مشاعر خارج دائرة الصمت

البارت ٤٨

مشاعر خارج دائره الصمت

البارت  48

بس كحلت عيوني طووخ وانتظرتة انتظر فرحتي ترجع للبيت واني اتحضر صافنة على روحي عالغرفة تحضيرات وخبصة معقولة لهدرجة احبة هيج اتحول كل ذاك الكره لحب ولهفة ربي لاتحرمني منة مالي غيرة بهالدنيا خبصنة سعد بالغدة وهوستة وزوج ريام هم وصل الضهرية خطية من المطار بوجهة علينة وطبعا استقبلتة ريوومة بالبجي والنوايح وهو يسكت بيهة ويستحي من عندنة ههههه ما يحضنهة شوية وكالوا اجوي وصوت الطلق اشتغل برة واصدقائة يهوسون انتظرة يفوت ماكو اجة ايهم سلم وكال الغدة بسرعة جهزوا راح يصب الطباخ برة وصدك صبوا واتغدوا وجاي ومي مي وجاي لعبت رواحنة واني انتظر يدخل ماكو تالي الحجية بعد ايدي كامت كالت مو وضعية هاي رجال مريض يريد يرتاح استلموه جاي وجكاير وسوالف صاحت سعد وكالتلة اذا ميجي اني اطلع اطردهم ههههعهعه خطية خايفة عليه كلش وهم اخذوا نص ساعة وماكو واني داخلي اعرفة دايتهرب من عندنة شوية وسمعنة فضت الهوسة برة وشوية ودخلة ايهم عالكرسي انشلع كلبي من مكانة منظرة وجع كلبي بس الحمدلله من رجعلي سالم صارت الحجية تهلهل والبنات ويطشون جكليت امسح بدموعي ويرجعن ينزلن مبتسمة وفرحانة لدخلتة وورجعتة النة سلموا عليه واتقربت بست راسة وكتلة الحمدلله عالسلامة نوورت البيت

ايسر:اتكطع على صوتهة لو شوفتهة بس اكابر وادوس على روحي وماارديت عليهة شكد حاجاني ايهم بس مااريد أامل روحي بيهة مصيرهة تملني وتروح لان وضعي حسب كلام الدكتور منتهي جان وماكو كل امل اتعالج فعليمن اعلقهة بية واشيلهة حملي كافي العانتة قبل بسببي جنت مقرر بداخلي اعوفهة بس تجيب واتطمن عليهة اكتبلهة الشقة باسمهة وخل ترتاح وتربي الطفل بس لو اتزوجت لااسحب الطفل منهة لا لا شنو تتزوج اذبحهة والله احبهة اي لحد هسة واعشقهة بس كدمااحبهة مااريد اجبرهة بية لان صرت احس بية شي راح يأثر على حياتنة هووواي ويوكفهة مستحيل ترجع تمشي،، دخلت للبيت واتهرب اقابل نضرات عيونهم اني الجانت خطوتي بهذا البيت ترج الكاع ارجعلة بهالوضع بس شكد ما اعطل دخلتي صارت امر واقع ولازم اواجه واقتنع واحمد الله واشكرة دخلت وتلكتني هلاهل امي وهوساتهة فرحانة بية واني ادور بالوجوه على وجه رغد لكيتهة خاتلة وراهم تمسح بدموعهة قهرتني حسيت بضعف مسحت دموعهة واتقدمت باست راسي واتحمدتلي السلامة كلت لايهم اخذني لغرفة امي تعبان

رغد:لا هنا صارت غرفتنة رحت فتحت الباب كدامهم دخلة ايهم وعاونة ينام عالسرير جان هو مساعد نفسة كلش احس بي يضغط على نفسة كلش بس لا يضغط عليهم كالة ايهم اني صاعد انام فوك اذا تحتاج شي خابرني وطلع همسلي بالج عليه طبك الباب وراح

ايسر:هههههه شكد اضوج من هاي حركاتكم مابية شي مااحتاج عطفكم
رغد:بلعتهة وابتسمت كتلة شنو رأيك بغرفتنة الجديدة حلوة صارلي شكم يوم احضر بيهة

