مشاعر خارج دائره الصمت
البارت 46
لا تفجعهة باحد مالهة غيرهم يتيمة ومالهة احد شوية واتصل ايهم احس نص عمري راح على ما دست اللرد ورديت
ايهم:عايش ريااااام عايش نجحت العملية وقفوا النزف
ريااام:الحمد لله الحمدلله ربي الف الحمد لله
ايهم:وزوجتة شلونهة نسيت اسالج
ريام:الطفل مهدد بالاسقاط
ايهم:لاااااا يارربي رحمتك تحفظة الهم روحي هسة طلع الدكتور خل يشرحلنة الوضع
رياام:مااشي طمني بس تخلص شووية دخلت يم رغد بعدهة ما كاعدة مرت نص ساعة وماكو خبر من ايهم قلقت اتصلت عليه مختنك انرعبت كتلة ايهم احجي بروح ابووية شبي ايسر صار بي شي قبل شوية اتصلت طاير شكووووو
ايهم:لج ريااام ايسر ميمشي بعد جايتة شظية بضهرة وبعد ميمشي ابو طول الحلو ميوكف على طولة بعد 3
ريام:شنووو ايهم شداتكول انتة شتحجي ابوس ايدك كول غيرهة
ايهم:ريام لاتكولين لمرتة هسة خلي تكوم بسلامة يلا تعرف
ريااام:ماشي واجاني صووت رغد التعباان
رغد:مااات مووو ابووس ايدج ريام كوولي الصدك
ريام:لا والله العظيم مامات
رغد:بي شي لعد اجاني هسة يكلي ديري بالج على احمد بي شي ايسر لا تضمين علية
ريام:لا والله عايش عايش بس تعباان
رغد:الحمدلله الحمد لله وصارت دموعي تجري ،لو بس نفس يصعد وينزل قابلة باوعت لبطني ورجعت باوعت لريام حمودي زين مووو اجة ايسر شايلة ورجعة بحضني وكلي ديري بالج عليه
ريام:ابتسمت اي ان شاء الله زين بس ادعيلة الله عليج ادعيلة
رغد:رياام احجي بي شي
ريام:لا بس نازف هواي ويحتاج دم
رغد:يصير اتبرع
ريام:هو انتي ينرادلج دم غركتي الدرج دكعدي راحة لا تخلصين
رغد:يلا خلي نطلع اريد اروح اشوفة
الدكتورة:وييين حبيبتي بعدج يمنة لباجر اتطمن على ابنج ونطلع
رغد:ولد مووو
الدكتورة:ليش متدرين اي ولد😊وضخم ماشاء الله
رغد:على ابوه هو ضخم ،دكتورة زوجي مريض اريد اطلع اوكف وياه
رياام:اااه يارغد ماادري هاي لهفتج حتى توكفين وياه راح تستمر لو عرفتي وضعة لو تشردين بروحج وتتخلين عنة من تعرفين هو صاررر مااكدر انطقهة حتى ااااخ ياربي رحمتك
رغد:قلقني وضع ريام كل شوية تطلع وترجع عبونهة مورمة،رياام بداعت ابنج احجي شبي ايسر والله ما متطمنة خاف عافني وحدي كولي ترة محد بقالي غيرة هو وابني اتخبل والله اذا بي شي +
ريام:ان شاء الله زين والله عايش وداعت ابني بس بعدة بالعناية وضعة جان خطر والحمدلله راح الخطر بس يحتاجلة عناية خاصة 1
رغد:احسج ضامة شي
ريام:مااضم عليج شي ابد،سالت الدكتورة اذا ممكن اكول لرغد كالت باجر اذا نتطمن على وضعهة يلا تخبروهة هيج خبر مااريد منهة اي انفعال او جهد وشكد ما تعطلون الخبر افضل لصحتهة ولسلامة الطفل خابرت ايهم كال
