جا داخل لدار فتحتلو الخادمة
الخامة:سلام ولدي سيف
سيف:أهلا خالتي رحمة (وباسها من راسها ) وينها يما
الخادمة: راهي في غرفتها ولدي و كانت تستنا فيك باه تحكي معاك
سيف:اووه ياريت ميكونش الموضوع نتاع زواح كيما لمرة ليفاتت
الخادمة: يا ولدي هاذي أمك و هاذا واش راهي حابة منك
سمعها لتالي وراح عند أمو دخل عليها يلقاها رافدة تصويرة باباه الله يرحمو و عنيها مغرغرين بدموع باسلها راسها و قاللها ماماتي كنتي تستناي فيا (عيشة هي أم سيف أحن من الحنان مرأة راقية جدا )
عيشة:ايه ياروح ماماتك توحشتك و زيد الدار فرغتلي بعد موت باباك و أنت الي حابني نبقى هك
سيف:يا لعزيزة واش درتلك أنا ايا.....قطعاتو و مخلاتوش يكمل هدرتو
عيشة: حاباتك تتزوج و تملي عليا دار و تجيبلي حتى طفل ولا طفلين يعمرو عليا الدار و نفرح بيهم و زيد هادي كانت أمنية باباك ربي يرحمو و أنت الي محبش تنفذها
سيف قعد باهت في أمو و حط راسو و قالها يا يما أنا نحبك و منحبش زعافك مي منبغيش نتزوج و معادش عندي ثقة فيهم خلاص و أنت تعرفي واش دارت فيا مريم
عيشة:نساء مراهش كيف كيف صباوع اليدين ومراهمش كيف كيف يا ولدي ربي خلق و فرق(نرجعو المريم كانت حبيبة سيف و كان حاب يتزوج بيها حتى لقاها خيناتو معا واحد و زيد كانت تدي دراهم من عند سيف و تديهم لصاحبها بحكم أنو هو فقير و هيا تسغل حب سيف ليها باش تفشفشو وكفاق بيهم تكسر قلبو و حس روحو تخدل والى حد الآن ملقاش دواء ولا خلينا نقولو محبش يداوي قلبو باش متتكررش معاه )
صباح جديد يا فتاح يا رزاق ناضت يامنة طيب القهوة الراجلها و رح يخدم و راحت تنوض لبنات(يامنة هيا أم أروى حتى هيا متتفرقش على عيشة في الحنية و قاسم هو بابات أروى عندو حنوت يبيع مواد غذائية)
عند أروى راقدة كلملاك هانيةفي حياتها في دار باباها مدللة معززة مكرمة معلابلهاش بلي حياتها باش تتبدل 180درجة
يامنة:أروى ملاك هيا أميراتي اليوم ويكاندو متعرفوش. طريق واش تجيب راحت فتحت الباب الباب تع غرفتهم و راحت فتحت الشباك
الغرفة حتى ضربت أشعة الشمس و ضربت في أروى
ملاك:ماما كل يوم تنوضينا على نفس الهدرة
أروى:طريق واش تجيب ،طريق منعرف واش تجيب ااااه حتا الجمعة و منرقدوش
يامنة:صار هكا تضحكو عليا أنتم متحبوش الي ينوضكم بدلال و الحنية نحات صباطها و راحتلهم نوضو نوضو ناضو يجرو لصالدوبان
نرجعو عند سيف
رحمة(الخدامة) :سيف هيا ولدي نوض
سيف:امم خلوني نرقد راني تعبان
رحمة:نوض عزيز خالتك هاني وجدتلك لفطور الي تحبو هيا نوض عزيزي
سيف: هاني نايض أما باش ندي منك بوسة قبل.قربتلو رحمة بساتو على راسو و مسحتلو على شعرو ربي يفرحك ولله غير فرحت كي قاتلي امك بلي باش تتزوج
سيف:ايه هبلتني بزواج درك نشوف واش راح تجيبلي، ناضت رحمة و راح سيف لدوش و قعد ويشوف فوجهو فلمراية صح باش تتزوج يا سيف مي مالازمش دير فيها الثقة ولا حتى تعطيها قلبك راك عانيت باه رجعت توقف على رجليه غسل روحو و خرج لبس سروال أبيض و قميص مارون و أديداس بيض و عدل شعرو و نزل لطابل يلقى أمو و رحمة يحكو على أروى....
Stoooooooop
كملت الحلقة الأولى انشالله تكون عجبتكم الجديد راه جاي ما تنساوش comentaire +Vote باه نتشجع أكثر