احبسي كيما راكي خبطي جام قبل ما تبداي
.........
أنا:أروى ياك لاباس
أروى: ......
أنا:أروى
أروى:والو (تهدر و موجوعة )
كي سمعت صوتها موجوع دخلت ديراكت لا تولهت لواش لابسة لا والو كل تفكيري كان فسبب بكاءها... قاعدة في الحاشية نتاع البنوار
حاطة يدها على كرشها و تبكي كي شافتني توترت
أنا: اروى شبيك تبكي.. بيك حاجة؟
أروى:والو..ارجع ارقد (تهدر بحشمة و موجوعة في نفس الوقت)
أنا (قدمت لها):واش يوجع فيك؟
أروى:(هبطت راسها)
أنا (شفتها متوترة و تغطي في روحها شفت بقع نتاع دم جاتها ليغاڨل):حاشمة من هاذي
هههه ألبسي حاجة في رجلك ماشي ملييحة ليك للبرد و زيد علاه ماكش راقدة
أروى:(حاشمة ووجها راح يطرطق من الحشمة)
أنا:أروى أنا راجلك متحشميش مني معندكش ليبوند
أروى: لا
أنا: باهي أقعدي هنا ... نروح و نجي متتحركيش
خرجت من لاشوبغ و رحت نجري لغرفة مريم ..... طبطبت عل الباب خرجت مخلوعة
مريم:اووو سيف
أنا: ادخلي جيبيلي ليبوند نتاع نساء
مريم: (حشمت):وا..شنوا..
أنا :ولله ماهو وقت حشمتك و ازبي جيبلي واش قتلك لا نكرفسلك وجهك
مريم: اوكي (راحت لدريسينغ)
(يكب سعدو لا حشمة لا والو ....يهدر مع اختو هكا مالا مرتو كيفاه ..جبدت ليبوند و راحت ليه ):تفضل أما لشكون
أنا: ليا أنا سؤال اغبى من الغباء لأروى بطبيعة
رحت و خليتها ... دخلت نجري ليها لقيتها متكية على الحيط و العرق يشرشر منها
أنا: شدي جبتهملك من عند مريم راح نخرج و نخليك تبدلي (جيت خارج عيطتلي بصوت كلو حشمة):سيف
أنا: وي.... تسحقي حاجة
أروى:معليش تجبلي من عند مريم Pyjamas و سس (مقدرتش تنطقو أما فهمتها):اوكي منطولش
خرجت و رجعت لشمبرة مريم
مريم: الليلة زرقاء اليوم ... ها واش تسحق تاني
أنا: لسانك طول إنتي حسابك مباعد ماشي دوكا.... ادخلس جيبي ليا pyjamas تكون سروال و تيشورت لأروى
مريم:اوكي
أنا:ازربي خليت اروى بلا قش
مريم:هههه
أنا:(يكب سعدي): ماشي قصدي ... تستنى فيا نجيبلها pyjamas باش تبدل
مريم: إيه إيه شد
ديت من عندها pyjamas ورجعت نجري لشمبرا و قبل ماندخل رحت للفاليز جبدتلها slipe و ديتهملها
أروى: تي وينك لدرك راني ميتة بلوجاع (دات من عندي لحوايج)
أنا: سامحيني ماشي بقصدي ..... أنا نخرج و نتي بدلي
خرجت و خليتها....بعد زمان خرجت... حسيتها دايخة لأنو كانت تمشي و تتكالا على الحيط....قدمت ليها باش نعاونها لفيت يدي على وسطها و يدي لخرا على يديها....و هيا ماكنتش من العاكسين تكات راسها على صدري...عاونتها باش ترقد...حكمت بلاصتها غطيتها
أنا: مازالها توجع فيك؟
أروى: (دارتلي براسها إيه)
أنا: دقيقة..دوك نرجع
خرجت من الشمبرا رحت للكوزينة عملت تيزانة بازعتر و البابونج و القرفة و رجعت للشمبرة لقيتها في نفس الوضع .. قدمت قعدت بحذاها و قدمت لها التيزانة
أنا: اشربيها كامل باش يخف عليك شوية لوجاع
أروى: (داتها من عندي): مرسي
أروى: إنتا الي درتها
أنا: وي
بعد زمان كمل التيزانة مي مازلت موجوعة
أنا:مازلتي موجوعة
أروى: شوية
حكمت بلاصتي و قربتها ليا..فيبالي بلي نساء كي تمرض تحتاج حضن دافي... حطيت راسها في صدري و حضنتها بقيت نمسح على ضهرها...حسيتها حاشمة و مربوثة
أنا: متخافيش juste لاه ميروحش لوجاع
أروى: ياك ماديرلي والو
أنا: يا بنتي واشبيكي موسسة
غرست راسها في صدري حاوطت وسطي بيديها على الصغرونين و أنا في وقتها تروهجت.... شي من حضنها الدافي و شي من نفسها الي يضرب في رقبتي...حست نفسها بدا يتنضم... عرفتها رقدت ... نبعدها و نرجعا لبلاصتها...مي بقات مكبشة فيا مبقاتش تسيبني تقول عليا راح نحرڨ...صراحة فرحت حتى انا حابها ترقد في حضني كل يوم ....نشالله طول قعدتنا هنا
علابالي بلي راني نتعب في الباطل و كيان الي يستخسرو حتى جام بصح معليش بيبيشاتي ♥♥♥