ايهم:لاتجيبيلهة طااري ابد وممنوع تجن للمستشفى خلي ترتاح ونتطمن عالطفل مانريد ايسر ينفجع بخبرين عاد بلكي يفرح بابنة سديتة وطلعت للحديقة كعدت على مصطبة ضلمة وبجيت اييي بجيت من كل قلبي صعب اخووك تشوفة بهيج وضع متمدد وماتكدر تسويلة شي متمدد ما تدري اذا راح تشوفة بعد واكف او لا بس عهد علي اسوي المستحيل ياخوية وارجعك على حيلك بس كون الله يريد ويكتب شفائك احس خف الوجع البداخلي وارتاحيت ورجعت لامي الجانت منهارة وعالمغذي لان ضغطهة ارتفع وسعد السكر تخربطت من سمعت بايسر يعني حسيت كل مسؤليتهم براسي وان شاء الله اني كدهة وكدود لليل كلش يلا فاق ايسر يوون بوجع متأذي فتح عيونة وصفن بوجهي شوية 1
ايسر:فتحت عيوني على وجع بكل جسمي يصل علية صفنت احاول استوعب اتذكرت اخر لحضات صوت الطلق الانفجار اصدقائي ضهري رجلي الدم وجه ايهم كبالي ابتسملي ولزم ايدي شديت قبضة ايدي بس لحظة رجلي ليش مااحس بيهة عبالي راحت باوعت موجودة ومضمدة ليش مااحس باي وجع بيهة ليش مااكدر احركهة باوعت لايهم وحجيت بتعب البنج قوي موو مااحس برجلي
ايهم:اي انطوك جرعة قوية
ايسر:اييي مبين ايييي ورجعت نمت حسيت صوت الدكتور يمي فتحت عيني كالي الحمدلله عالسلامة يا بطل غمضتهن ورجعت نمت ماادري بروحي ما فزيت الا وجه الصبح فزيت الاذان يأذن مال الفجر شكرت ربي وحمدتة انه اني عايش انمردت روحي فجأة واختنكت اتذكرت جماعتي الراحوا فجأة هاجت اوجاع جسمي واحد كام يجر الثاني الظاهر خلص مفعول العلاج اباوع ايهم نايم عالكرسي اليمي خطية كعدتة بصووت تعبان
ايهم:ها خووية شبيك
ايسر:الوجع موتني جتفي وضهري
ايهم:هسة اصيح الدكتور صحت الدكتور واجة يفحص كتلة ترة ميدري بضربة ظهرة واثرهة لهسة
الدكتور:الافضل يعرف حتى نسيطر على وضعة لو فقد اعصابة لان الوضع صعب بالنسبة الة
ايهم:ان شاء الله
يسر:اجة الدكتور وممرضة وياه شاف الجروح البجسمي وجيك الي برجلي بس ما حسيت باي شي من فتح الضماد ورجعة كتلة دكتور رجلي خدرانة يعني حتى الجرح ما جاي احس بي
الدكتور:رائد ايسر انتة بطل وشجاع واكيد مؤمن بقضاء رب العالمين وقدرة ومجرد وجودك بينة هسة وتحجي هذا معجزة لان وصلت حالتك منتهية الصراحة
ايسر:دكتوور احجي لاتلعب باعصابي شبيهن رجلية
الدكتور:للاسف وحدة من الشضايا ضربت مكان حساس جدا بضهرك طلعناهة لكن سببت خلل باعصاب الاطراف السفلى
ايسر:يعنيييي
الدكتور:سببتلك شلل بالاطراف السفلى لذلك ما جاي تحس بيهن
ايسر:اوكف اوكف شتخربط انتة شنو شلل شنو رجلي شنو ايهم انتة مو كتلي متحس بيهن من البنج هذا الدكتور ميفتهم جيبلي غيرة🤬
ايهم:اهدء خووية بداعتي عندك اهدء اوعدك بس تتحسن صحتك اسفرك لاحسن بلد اعالجك بس صير سبع وعدي هالمحنة
ايسر:لك ايهم شو هم صدكت حجية مايفتهم كلشي هذا اني مابية شي مو اني الاكعد على كرسي ايهم ،مستحيل اي انسان يتقبل يفقد جزء من جسمة او حريتة صعبة اتقبل انه اني صرت انسان مقعد اني الي جنت اسابق الدنيا حتى اطلع واتونس واعيش حياتي والبس واسافر واربي بناتي واوديهن لاحلى مكانات اكعد انتظر شفقة العالم علية زين محبوبة قلبي راح تتقبل وضعي اني اتقبل تظل وياية هي قبل ماجانت متقبلتني وكالتهة انقرف وتلعب نفسي من جنت بحيلي تقبل هسة تظل وتداري وتهتم بية لااا اني المااقبل ،،سكتت وكتلهم اطلعوا برة كلكم 6
