الحلقة_82:
احمد بقا سهران برا للبرد قاعد فالطونوبيل تاع صاحبو يخمم في كامل واش جاز عليه...مقدرش يتقبل حكاية زينب تخونو ...محملهاش حاب يقنع روحو بلي العكس ....حاب يكون ينوم وكلش يكون وهم في وهم...بقا يتفكر في يماتهم كامل كيفاه كانو ودرك خانتو...وضرباتو في ضهرو...شد راسو بين يديه مقهور ...وجيعة كبيرة في قلبو...شعل ڨاروه تنهد على كامل واش صار ..تبسم بقهرة حاير واش يقول لدارهم ليماها وخاوتها وليماه ...زينب لي ديما وقف معاها خانتني ...مقدرش يتحمل حاجة كيما هذي. خمم حب يردها فوقو. ...
تفكر كي قاتلو يماه خليك منها ماهيش حابة ترجع وهذيك طماعة ..وخليني نشوفلك ونخطبلك لالاها...قرر باش يعاود يبني حياتو من جديد..رغم لي مكسور بصح المرا تنسيها غير المرا..
ناض وقف رما قاروه..ورجع للدار ...حط راسو باش يرقد...جاتو بين عينيه....رغم كلش مقدرش يكرها مي محاال يسامحها...احمد صح قلبو حنين مي محال يسامح لي غدرو..ونفس الحال مع ختو من نهار قاطعها مرجعش ليها..
غمض عينيه تفكر المنام لي شافو ...طالع في جبل هو وزينب ...زينب مقدرتش تطلع وتقولو عييت ..وهو يقعد يستناها ويقولها معليهش نستنا ك وهي تشنف وتلعب بتليفونها....في غفلة منو ملقاهاش ...هبط يجري يعيط زينب زينب....
لقاها واقفة مع راجل في لحظة هذيك جبد كابوس من جيبو باش يرمي عليهم منبعد سمع واحد عيطلو قالو احمد بلاك ...فطن مخلوع مالمنام ...ثم دخلو الشك بلي راهي تخون فيه.....بصح هي متخرجش غير مع يماها يعني تخون فيه فالتليفون ...وزاد كلما يحوس يعيطلها مترفدش ومتحبش تخرج معاه يعني عندها شكون راه يلهيها...وبلاك هو لي بدلها عقليتها خاطر زينب لي عرفها مكانتش هاك..ثم هبل ممكن هذا مدة وهي تعرفو دخلو للشك ووسوسلو الشيطان بلي حتى كي كانت في دارو كانت تخون فيه...ثم هبل وكي راح شافها لقاها صح تهدر مع راجل..
...
طلقها بلا مايخمم ...خاطر كلش وضح بالنسبة ليه.
رقد بسيف الليلة هذيك .زينب ليل كامل تبكي دات تليفون تاع يماها بالتخبية وتعيطلو وتليفونو طافي ..بقات تعاود والو حابة تفهمو مي ياحسرااه درك راهي مطلقة وواش راح تقول لدارهم حصلة وحطت روحها فيها..
الصبح ناض احمد مدقدق يشرب في قهوتو راسو يوجع فيه...يماه شوف فيه حالو ميعجبش عوجت فمها
باية: مزلت مع هذيك اللفعة ...راح تهبل..قتلك خليني تعاود نزوجك وخليك منها
احمد جاوبها ببرود وحزن: خلاص
باية: وشنو خلاص؟!
احمد: طلقتها..
باية حلت فمها مخلوعة: منك بالصح؟!
احمد وقف : نجي لعشية نلقا دوزانها لي مزال هنا كامل واجد فليل نديهلها وتبقى دار الشرع بيناتنا.
باية: معليهش وليدي ربي يبعثلك ما خير...
احمد خرج تلقا مع ختو سميرة داخلة مهدرش معاها كي العادة...هي شافتو مقلب...
سميرة: واش بيه يما؟!!
باية: طلقها...
سميرة: شح تستاهل تهنية منها
زينب: هي جابتها لروحها...
....
زينب مقدرتش تصارح يماها بواش صار مي يماها حاسة بيها
فطيمة: واشبيك زينب! ؟؟ واش صار بيناتكم البارح؟!
زينب: ولو..
فطيمة: يابنتي منعرفكش انا...باينة بيكم حاجة...
زينب طرطقت بالبكا...مقدرتش تهدر تبكي بالشهقة...واش تقوللها احمد خنتو...جاتها صعيبة..
فطيمة : بووه انطقي خلعتيني..
زينب: ط....طلقني .
فطيمة مخلوعة: طلقك؟؟ ونتي علاه راكي تبكي ماشي نتي جبتيها لروحك...
اااه ياربي واش نقول للناس درك التبهديل ياربي وخاوتك واش نقوللهم...
زينب :تخمو غير فالناس...
ودخلت بيتها تجري...
احمد جاي فالطريق فليل باش يلقا خاوتها فالدار وجايب دوزانها كامل...
يسمع في اغنية شاب فيصل
مبغيتيش تحشمي وتوبي
خلعتيني وكي درتي الڨرون
ماتجرجرتي هذوك ذنوبي
وشوفي هذوك غير عربون
مزال الحال تندمي وتولي عندي..
شبعي من رايك شبعي من رايك
ولاد الحومة
By Nihel-nina
قصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس More