة  سيف يخزرلها من جيهة فرحان و من جيهة زعفان الي هيا فيبالها الي خانها
أروى : اخرجو كامل
حكيمة: علاه يا بنتي
أروى :قتلكم اخرجو خزرت لسيف و قاتلو غير نتا اقعد
خرجو و خلاوهم .. أروى  نحات لخيوط الي كانو في يديها و هبطت من فوق السرير و راحت تجري عنقاتو سيف بقا مشوكي 
أروى : نتا تحبني؟؟؟
سيف : اصبري دقيقة ..راح عيط لمريم و جا اروى شافتها قلقت بزاف
أروى :واش جابها هاذي لهنا
سيف: هيا راح تحكيلك كلش
مريم : حكاتلها كلش و طلبت السماح و خرجت و هوما غير ساكتين خزر سيف لأروى شافها متفجأتش من هدرتها
اروى: فقت بيك كي كنت تجي ليا  كل ليلة تبكي و تقولي راني مشافي حتى لحاجة و جامي نفكر نخونك و تعبرلي على مشاعرك (تحكي و تبكي )
قربلها لوجها و بقى يمسحلها في دموعها
سيف: نوعدك من اليوم و رايح متشوفي مني غير الخير راح نحطك تاج فوق راسي و نحميك من كلش حتى من روحي نوعدك يا أميرتي و باسها على جبينها
أروى : نحبك بزااف (وعنقاتو)
........
نروحو لشهاب و مايا
شهاب : شوفي باش نقولهالك  من اللخر راني باغيك تكوني حلالي مانيش باغي ندخل معاك في علاقة حرام راني باغي ندخل ديراكت في الحلال دوك نحكي مع دارنا يحكو مع دارك يتفاهو على لادات للخطوبة
مايا مشوكيا مصدومة السيد لا يشاور لا يناور الا هيا قابلة بيه ولا لا خزرتلو و راحت و خلاتو
...........
بعد شهر فات الكلو حب و سعادة بين أروى و سيف و وليدهم و بنسبة لمايا و شهاب تاني عايشين قصة حب و دارهم علابالهم كل ليلية يحكيو في الفيس
.......
الليلة هاذي اروى بايتة مع مايا باسكو غدوة خطبتها هي و شهاب ساهرين في البيت يحكو ويضحكو النوم دنيا نص الليل و هوما لا عبالهم
شهاب بعتلها في فيس
شهاب: حبي مزالك فايقة
مايا : وي مبغاش يجيني النوم راني خايفة
شهاب : ههه من واش خايفة عمري
مايا : من الغدوة الخطبة
شهاب : ههههه غدوة ماشي ليلة العرس باه تخافي ا مهبولتي جيست نلبسك ااخاتم سيتو مانيش باش نمسك
مايا: اممم
شهاب: هههه حشمتي هههه
............ غدوة من ذاك ناضو فطرو و راح للكوافير ياه يمشطو و يمكيجو
اما بالنسبة لشها مزال راقد راحلو سيف ينزض فيه
سيف: نوض اوجه الحطبة ليوم خطبتك
شهاب:امم خليني
مايا: مسكسنة مايا مزاللها واش تقاسي معاك
شهاب سمع اسم مايا ضحك و ناض فطر و راح هو و خوه للحفاف

تسريع الأحداث
مايا و اروى جاو من الحفافة خرجو يهبلو قاعدين في البيت يستناو
مايا: شبيهم طولو بزاف
أروى: هههه دوك يجيو نحي لستراس برك
امهم دخلت: راهم واحيهم يصونو هيا ا أروى معايا
مايا: و انا
أروى : نتي قعدي هنا لنعيطولك
خرجو راحو فتحو عليهم الباب أروى طاحت عينها طول في سيف يا عمري شحال شباب
دخلوهم لصالون بزغاريت أروى  راحت قعدت حذا سيف
سيف: يا ربك جيتي زوينة بزاف الله يبارك
أروى : مام نتا شباب
سيف: شفتي راجلك شحال زوين راني بقلاوة معسلة
أروى : احم احم
ام سيف و شهاب : هيا جيبولنا عروستنا خلي نشوفوها
راحت أروى جابت مايا دخلت مايا و رافدة سينية فيها القهوة 
ام شهاب: يا عمري كنتي شحال زوينة يا أروى يا بنتي غير عسي عبلاصتك لا تديهالك مايا
أروى: بلاصتي واحد مايديها حتى اختي ولا واش قال سيف
سيف: باينة هاذي
شهتب قاعد غير يخزرلها اول مرة يشوفها بالماكياج و اول مرة يشوف شعرها مطلوق موالف كوت شوفال و مام الروب اول مرة يشوفها موالفة تلبس جينز

..........
لبسو لبعضاهم لخواتم
خزرلها و قالها في وذنها : الزين هاذا قاع وين كنتي مخبتيه
مايا: مخبياتو ليك (قالتها و حشمت و و جها حمار)
شهاب: علابالك بلي نحبك و نعشقك و نموت عليك يا قدحلالي  علابالك بلي نتي اول حب في حياتييي كامل
مايا تفاجأت و زاد كبر في قلبها اكثر و اكثر : حتى انا انت اول واحد نحبو و نخرج معاه في حياتي
شهاب: علابالي انتي صح مقلتليش بصح انا جبدت عليك اامعلومات كامل
مايا: يااأااا كل دقيقة نزيد  نبغيك اكتر من الدقيقة الي فاتتت
سيف و اروى و رافديين  ولدهم في زوز و

  ❤ النهاية❤

كي جاتكم النهاية ؟؟
واش  رايكن  في اكورنيك ككل بكل صراحة