ايسر:زينة حلوة واتجولت بنضري جانت تخبل مسويتهة ونظيفة وعطرهة يخبل ،مسويتهة غرفة عرسان بس ابشرج العريس طلع مابي خير مووو ههههههه

رغد:اتعجبت على كلامة ملماتة يحجيهة بوجع ويأس لدرجة يضحك على نفسة، كعدت يمة وكتلة تبقى احلى عريس

ايسر:يلا هم نعمة بالنسبة الج لااتقرب ولا تنقرفين مووو🤨

رغد:نفسك وياي بنفس المكان يكفيني وكمت غطيتة ونزعت شالي امشط شعري
ايسر:انتبهت لملابسة شعرهة بطنهة الصايرة تبين بهاي الملابس لون الفستان ضارب بعيونهة من تباوعلي بالمراية ابتسمت الي كتلهة مو حلو هذا الي لابستة نزعي هو لان لايكلهة بزيادة غرت عليهة
رغد:شو كالولي مطلعني حلوة

ايسر:كتلج انزعي مو حلو ولاتلبسي بعد

رغد:ماشي نزعتة وبداخلي من نضرتة قريت عجبة بس ميريد يبينهة بدلت واجيت اتمددت بصفة كمت شربت مي ورجعت انوب كمت خليت موبايلي عالشحن ورجعت مددت

ايسر:لخاطر الله شكد تحوسين نااامي عاد تعباان

رغد:اي اي ماقصدي صدك اتقربت من جتفة نزلت ايدة جان مخليهة على عيونة حضنت ايدة ونمت براحة مشتاقتلة ومتطمنة بوجودة يمي والله شمايكون وضعة قابلة اهم شي هو وياية

ايسر:اباوعلهة شلون غفت وهي مجلبة بايدي طفلة ومتعلقة بية وجهة برائتهة شلون احرم روحي منهة قطع افكاري دمعة طفرت من عيني غصب عني مسحتهة بعصبية لاايسر لاتضعف لا تأملهة بيك لاتربطهة بيك وانتة عاجز دوس على كلبك مادام تحبهة هي طفلة ومتعرف شتريد شنو سنتين وتتعب وتمل وتكرهك وتعوفك بحقد خليهة تعوفك من هسة وترتاح انتة وياهة تتعذب فترة وتنسة وتعيش حياتهة بس ويامن تعيش حياتهة حياة مو وياي مااريدهة تعيشهة مستحيل اصلا اخليهة بس لا اني مو اناني ااااه دايخ بوضعي ومحتار ماادري شاريد بس كل الاعرفة بهاللحظة اريد انام على انفاسهة وعطرهة عفيت بعد ما سكررت بعطر شعرهة ونعومتة ماحسيت الا عليهة تكوم من يمي بدلت ولبست شالهة تطلع كتلهة بيش الساعة

رغد:مساء الخير🙂 الساعة بالستة

ايسر:اوووه كل هذا نايم صيحيلي ايهم اذا كاعد

رغد:محتاج شي اني اساعدك

ايسر:كتلج صيحيلي ايهم

رغد:ضجت منة ليش هيج يحاجيني كتلة مااشي وطلعت بهدوء يلا ميخالف اتحملي رغودة انتي كدهة هو اعصابة تعبانة رحت غسلت وصحت ايهم جانوا كاعدين بالحديقة الجهال يلعبون بيت ايهم والحجية عدا بيت سعد وريام الي مشت ورة الغدة وية زوجهة خطية هم اتبهذلت هالايام سويت جاي وكعك صبيت جاي واجة ايهم هو وايسر طلعة بالحديقة وديت الجاي وايسر لازم الكوب وجان يعثر ابن ايهم ويكلب الجاي بحضنة لايسر كمزت عليه لان جان حار كلش وهواي كتلة اتأذيت باوعلي بنضرة وحجية بصوت كلة وجع ليش عبالج احس باوعت عيونة صدهن عني ميريد يباوعلي ميريد يبين ضعفة كدامي كتلة ترجع ترجع حبيبي

ايسر:دخلني جوة ايهم

ايهم:رغود كومي دخلي ايسر بس اغسل واجي اشيلة
رغد:اي ولزمت الكرسي جان يلزم معصم ايدي حيل اذاني وبعد ايدي
ايسر:كتلك انتة مااريدهة هية😡

