تسريع الأحداث:
جازت سيمانة و مجرى والو نفس الأحداث قاعدة تتعاود
يوم جديد
ناضت سيف الصباح بكري پاسكو يخدم راح لدوش عام وخرج في هاذا الوقت ناضت أروى حلت عينيها لقات سيف قدامها عاطيها بظهر ولافت منشفة على خصرو راح ينحيها و يلبس البوكسار عيطت واحد العيطة بالاك الي فدار كامل سمعوها دارلها مفجوع
سيف:واش بيك يا طفلة هبلتي ماناش وحدنا
أروى:(حطت يديها على يدها و غمضت عينيها و قاتلو) آي أحشم أستر روحك راك كبير
سيف:ههههه تحشمي مني ياك أنا راجلك (و بدا يقرب منها ناضت هيا من السرير و بدات تمشي و هوا يمشي حتى وصلت لآخر للحيط حاوطها بيديه و بدا يهدر)
سيف:إيمالا تحشمي مني أه!!
أروى(نفس بدا يتقطع): س..يف ت..عييش بع..د
سيف: و كي منبعدش شاديري
قبل ما تحكي حط شفايفو على شفايفها و غطس معاها في بوسة طويلة و بقا يعض و يمص في شفايفها حتى حسها بدات تفقد الوعي بعد عليها
أروى: (تبكي بشهقة):ياك قتلك متقربليش
بقا حاير فيها كيفاه تبكي و تشهق هادا ڨاع على جال بوسة قطعتلو تخمامو بكف ثلاثي الأبعاد
سيف:أه نتي متحشميش صح كيفه تسترجي تضربيني بكف أصلا واش نستنا من وحدة قحبة ماربوهاش والديها أصلن مكانهمش من أصل
أروى غاضها كلامو راحت لصال دوبان تبكي على سعدها و و عدها
هبط سيف لتحت لقا امو و خواتاتو يستناو فيه باش يفطر
يماه:اقعد ياوليدي افطر
قعد
مريم:وينها أروى؟
سيف:أ...ه لفوق راقدة
الكل:صباح الخير
قعدت تفطر و هيا تفطر حتى تجيها ضربة لرجليها من تحت الطابلة
شهاب:واش خو رايح تخدم اليوم
سيف:ننن راح نقول لصاحبي يجي يعاوني في وراقي نحتاجهم
شهاب:شكون صاحبك
سيف:احمد(تفكرتوه حكيت عليه قبل في أول الكورنيك)
.................
دخل سيف لشمبرة سمع أروى تبكي غاضاتو عمرو ندم على البوسة و ندم على الكلام الي قالو
سيف:أروى أفتحي الباب تعيشي
أروى: (فتحت الباب و راحت عنقت سيف بلقاوي): مالغري واش قلتلي و سامحتك على كلامك
سيف: إسمحيلي ماعادش نعاود صنعتي مي الكف الي ضربتي هولي يرجعلك حاجة خلاف غير عسي روحك
أروى:هههههههه
..................
قاعد سيف فجنينة يخدم في وراقيه حتى تجي رحمة (الخدامة)
رحمة: يا وليدي كاين واحد برى يستنى فيك
سيف:ايه دخليه خالتي
دخل أحمد و راح يحضن في سيف
سيف: واش خو وين غبرت توحشناك
أحمد:الله غالب ياك تعرف الخدمة و الفواياج ملقيتش أوقات لسهرات ونتا واش عامل فيها
سيف:هانا
احمد:نشوف في الزواج والمك
سيف:واش من والمني ياخو لوكان قعدت عازب خير تزوجت بوحدة قد بنتي
احمد: ههههه
........
أروى:وين رايحة خالتي
رحمة: ندي لقهوة لسيف و صاحبو
أروى: هاتي عليك خالتي دوك أنا نديلهم
راحت أروى لجنينة قابلها سيف و صاحبو عاطيها بضهر شافها سيف خزرلها خزرة نتاع روحي متجيش هنا هيا فهماتو و حبيت تديرلو زكارة
راحت لطابلة حطت القهوة و سيف عينيه ولاو حمورة مزعاف يعرف صاحبو خامج و حتى مرتو ميسيبهاش
هيا غير دارت راح تمد القهوة لصاحبو تفاجئت مشخص الي قدامها
أروى: نتا أحمد ياك؟
أحمد:يااااااي أروى
راحت عندو عنقاتو و سيف النار شاعلة فيه
أحمد: أروى توحشتك وين كنتي هاد سنين كامل و أنا نحوس عليك مخليت حتى بلاد مرحتلهاش و انا نحوس عليك فلخر لقيتك هنا
أروى: مام أنا توحشتك ڨراف حمودة وين كنت و بدات تضرب فيه على صدرو و تبكي علاه عملت فيا هكا علاه أه علاه واش عملتلك أنا قولي واش عملتلك
احمد: سمحيلي اروى ولله ضروف مسمحتليش مي نوعدك نعوضك على سنين الي فاتو كامل
قوليلي واش ديري هنا!
سيف: أيا بركاو من تمسخير (راح جبد أروى من حضن أحمد)
احمد: اروى قوليلي سيف شيقربلك
سيف: راجلها و نتا شكون بنسبة ليها ؟
أحمد:وا...شنو.. راجلها أروى قوليلي بلي راهو يكذب تعيشي
يعني واش هيا العلاقة الي بين أحمد و أروى؟
اكتبولي تعليقاتكم
لبنات علابالي نطول كي نكتب پارت مي تفاعل راهو ناقص بزاف تعيشو برطاجيو لصحابكم يجو يقراو معاكم باه نعود كل يوم نهبط پارت