ايهم:ايسر حبيبي بس
ايسر:اني مو طفللل وداتقنعني ايهم اني زلمة اطلع وعوفني ارتااح ،طلع الكل سكن كلشي مثل سكون رجلية الا دكات كلبي الصارت توجعني احس اقتربت نهاية حياتي راح تروح روحي وابقى بس جسد راح تعوفني السكنت روحي واتربعت بنصهة اني ورغد من هاللحظة انتهينة ماالنة عيشة سوة مستحيل اظلمهة اكثر اذيتهة قبل كلشي سويت حتى اعوضهة ودللتهة واهتميت بيهة ويمكن غصبتهة تتحملني بس مستحيل اظلمهة اكثر واجبرهة تكمل وياي واني بهالوضع مااريد اوصل لمرحلة تشفق علية اموووت روحي ولا انتظر شفقة احد وموت روحي يكون ببعدهة عني
رغد:ضليت يومين بالمستشفى وطلعت وضعي احسن بس كالت الدكتورة لازم تظلين على علاج وابر خلتلي كانيولا وكالت ممنوع تتركين هاي الابر هي مثبتة للطفل ، ريام كالت ايسر صحى ووضعة استقراحسن بس كلبي لسة يوجعني احس اكو شي فرحة ريام مو كاملة اكو شي خانكهة وماجاي تحجي رجعنة للبيت وايسر كلمااتصل يكلولي نايم متت اريد اسمع صوتة مايخلوني اروح للمستشفى ولا يقبلون احاجي معقولة لهسة زعلان علية وهو المايقبل يحاجيني لا مو لهدرجة عااد اخر شي طك كلبي مر ٤ ايام ونفس الوضع اخر شي اتصلت بايهم وكتلة اذا متجي تاخذني ااجر تكسي واجي والله شوية واجة سعد والحجية بس شنو جانت منتهية اتلكتهة ريام واباوعلهة مسحت دموعهة وراحت حضنت امهة كتلهم بصوت مبحوح متعجبة من وضعهم متدمرين ما جن ابنهم طلع من حلك المووت وين ايهم كال اجي اخذج لايسر 1
سعد:بقة يم ايسر وكال اخذ الحجية للبيت لان تعبت
رغد:اي يعني ترجعني وياك اشوفة موو حباب ابو اية
سعد:اخيتي كعدي اريد احاجيج بشغلة كبل لاتروحيلة وتشوفي
رغد:كعدت بصمت جنت اعرف ضامين شي
سعد:شوفي اخيتي ايسر الحمد لله رجعلنة بخير وسلامة بس مو رجعلنة مثل قبل
رغد:شلون يعني
سعد:ايسر انصاب بضهرة وبعد ما يكدر يمشي
رغد:سكتت لحظة احاول استوعب السمعتة شنو بعد حبيبي مااشوف طولة مااتأملة من يلبس البدلة واظل اقرالة المعوذات من الحسد شنو نزلت دموعي بهدوء اباوع الحجية منتهية وريام حاضنتهة تبجي ،،،لااااااااااااااا مو اني الي انهار بهيج ضروف اني اليتيمة الماجان حتى الهة صوت تدافع بي عن نفسهة ضلت واكفة وتقاوم مستحيل انهار بعد كل الشفتة مستحيل مسحت دمووعي بقوة وكمت كتلهم واذا ما يمشي مو نفسة ويانة بالدنيا هذا هو كلللش كافي وربي الي وكفلي ونصفني ورجعلي صوتي وعوضني بي راح يوكفلة ويشافي ويرجعة بحيلة رحت للحجية بست راسهة ماما لاتبجين ايسر مابي شي والله مادامني وياه..
الكاتبة ايه.... يتبع