ايهم:😯ماشي ماشي خوية جايك

رغد:دخلة ايهم واني متعجبة ليش هيج يستنكف مني اساعدة ابااوع ايدي مكان لزمتة احمر واثار اصابيعة طابعهة بمعصمي

ام ايسر:ميخالف يمة اصبري اعصابة تعبانة

رغد:لا ادري بي ماما ماصار شي دخلت احضر للعشا اجتي خولة كالت روحي لايسر اني اسوي العشا خليت من ايدي ودخلت للغرفة مالكيتة طلعت لغرفة الحجية اسمعة يسولف باوعت متمدد على سريرهة وهي بصفة كاعدة تقرالة قران اذن وصلينة وكملت العشا وية خولة صبيناه عالميز وكلت لايهم فدوة خلي يجي يكعد ويانة عالواهس مااريد احسسة مريض ووحدة ياكل صدك جابة خطية اكل لكمتين وكال مااشتهي

ايسر: انتبهت لايدهة بيهة اثار لزمت ايدي غصة صعدت لبلعومي ها ايسر مو كلت مااذيهة شو رجعت اذيتهةكلت لايهم وديني اغسل شبعت كالت امي ليش يمة ما اكلت ينرادلك تغذية كتلهة انسدت نفسي
واباوع لايد رغد هي حست وضمتهة جوة الميز كرهت روحي اكثر ليش تتمسك بية اني ماافيد رحت غسلت وفرشت وللغرفة مددت بمساعدة ايهم واتشكرت منة وصرت ادخن ادخن واحس الدخان اليطلع هذا دخان صدري شوية واجت جايبة صينية جاي

رغد:شنو دا تحضر ارواح هالدخان مو زين عليك ومديت ايدي اخذ الجكارة لزم ايدي
ايسر:خليني بروح ابوج محتاجهة
رغد:شبيك ايسر
ايسر:كولي شنو مابية ،وبست مكان لزمة ايدي هاي اني سويت بايدج الناعمة هيج موو شوفي رغد رجعت افقد واذيج رغد اني اعصابي تلف اذا تحبيني عوفيني وارتاحي روحي للشقة واخلي امي تكعد يمج وياي بس تعاسة وتعب مااريد اظلمج وياية اكثر ماشفتي وياية يوم عدل اني جاي اعفيج من مسؤليتي

رغد:انتة شتحجي ايسر مستحيل اعوفك بهيج ظرف اذا مااوكف وياك بمحنتك شوكت اوكف وياك

ايسر:اني جاي اكلج مااريد افهميني
رغد:بس اني اريد اني متأكدة راح ترجع توكف على حيلك بس شوية تتشافى سافر لاحسن بلد وتتعالج ان شاء الله بس لا تفقد الامل

ايسر: رغد لا تأملين روحج الدكتور كال كل امل ماكو

رغد:مو بكيف الدكتور بكيف الله

ايسر:يعني بقائهة وياية مبني على امل ارجع امشي زين لو ماصار تعوفني وتمشي وانجرح جرحين بدل ماهسة بكلبي يصيرن بكلبي وبكرامتي ،رغد لاتعاندين وسمعي الكلام
رغد:لااشو اعاند
ايسر:مااشي لعد شوفي خبالاتي على حقيقتهن ساعتهة انتي تشردين بروحج اطلعي يلا برررة اطلعي لزمت صينة الجاي وكلبتهة وكتلهة اطلعي وعووفيني
رغد:اجت الحجية عالصوت واني اتصفصفت يم الكنتور ابجي اول مرة اشوفة بهالضعف والاستسلام
ام ايسر:خير يمة شبيك شبيهة البنية ليش تطرد بيهة فوك ما واكفة وياي

ايسر:مااريد وكفة احد عوووفوني كلكم عوفوني واطلعوا مااريد اشوف احد
ام ايسر:تعالي يمة امشي وياي خلي زوجج يرتاح الظاهر اعصابة تلفانة

رغد:طلعت عيوني مورمة كعدت بالصالة ابجي..

الكاتبة ايه.... يتبع