مراد: واشنو!!!
حكيمة: إيه كيما راك تسمع أروى بنتنا
مراد: يا مرا راكي عارفة واش قاعدة تحكي
حكيمة: إيه مثبتة و متأكدة من كلامي
مراد: و عندك دليل
حكيمة: إيه عندي فحص (DNA)
مراد:جبيه
راحت جاباتو
حكيمة: هاك
حكم مراد الأوراق و قعد يقرى فيهم و عينيه مدمعين
مراد: هادي بنتنا يا حكيمة بنتنا الي مرقدناش الليالي و حنا نحوسو عليها مخليناش بلاصة و حنا نحسو عليها لقيناها اليوم لقينا البنتنا الي من لحمنا و دمنا
حكيمة: إيه
مراد: هيا علابالها بلي حنا عائلتها
حكيمة: معلابالهاش قالتلي هاديك النهار من المستحسن متعرفهمش خير
مراد: علاه؟
حكيمة: معلاباليش واش كذبت عليها الي رباتها
مراد: لازمها تعرف الحقيقة اليوم قبل غدوة
حكيمة: هيا دوكا نهبطو يكونو يستناو فينا
..............
بعد ما هبطو مراد و حكيمة لجماعة راح ديراكت عنق أروى و قعد يبوس فيها وهيا كالأطرش في الزنقة مافاهمة والو
أروى: شبيك عمي صفا
مراد: أنا للحمد للله و إنتي بنتي لاباس مابيك والو ياخي
اروى: غاية علاه بنتلك بيا حاجة
مراد: لالا بنتي
حكيمة: هيا نقعدو نتغداو
فهد: والله انا تاني جيعان
قعدو كامل فوق طابلة يتغداو و مراد كل دقيقة يخزر الأروى خزرات ميتفهموش و أروى لاحضتو يخزرلها بطريقة مش عادية ، بعد ماكملو غداهم كل واحد لوين راح و خلاو الخدامة تنضف الحالة
............
طبطبط
فهد: شكون
اروى: أنا معليش ندخل
فهد: إيه ادخلي
دخلت و راحت قعدت بحذاه
اروى: فهد معليش نهدر معاك شويا
فهد: إيه تفضلي
اروى: حابة نخرج من الدار هاذي و منعرف وين نروح
فهد: علاه حابة تخرج من هنا كشما قلقك واحد
اروى: لالا حاشا نتوما حطيتوني كأني وحدة منكم مي
فهد: مي واش انطقي
اروى: واش يقولو عليا ناس مخليا دار راجلها و جايا عايشة في دار غريية و زيد فيها رجال
فهد: ميهمكش في كلامهم وزيد خلي يتجرأ واحد و يحكي عليك و نوريلو الزمباع وين يتباع
اروى: كثر خيركم ولله ماننسالكم خيركم طول حياتي نبقى ندعيلكم ليل و نهار و ميجيش قدام خيركم
فهد: مفماش علاش تدعيلنا ليل و نهار
اروى: معليش نسقسيك
فهد: تفضلي
اروى : أنتا علاه جبتني لهنا يعني كنت قادر تديني لأوتيل و لا تخليني في سبيطار ماشي بيزار شوية دخل طفلة غريبة لدارك و تسكنها و تعيشها عندكم و المشكل داركم ڨاع متهليين فيا كأني وحدة منكم هوما مع ناس كامل هكا و لا معايا أنا برك
سمحولي لبنات هاذا واش قدرت نكتب ولله عيانة و مريضة منعرف واش بيني مانيش كيما العادة و زيد فوق من هاذا حاكمني الإكتئاب هاذي الفترة و إذا كنت حايبيني نكملها صح بليز أعملو vote و برطاجيو لصحابكم يجو يقراو معاكم ولله حلمي توصل هاذي الكورنيك 1k پليز حقوقولي حلمي و متبخلوش عليا